అన్ని రాష్ట్రాలు/కేంద్రపాలిత ప్రాంతాలకు చెందిన జైళ్ల‌ ప్రధానాధికారుల రెండు రోజుల 7వ జాతీయ సమావేశం ఈ రోజు జ‌రిగింది.  న్యూఢిల్లీలో జ‌రిగిన ఈ కార్య‌క్ర‌మాన్ని కేంద్ర హోంశాఖ సహాయ మంత్రి శ్రీ అజయ్ కుమార్ మిశ్రా ప్రారంభించారు. తన ప్రారంభ ప్రసంగంలో కేంద్ర హోంశాఖ సహాయ మంత్రి ఈ క్రింది అంశాలపై ఉద్ఘాటించారు:
1.  25 రాష్ట్రాలు మరియు 4 కేంద్రపాలిత ప్రాంతాలకు చెందిన‌ 75 మంది సీనియర్ జైలు అధికారులు.. వివిధ ర‌కాల సమస్యలపై చర్చించడానికి,  విస్తృత దృక్పథం, విస్తృత ఆమోదయోగ్యమైన విధానాన్ని రూపొందించడానికి ఈ స‌మావేశం సరైన వేదిక.
2. ఖైదీలను సమాజంలోని ప్రధాన స్రవంతిలోకి చేర్చడానికి ప్రధాన సవాలు.. వారికి సురక్షితమైన వాతావరణాన్ని అందించడం.
3. కారాగార వ్యవస్థలు జైళ్లలో మరియు తర్వాత సంరక్షణ కార్యక్రమాలలో నివసించే వ్యక్తులకు శిక్షణ మరియు నైపుణ్యాభివృద్ధిని అందించేందుకు తప్పనిసరిగా నిబంధనలను కలిగి ఉండాలి.
4. ఈ-జైళ్ల భావన సమయాన్ని ఆదా చేస్తుంది. కోర్టులతో మరింత అనుబంధించడానికి ప్రక్రియను సులభతరం చేస్తుంది. ఈ-జైళ్ల యొక్క మరొక ముఖ్యమైన అంశం ఈ-ములాక‌త్‌, ఇది ఖైదీలు తమ కుటుంబాలను సంప్రదించే  ప్రక్రియను సులభతరం చేసింది.
బీపీఆర్ అండ్‌డీ డైరెక్ట‌ర్ జ‌న‌ర‌ల్ డి. శ్రీ బాలాజీ శ్రీవాస్తవ మాట్లాడుతూ ఈ సమావేశంలో చర్చలు స్వల్పకాలిక, మధ్యకాలిక మరియు దీర్ఘకాలిక విధానాలను సిద్ధం చేయడానికి ఉపయోగపడతాయని పేర్కొన్నారు.  బీపీఆర్ అండ్‌డీ ద్వారా జైళ్లు/దిద్దుబాటు పరిపాలనపై చేపట్టిన విభిన్న కార్యక్రమాల గురించి కూడా వివరించాడు, అవి ఇలా ఉన్నాయి..
- జైళ్ల ర్యాంకింగ్ కోసం పారామితుల‌ను అభివృద్ధి చేయ‌డం.
- జైళ్లలోని వివిధ కేటగిరీల సిబ్బంది మరియు అధికారుల కోసం 50 జైలు శిక్షణ మాన్యువల్‌ల తయారీ.
- మోడల్ జైలు చట్టం యొక్క సూత్రీకరణ.
కాన్ఫరెన్స్ మొదటి రోజున, ఈ క్రింది అంశాలు చర్చించబడ్డాయి:
-"భారతదేశంలో దిద్దుబాటు సేవలు: ఒక దృక్పథం" పై ప్యానెల్ చర్చ.
-జైళ్లు/దిద్దుబాటు పరిపాలనపై పరిశోధన ప్రాజెక్టులపై ప్రదర్శన. జైళ్లు మరియు దిద్దుబాటు సేవలకు సంబంధించి ద‌శాబ్ద కాల‌పు - ప్ర‌ణాళిక‌ను  సిద్ధం చేయడంపై సిండికేట్ చర్చలు.
                                                               

****