ইকাই খুম্নরবা প্রধান মন্ত্রী শ্রী নরেন্দ্র মোদীগী আত্মনির্ভর ভারত অমা শেমগৎনবা মঙলান অমসুং ভারতপু গ্লোবেল তেক্সতাইল্স মেপতা মপাঙ্গল কনবা মফম অমা কনবা ঙম্নবা ৱাখল্লোন অমগা লোয়ননা সরকারনা ইং কুমজা ২০২১-২২গী কেন্দ্রগী বজেদতা লাউথোখিবগী মতুং ইন্না পি.এম. মিত্র পার্ক ৭ লিংখৎনবা অয়াবা পীখ্রে।

পি.এম. মিত্র অসি ইকাই খুম্নরবা প্রধান মন্ত্রীগী ৫এফ ভিজন্না ইথিল পীখি। ‘৫এফ’ ফোর্ম্যুলা অসিদা য়াওরিবশিং অদুদি – ফার্ম তু ফাইবর; ফাইবর তু ফেক্তরী; ফেক্তরী তু ফেশন; ফেশন তু ফোরেন অসিনি। মসিগী ইন্তিগ্রেতেদ ভিজন অসিনা শেন্মীৎলোন্দা তেক্সতাইল সেক্তরগী গ্রোথ মখা তানা লৈহনবদা মতেং ওইরগনি। ঐখোয়গুম্না অতোপ্পা লৈবাক অমত্তদা মপুং ফাবা তেক্সতাইল ইকোসিস্তেম লৈতে। ভারত অসি এফ মঙামক্তা মপাঙ্গল কল্লি।

মেগা ইন্তিগ্রেতেদ তেক্সতাইল রিজন এন্দ এপ্পরেল পি.এম. মিত্র পার্ক ৭ অসি তোঙান-তোঙানবা য়ানিংবা রাজ্যশিংদা লৈবা গ্রীনফিল্দ/ব্রাউনফিল্দ সাইতশিংদা শাগনি। ফেসিলিতীশিং অমসুং ইকোসিস্তেমশিংগা মরী লৈনবা অতৈ তেক্সতাইলশিংগা লোয়ননা একর ১,০০০+কী লোন্নরিবা অমসুং এনকমব্রেন্স-ফ্রী লেন্দ পার্সেল হান্নদগী থম্লবা রাজ্য সরকারশিংগী প্রপোজেলশিং তরাম্না ওক্লি।

পি.এম. মিত্রদা তেক্সতাইল মেন্যুফেকচরিং য়ুনিতশিং ঙন্না লিংখৎনবগীদমক্তা পি.এম. মিত্র পার্ক অমমমদা কম্মন ইনফ্রাস্ত্রকচরগীদমক্তা (প্রোজেক্তকী অচংমলগী @৩০%দা) গ্রীনফিল্দ পি.এম. মিত্রদা খ্বাইদগী য়াম্লবদা লুপা করোর ৫০০গী দিবেলপমেন্ত কেপিতাল সপ্পোর্ত (দি.সি.এস.) অমসুং ব্রাউনফিল্দ পি.এম. মিত্রদা খ্বাইদগী য়াম্লবদা লুপা করোর ২০০ পীগনি অমসুং লুপা করোর ৩০০গী কম্পিতিতিবনেস ইন্সেন্তিব সপ্পোর্ত (সি.আই.এস.)সু পীগনি।  রাজ্য সরকারগী মতেংশিংদা মালেমগী থাক্কী ইন্দস্ত্রিএল ইস্তেৎ অমা শেমগৎনবগীদমক লম একর ১,০০০গী প্রোভিজন য়াওগনি।

গ্রীনফিল্দ পি.এম. মিত্র পার্ক্কীদমক জি.ও.আই. দিবেলপমেন্ত কেপিতেল সপ্পোর্ত অসি প্রোজেক্তকী অচংমলগী ৩০% ওইগনি, লোইননা লুপা করোর ৫০০ কেপ অমা য়াওগনি। ব্রাউনফিল্দ সাইতকী ওইনা এসেমেন্ত তৌরবা মতুংদা দিবেলপমেন্ত কেপিতেল সপ্পোর্ত অসি বেলেন্স ইনফ্রাস্ত্রকচর অমসুং শেমগৎ-শাগৎকদবা অতৈ সপ্পোর্ত ফেসিলিতীশিংগী প্রোজেক্তকী অচংমলগী @৩০% ওইগনি অমসুং লুপা করোর ২০০গী অককনবা অমা থমগনি। মসি প্রোজেক্ত অসিদা প্রাইবেৎ সেক্তরনা শরুক য়ানীংবা পোকহন্নবা ভাইএবিলিতী গেপ ফন্দিংগী মওংদা ওইরি।

পি.এম. মিত্র পার্কশিংদা হায়রিবশিং অসি লৈগনি:

১. মপুং ওইবা ইনফ্রাস্ত্রকচর: ইনক্যূবেসন সেন্তর অমসুং প্লগ এন্দ প্লে ফেসিলিতথ, ফেক্তরী সাউতশিং দিবেলপ তৌবা, লম্বীশিং, পাৱর, ঈশিং অমসুং ৱেস্ত ৱাতর সিস্তেম, কম্মন প্রোসেসিং হাউস অমসুং সি.ই.তি.পি. অমদি অতৈ মরী লৈনবা ফেসিলিতিশিং খুদম ওইনা দিজাইন সেন্তর, তেস্তিং সেন্তর অসিনচিংবা।

২. সপ্পোর্ত ইনফ্রাস্ত্রকচর: শিন্মীশিংগী হোস্তেলশিং অমসুং হাউসিং, লোজিস্তিক পার্ক, ৱেয়রহাউসিং, মেদিকেল, ত্রেনিং অমসুং স্কিল দিবেলপমেন্ত ফেসিলিতীশিং।

পি.এম. মিত্র অসি প্যুর মেন্যুফেকচরিংগী থবক-থৌরমগী এরিয়া ৫০%, য়ুতিলিতীশিংগী এরিয়া ২০% অমসুং কম্মর্সিএল দিবেলপমেন্তগী এরিবা ১০% লৈগনি। পি.এম. মিত্রগী স্কিমেতিক রিপ্রসেন্তেসন অমা মখাদা পীরি:

মেগা ইন্তিগ্রেতেদ তেক্সতাইল রিজন অমসুং এপ্পরেল পার্কশিংগী মরুওইবা মচাকশিং থবক অসিগী শিজিন্নখিবা এরিয়াদা *না এরিয়াগী ৫% #না এরিয়াগী ১০% তাক্লি। 

পি.এম. মিত্র  পার্ক অসি পব্লিক প্রাইবেত পার্তনরশীপ মোদ অমদা রাজ্য সরকার অমসুং কেন্দ্র সরকারনা পুন্না মপু ওইগদবা স্পিসিএল পর্পজ ভেহিকল অমনা দিবেলপ তৌগনি।  মাস্তর দিবেলপরনা ইন্দস্ত্রিএল পার্ক দিবেলপ তোউবা খক্তা নত্তনা কন্সেসন মতমগী মনুংদা য়েংশিনগনি। মসিগী মাস্তর দিবেলপরশিং অসি খনবগী মওং অসি রাজ্য অমসুং কেন্দ্র সরকারনা পুন্না দিবেলপ তৌবা ওবজেক্তিব ক্রাইতেরিয়াদা য়ুম্ফম ওইরগা খনগনি।  

রাজ্য সরকারনা চাওনা মপু ওইবা এস.পি.ভি.না দিবেলপ তোউরবা ইন্দস্ত্রিএল সাইতশিংদগী লিজ রেন্তলগী শরুক খরা মপু ওইবা য়াগনি অমসুং শিন্মীশিংগী স্কিল দিবেলপমেন্তগী ওইবা খোঙথাংশিং অমসুং চাউখৎ থৌরাংশিং লৌখৎতুনা পি.এম. মিত্র পার্ক চাওথোক্তুনা মফম অদুদা মখাতানা তেক্সতাইল্স ইন্দস্ত্রী চাওথোকপদা শিজিন্নবা য়াগনি। 

ভারত সরকারনা মেন্যুফেকচরিং য়ুনিতশিং লিংখৎনবা ইন্সেন্তিব ওইনা পি.এম. মিত্র পার্ক অমমমগী লুপা করোর ₹ 300কী ফন্দসু পীগনি। মসি কম্পিতিতিবনেস ইন্সেন্তিব সপ্পোর্ত (সি.আই.এস.) হায়না খংনগনি অমসুং নৌনা লিংখৎপা য়ুনিৎ অমগী তর্নওভরগী চাদা ৩%গী শেল পি.এম. মিত্র পার্কতা পীগনি। অসিগুম্বা তেংবাং অসি ইস্তাব্লিশমেন্তকী মখদা পাইখৎলিবা শেন্দোং লৈত্রিবা অমসুং পোত্থোক মরাং কায়না পুথোক্ত্রি ফাওবা অমসুং  মশা মথন্তা লেপ্পা ঙমদ্রি ফাওবা অনৌবা প্রোজেক্ত অমগী ওইনা য়াম্না মরুওই। 

অতোপ্পা কেন্দ্র সরকার অমসুং রাজ্য সরকারগী স্কিমশিংগা পুনশিনবা হায়বসি হায়রিবা স্কিমশিং অদুগী কাংলোনশিংগী মখাদা লৈবা ইলিজিবিলিতীগী মখাদা ফংগনি। মসিনা অচৌবা শেন্মিৎলোন অমা ফংবগা লোইননা মীওই লাখ কয়াগী চাওনা থবক্কী খুদোংচাবশিং ফংহনবদা মতেং পাংদুনা তেক্সতাইল্স ইন্দস্ত্রীগী মরক্তা অথোই অহেন তান্নবা হেনগৎহল্লগনি। শেন্মীৎলোনগী অচৌবা কান্নবা লৌরদুনা স্কিম অসিনা ভারত কম্পনীশিং অসি গ্লোবল চেম্পিয়ন ওইনা লিৎখৎলকপদা মতেং পাংলগনি।

*****