نئی دہلی ،13؍اکتوبر:ڈاک ٹکٹ اکٹھاکرنے کی دلچسپی کو سبھی شوق کا راجہ کہاجاتاہے کیونکہ ڈاک ٹکٹ جمع کرنے والے مختلف ڈاک ٹکٹوں کے ذریعہ سے اس وقت کی تاریخ،ثقافت،  شخصیتوں اور معاشروں کی بہتر سمجھ   کو فروغ دیتے ہیں ۔ ڈاک ٹکٹ  کے دستاویزات ایک مصدقہ تاریخ ہے ۔

ڈاک  کا محکمہ اپنے یادگاری ڈاک ٹکٹوں  ، عام استعمال کی ڈاک ٹکٹوں ، خصوصی لفافوں،  سیاحت ، مذہبی ، تاریخی یااہم مقام یا چیز کی ہوبہوشکل پرمبنی تصاویر اور دیگر ڈاک سے متعلق دیگرچیزوں کی سیریز کے ذریعہ ڈاک ٹکٹ  کو فروغ دیتاہے ۔

‘آزادی کاامرت مہوتسو ’ گذشتہ 75سالوں کے بھارت کے سفراور مختلف  پہلوؤں کا جشن منانے کے لئے حکومت کاایک آرزومند پروگرام ہے ۔ اس کثیر رخی  پروگراموں کو منانے کے لئے ڈاک محکمہ کئی سرگرمیوں کو انجام دے رہاہے ۔ جس میں بھارتی ثقافت ،تاریخ اورتنظیموں  کے مختلف پہلوؤں پر یادگاری  ڈاک ٹکٹیں،  بھارت  کی آزادی کی جدوجہد کے گمنام ہیرو پر یادگاری ڈاک ٹکٹ اور بھارت کے جی آئی کوڈ   پروڈکٹ پر 150سے زیادہ خصوصی لفافے وغیرہ شامل ہیں ۔  

ڈاک ٹکٹ کا دن منانے اور قومی ڈاک ہفتہ 2021کو یاد گاربنانے کے لئے ملک کے کونے کونے میں پھیلے 22ڈاک سرکل  کی جانب سے ہندوستان کے گمنام ہیرو سے متعلق 103خصوصی لفافے جاری کئے گئے ہیں ۔جن بھاگیہ داری کو یقینی بنانے کے لئے گمنام  ہیرو کی پیدائش کی جگہ پر اجراء  کی تقریب  منعقد کی گئی ۔

تمل ناڈو ڈاک سرکل کے ذریعہ چنئی میں گمنام ہیروپر خصوصی لفافوں کا اجراء

منی پور میں گورنر جناب لاگنیشن کے ذریعہ  راج بھون میں گمنام ہیروپرخصوصی لفافے کا اجراء

 

مہاراشٹرکے سرکل میں گمنام ہیروپرخصوصی لفافے کا اجراء

 

یہ خصوصی لفافے یادگاری ڈاک ٹکٹیں اوردیگرڈاک سے متعلق چیزیں  ای –پوسٹ آفس پوسٹل پر دستیاب ہیں ۔

 (https://www.epostoffice.gov.in/Login/aspx?service=Philately)

ملک کے شہری   تاریخ بتانے والی تصویروں والی  ڈاک ٹکٹوں کی چھوٹی شیٹس ،شیٹ کے بغیر ٹکٹیں  ، میکس کارڈ وغیرہ خریدنے کے لئے اس پورٹل پررسائی حاصل کرسکتے ہیں ۔

****************

 

ش ح۔  ح ا۔ ع آ 

U. NO. 10055

(Release ID: 1763813) Visitor Counter : 402