پوسٹ کرنے کی تاریخ:
14 OCT 2021 11:53AM by PIB Delhi
وزیر اعظم جناب نریندر مودی کی صدارت میں اقتصادی امور سے متعلق کابینہ کمیٹی نے اس بات کی منظوری دی ہے کہ بموجب اطلاع نامہ مورخہ 20 مئی 2021 کو فاسفیٹ اور پوٹاش آمیز (پی اینڈ کے )کیمیائی کھاد کی بڑھائی گئی قیمتیں ، یکم اکتوبر 2021 سے 31 مارچ 2022 تک 22-2021 کے پورے سال تک نافذ رہیں گی۔
اس طرح مرکزی حکومت نے ڈایا مونئیم فاسفیٹ ( ڈی اے پی ) کی اضافہ شدہ بین الاقوامی قیمتوں کی شدت کو کم کردیا ہے ۔ مرکزی حکومت نے ایک خصوصی یکمشت پیکج کے طورپر ڈی اے پی کی سبسڈی 438 روپے فی بوری کا اضافہ کرنے کا فیصلہ کیا ہے تاکہ کسانوں کو اسی قیمت پر ڈی اے پی حاصل ہوسکے ۔
تین سب سے زیادہ استعمال کئے جانے والے این پی کے زمروں (26 :26 : 10 ، 13 : 0 : 20 : 20 اور 16 : 32 : 12 ) کی پیداوار کے لئے خام مال کی بڑھی ہوئی بین الاقوامی قیمتوں کی شدت کو حکومت ہند نے کم کردیا ہے ۔اس نے ایک خصوصی پیکج کے طورپر ان تین این پی کے زمروں پر سبسڈی کی رقم میں 100روپے فی بوری کا اضافہ کردیا ہے تاکہ کسانوں کو یہ کیمیائی کھاد کفائتی قیمتوں پردستیاب ہوسکے۔
مرکزی حکومت نے فصل کو تقویت پہنچانے والے عناصر پر مبنی سبسڈی (این بی ایس )اسکیم کے تحت ،راب سے حاصل ہونے والی پوٹاش (پی ڈی ایم )کو بھی شامل کرلیا ہے۔ سال 2010 میں اس اسکیم کے آغاز کے بعد سے پہلی مرتبہ یہ قدم اٹھایا گیا ہے تاکہ شکر ملوں کے ذریعہ ایک ضمنی پیداوار کے طور پر اس کی پیداوار کو فروغ دیا جاسکے ۔اس کیمیائی کھاد کو پی ڈی ایم – او : او :14 : 5 : 0 کے نام سے جانا جاتا ہے ۔اس قدم سے معدنیات پر مبنی پوٹاش یعنی ایم او پی کی 42 لاکھ میٹرک ٹن سے زیادہ 100فیصد درآمدات ، جس پر لگ بھگ 7160 کروڑروپے سالانہ خرچ ہوتے ہیں۔اس فیصلے کی بدولت نہ صرف گنّا اگانے والےکسانوں اور شکر ملوں کی آمدنی کی سطح میں اضافہ ہوگا بلکہ کیمیائی کھاد تیار کرنے والی کمپنیوں کے ذریعہ کسانوں کو 600 تا 800 روپے کی در سے فروخت کی جانے والی 50 کلوگرام کی ہر بوری پر 73روپے کی سبسڈی بھی ملے گی۔
ایسی توقع کی جارہی ہے کہ مرکزی حکومت پی ڈی ایم پر سبسڈی کے طور پر تقریباََ 156 کروڑ روپے سالانہ خرچ کرے گی اور 562 کروڑ روپے کے غیر ملکی زر مبادلہ کی بچت کرے گی۔
*************
ش ح۔ ع م ۔رم
U-10061