উপ-রাস্ত্রপতিগী লোইশঙ
অৱাং-নোংপোক লমদম চাউখত্তনা ভারতকী চাউখৎপা মপুং ফাবা ঙম্লোই – উপ রাস্ত্রপতি
ঐখোয়গী মতিক লৈবা লৈবাক্না তুংদা চাউখৎলকপদি ঐখোয়গী তৌবা ঙম্বা সাইন্তিস্তশিংগী মখুত্তা লৈরে – উপ রাস্ত্রপতি
উপ রাস্ত্রপতিনা ভারতপু ভিস্বগুরু অমুক হন্না ওইহন্নবা হোৎননবা সাইন্সতিফিক কম্ম্যুনিতীদা হায়খ্রে
উপ রাস্ত্রপতিনা ইম্ফালগী ইন্সতিত্যুৎ ওফ বাইওরিসোর্স অমসুং সস্তেনেবল দিভেলপমেন্ততা ফাইতো-ফার্মাস্যুতিকেল লেব ফেসিলিতী শঙ্গাখ্রে
আই.বি.এস.দি.বু অৱাং-নোংপোক লমদমগী ফাইতো-ফার্মাস্যুতিকেল মিসন খুমাং চাউশিলহনবগীদমক্তা থাগৎপা ফোংদোকখ্রে
মিসন অসিনা কোবিদ-১৯গুম্বা লাইনাগা লান্থেংনবা ঙম্নবা অতোপ্পা হর্বেল হিদাকশিং শেম-শাবদা তেংবাংগনি
শ্রী নাইদুনা আই.বি.এস.দি.বু মখোয়না কোবিদ-১৯ থেংনবদা লৌবা থৌদাংগীদমক্তা থাগৎপা ফোংদোকখ্রে
উপ রাস্ত্রপতিনা চাউখৎপগা মরী লৈনবা স্কিমশিংগী ই-পাওশিংবু খুঙ্গংগী মীয়ামদা মখোয়গী লোলদা ফংহন্নবা ৱাফম থমখ্রে
Posted On:
05 OCT 2021 6:34PM by PIB Imphal
উপ-রাস্ত্রপতি, শ্রী এম. ভেঙ্কয়া নাইদুনা ঙসি ইন্দিয়ন সাইন্তিফিক কম্ম্যুনিতীবু লৈবাক শেমগৎ শাগৎপদা তেংবাংবগীদমক্তা থাগৎপা ফোংদোকখ্রে অমসুং লৈবাক্না তুংদা চাউখৎলকপদি ঐখোয়গী মতিক লৈবা সাইন্তিস্তশিংগী মখুত্তা লৈরে হায়না ফোংদোকখি। ঐখোয়গী রিসর্চ তৌরিবা মীওই অমসুং সাইন্তিস্তশিংনা মরু ওইবা অতোপ্পা কাংলুপশিংগা তেংবাংমিন্নদুনা ভারতপু ভিস্বগুরু অমুক্কা হন্না ওইহন্নবা হোৎনসি হায়না মখা তাখ্রে।
ঙসি ইম্ফালগী ইন্সিতিত্যুৎ ওফ বাইওরিসোর্স অমসুং সস্তেনেবল দিভেলপমেন্ত (আই.বি.এস.দি.)দা ফাইতো-ফার্মাস্যুতিকেল লেব ফেসিলিতী শঙ্গারবা মতুংদা তিল্লিবা মীয়ামদা ৱা ঙাংবদা, শ্রী নাইদুনা কাংলোন চুম্না ৱাখল খনবা অমসুং সাইন্সকী তৌবা ঙম্বনা লৈবাক চাউখৎপগী য়ুম্ফম অমনি হায়না ফোংদোকখি। “অদোম খুদিংদা লৈবাকপু হীরম খুদিংদা খোঙজেল থুনা চাউখৎহন্নবা সাইন্সকী লৌশিংবু থবক ওইনা তসেংনা পাংথোকপগী তঙাই ফদবা মহৈ-মশিং, ত্রেনিং, মিৎয়েং অমসুং লিচৎ-শাজৎ লোইনা চেল্লবনি”, হায়না মহাক্না মফমদুদা তিল্লিবা সাইন্তিস্ত খুদিংমক্তা হায়খি।
অৱাং-নোংপোক লমদম চাউখত্তনা ভারতকী চাউখৎপা মপুং ফাবা ঙম্লোই হায়না ফোংদোক্লদুনা, উপ-রাস্ত্রপ্তিনা কেন্দ্র সরকারনা অৱাং-নোংপোক লমদমশিংবু অপুনবা ওইনা চাউখৎহন্নবা লমদম অসিগীদমক্তা পাম্বৈ য়াম্বা থৌওং শিজিন্নবদা অহেনবা মিৎয়েং চঙদুনা লাক্লি হায়না মখা তাখি। রাজ্যশিংনা রাজনিতীগী খেন্নবা থাদোক্তুনা চাউখৎপা অমসুং নুংঙাই য়াইফনবগীদমক্তা তীম ইন্দিয়াগী শেংলবা ইথিলগা লোয়ননা কেন্দ্র সরকারগা থবক পায়খৎমিন্নসি হায়না মহাক্না ফোংদোকখি। চাউখৎপা পুরকপদা তংদু লৈতানা লৈবগী মথৌ তাই হায়না অমুক্কা হন্না পল্লদুনা, লৈবাক্কী অপুনবা ঙাকপদা করিগুম্বা পামদবা হীরম অমত্তগা য়ান্নবা পুরকপগী থৌওং পাংথোক্লোই হায়না মহাক্না মখা তানা ফোংদোকখি।
নুং-পান ফাওনা উবা অমসুং শেঞ্জা থুমজা লৈতবা লৈঙাক্কী তঙাই ফদবদা মিৎয়েং চঙলদুনা, শ্রী নাইদুনা লাইরবশিংগীদমক্তা কায়থবা শেনফমশিং অসি মরক্তা হাইদোকপা য়াওদনা মখোয়দা ফংহনগদবনি হায়খি। লৈঙাকপগী থৌওংদা ইমা লোল শিজিন্নবগী মরু ওইবগী মতাংদা মিৎয়েং চঙলদুনা, চাউখৎপগা মরী লৈনবা স্কিমশিংগী ই-পাওশিংবু খুঙ্গংগী মীয়ামদা মখোয়গী লোলদা ফংহনবগী অপাম্বা ফোংদোকখ্রে।
The Vice President inaugurating Phyto-pharmaceutical Lab Facility at Institute of Bioresources and Sustainable Development (IBSD) in Imphal, Manipur today.
The Lab will aid in the development of effective herbal medicines for various diseases like Covid-19. @DBTIndia pic.twitter.com/6D9qqwiDWD
— Vice President of India (@VPSecretariat) October 5, 2021
থৌরম অসিদা উপ রাস্ত্রপ্তিনা ইন্সতিত্যুৎ ওফ বাইওরিসোর্স এন্দ সস্তেনেবল দিভেলপমেন্ত (আই.বি.এস.দি.)দা ফাইতো-ফার্মাস্যুতিকেল লেব ফেসিলিতী অমা শঙ্গাখি। অৱাং-নোংপোক লমদম অসি ইকোসীস্তেমগী তোঙান-তোঙানবা মখল কয়াগা লোয়নবা বাইওদাইভর্সিতী হোৎ-স্পোৎ অমনি হায়রদুনা, শ্রী নাইদুনা আই.বি.এস.দি.বু মতমগা চান্নবা বাইওতেক্নোলোজিকেল খুৎলায় কয়া শিজিন্নদুনা লমদম অসিদা তুং কোইনা চাউখৎপগী ফিভম লৈহন্নবগীদমক্তা লমদমসিগী বাইওরিসোর্স নীংথিনা শেন্নবগী থাগৎপা ফোংদোকখ্রে।
মহাক্না বাইওতেক্নোলোজী বিভাগ (দি.বি.তি.)গী মখাদা লৈবা ইন্সতিত্যুসন অমা ওইরিবা আই.বি.এস.দি.না অৱাং-নোংপোক লমদমদা ফাইতো-ফার্মাস্যুতিকেল মিসনবু খুমাং চাউশিলহন্নবা থবক পাংথোকপসিদা নুংঙাইবা ফোংদোকখি। নাৎকী ওইবা লাইয়েংবগী চৎনবগী ৱারোল ইখৎপা, সাইন্তিফিক ভেলিদেসন তৌবা অমসুং নীংথিনা য়েংশিনবগী থৌওংশিং খুমাং চাউশিলহনবগী পান্দম থম্লিবা মিসন অসি য়াম্না মরু ওইবা খোঙথাং অমনি অমসুং মসিগা অৱাং-নোংপোক লমদমগী নাৎকী লাইয়েংবগী তোঙান-তোঙানবা থৌওং অমসুং পাম্বীগী রিসোর্স পাক চাউনা লৈরিবসিগা অখন্নবা মরী অমা লৈনৈ। “অতোপ্পা কয়াগী মরক্তগী অয়ুশকী হিদাক, ফাইতো-ফার্মাস্যুতিকেল্স অমসুং ন্যুত্রাস্যুতিকেল্সকুম্বা হর্বেল হিদাক্কী পোত্থোকশিং শাবদা য়ুম্ফম ওইবা স্তার্ত-অপশিং খুমাং চাউশিন্নবা আই.বি.এস.দি.না অহেনবা মিৎয়েং চঙলি তাবদা ঐহাক্না য়াম্না নুংঙাইবা ফাওই। মসিদি হৌজিক্কী মতমগী য়াম্না তঙ্গাই ফদবনি”, হায়না মহাক্না পাউদমখি।
ফাইতো-ফার্মাস্যুতিকেল মিসন্না এন্তিভাইরেল, এন্তি-বেক্তরিএল, এন্তি-ফঙ্গেল অমসুং তিন-কাঙদগী ঙাকথোকপগী হীরমগুম্বা থেরাপ্যুতিক্সতা মরু ওইনা মিৎয়েং চঙগনি হায়রদুনা, উপ রাস্ত্রপতিনা মসিনা নাৎকী ওইবা লাইয়েংবগী থৌওং মমিং চৎহনবদা তেংবাংগনি অমসুং কোবিদ-১৯গুম্বা লাইনা থেংননবা কান্নগদবা হর্বেল হিদাক অতোপ্পা কয়া শেম-শাবদসু তেংবাংগনি হায়বা ৱাফম ফোংদোকখি। “প্রোগ্রাম অসিগী মখাদা মগুন লৈবা ভোলাতাইল ওইবা থাউ পুথোকপা য়াবা পাম্বীশিংদা পান্দম থম্বগী খোঙথাংনা লমদম অসিগী মনম চেনবা পাম্বীশিংবু কম্মর্সিএল ওইনা থাবগী হীরমদা লৌমীশিংগী পুক্নিং চিংশিনগনি হায়বা ঐহাক্না থাজবা থম্লি”, হায়না মহাক্না মখা তাখি।
উপ রাস্ত্রপতিনা লোকেল বাইওরিসোর্সকা লোয়ননা পোত্থোক, প্রোসেস তৌবা অমসুং তেক্নোলোজী কয়া পুথোকপগী থৌওংশিংদা শেমদোক্তুনা অহোংবা পুরক্লিবা অসিনা লমদম অসিগী সোসিও-ইকোনোমিক দিভেলপমেন্তকা লোয়ননা নাৎকী লাইয়েংবগী থৌওং চত্থরিবশিংদা কান্নবা ফংহন্দুনা নাৎকী লৌশিংদা য়ুম্ফম ওইবা থেরাপ্যুতিক এজেন্ত কয়া চাউখৎলকপদা তেংবাংগনি হায়বগী ৱাফমদা থাজবা উৎখি। মহাক্না আই.বি.এস.দি.না অৱাং-নোংপোক লমদমদা চিঞ্জাক অমসুং ঈশিংগী মগুন ঙাক্তুনা থম্বগী খোঙথাং পায়খৎলিবা অসিবুসু থাগৎপা ফোংদোকখি।
The Vice President visiting INSACOG facility at IBSD, Imphal today.
Through INSACOG network, the entire genome sequencing of Covid-19 virus across the nation can be tracked, aiding our understanding of how the virus spreads and evolves. @DBTIndia pic.twitter.com/v7unwTFVu4
— Vice President of India (@VPSecretariat) October 5, 2021
কোবিদ-১৯ লাইচৎ থেংনবদা আই.বি.এস.দি.না লৌরিবা থৌদাংবু থাগৎলদুনা, শ্রী নাইদুনা ইন্সতিত্যুৎ অসিদা হন্দক্তা শেমখিবা এস.এ.আর.এস.-কোব-২ জীনোমিক্স কন্সোর্তিয়ম (আই.এন.এস.এ.সি.ও.জি.) ফেসিলিতী অসি মাইকৈ অসিদা য়াম্না মরু ওইবা খোঙথাং অমনি হায়না পনখি। পনবা য়াবদি, লৈবাক শিনবা থুংবগী এস.এ.আর.এস.-কোব-২গী জীনোম সিক্বেন্সিং খুদিংমক খঙদোকপা য়াদুনা ভাইরস অসিনা শন্দোকপা অমসুং ওল্লকপগী অহেনবা লৌশিং খঙবদসু নেৎৱর্ক অসিগী খুত্থাংদা মসিনা ঐখোয়দা তেংবাংগনি। আই.বি.এস.দি.না এস.এ.আর.এস.-কোব-২ পোজিতিব সেম্পলশিং সিক্বেন্স তৌনবা হোৎনবগী থৌওংবু থাগৎলদুনা, উপ রাস্ত্রপতিনা মনিপুর মনুংমক্তদা লৈরিবা মসিগী সিক্বেন্স তৌনবা লেবোরেতরী অসি নোভেল কোরোনাভাইরসকা ঐখোয় পুন্না লান্থেংমিন্নরিবা অসিদা য়াম্না চাউবা মাই পাকপনি হায়খি। হীরম অসগী মতাংদা কন্না হোৎনবগীদমক্তা, মহাক্না আই.বি.এস.দি.গী দাইরেক্তর, প্রোফঃ পুলোক কুমার মুখর্জীবুসু থাগৎখি।
আই.বি.এস.দি.গী রিসর্চ কয়াগী মহৈশিংবু লমদম অসিগী মীচম প্রজাশিংদা শোইদনা য়ৌহন্নবগীদমক্তা পাংথোক্লিবা মশিং য়াম্লবা আউত্রিচ প্রোগ্রামশিংবুসু শ্রী নাইদুনা থম্মোই শেংনা থাগৎখি।
উপ রাস্ত্রপতিনা মহাক্কী ৱারোলদা, মনিপুরদা চাউখৎপগী থবকশিং খোঙজেল থুহন্নবা সরকারনা হকশেল, মহৈ-মশিং তম্বা, লৌউ-শিংউ, কম্ম্যুনিকেসন অমসুং কন্নেক্তিবিতীগুম্বা মরু ওইবা হীরমশিংদা মিৎয়েং চঙনবা ৱাফম পনখি। নহাশিংনা তোঙান-তোঙানবা মশান্নশিং শান্ননবা রাজ্য সরকারনা মখোয়গী পুক্নিং থৌগৎনবসু মহাক্না হায়খি।
মনিপুরগী রাজ্যপাল, শ্রী লা গনেশন; মনিপুরগী মুখ্য মন্ত্রী, শ্রী এন. বিরেন সিংহ; মনিপুরগী চীফ সেক্রেতরী, দাঃ রাজেশ কুমার; আই.বি.এস.দি.গী দাইরেক্তর, প্রোফঃ পুলোক কুমার মুখর্জী অমসুং আই.বি.এস.দি.গী সাইন্তিস্ত অমসুং স্তাফশিংনা থৌরম অসিদা শরুক য়াখি।
মহাক্কী অপুনবা ৱারোল মখাদা পীরিঃ
“ঐহাক্না ঙসি ইম্ফালগী ইন্সতিত্যুৎ ওফ বাইওরিসোর্স এন্দ সস্তেনেবল দিভেলপমেন্ত (আই.বি.এস.দি.)তা লৈজবা ফংবসিদা য়াম্না নুংঙাইবা ফাওই। ইন্সতিত্যুসন অসি মনিপুরদা লৈদুনা ভারত সরকারগী সাইন্স অমসুং তেক্নোলোজী মন্ত্রালয়গী বাইওতেক্নোলোজী বিভাগকী মখাদা লৈবা অৱাং-নোংপোক্কী মনুংদা লৈবা অমত্তা ঙাইরবা ইন্সতিত্যুৎনি হায়না ঐহাক্কী ইফমদা পাউদম্বীরে। অৱাং-নোংপোক লমদম অসি নাৎ, লম্মিৎ-তুম্মিৎ অমসুং তোঙানবা লোল কয়া লৈদুনা তোপ-তোপ্পী হায়বসি ঐখোয় পুম্নমক্না খঙনরবা ৱাফম্নি। খ্বাইদগী মরু ওইবা ওইনা, অৱাং-নোংপোক লমদমদা ইকোসীস্তেমগী মখল কয়াগা লোয়ননা য়াম্না মরু ওইবা ইন্দো-বর্মা বাইওদাইবর্সিতী হোৎস্পোতসু লৈরিবনি। মসিগী বাইওদাইবর্সিতী হোৎস্পোৎ অসিগী মনুংদা লৈদুনা মসিবু নখোয়গী রিসর্চকী মিৎয়েং চঙফম ওইদুনা ভারতকী লমদমগী বাইওরিসোর্সশিংবু সাইন্তিফিক মেনেজমেন্ত তৌবগী খুত্থাংদা নখোয়না পাংথোক্লিবা মশক থোক্লবা থবক অসি তসেংনা থাগৎনীংঙাইনি। থৌওংসিগা লোয়ননা, হীরম অসিগী মতাংদা পাংথোক্লিবা মশিং য়াম্লবা আউরিচ প্রোগ্রামশিংনা ইন্সতিত্যুৎ অসিগী পান্দম ফংবদসু য়াম্না মতেং পাংলি।
ইচিল ইনাওশিং,
ইন্সতিত্যুৎ অসিনা মনিপুরগী মীয়ামদা তেংবাংবতা খক্তা নত্তনা সিক্কিমগী গেংতোক্তা লৈরিবা রিজনেল সেন্তর অমসুং মেঘালয়গী শিল্লোং অমদি মিজোরমগী আইজোলদা লৈরিবা রিসর্চ নোদ য়াওনা অতোপ্পা মশা অহুম লৈ হায়বসু ঐহাক্না খঙলে।
মতমগা চান্নবা বাইওতেক্নোলোজীকেল খুৎলায়শিং শিজিন্নদুনা সস্তেনেবল দিভেলপমেন্তকীদমক্তা অদোম্না লমদম অসিগী বাইওরিসোর্স শেন্নবগী থবক পাংথোক্লিবা অসিবু ঐহাক্না তসেংনা থাগৎনীংই। বাইওতেক্নোলোজী বিভাগনা (দি.বি.তি.) অৱাং-নোংপোক লমদমদা ফাইতো-ফার্মাস্যুতিকেল মিসনবু খুমাং চাউশিলহন্নবা থবক পাংথোকপসিদসু ঐহাক্না য়াম্না নুংঙাইবা ফাওই।
ঐহাক্না ঙসি “ফাইতো-ফার্মাস্যুতিকেল লেব ফেসিলিতী” শঙ্গাবা অসিদসু য়াম্না নুংঙাইবা ফাওই।
আই.বি.এস.দি.না নাৎকী ওইবা লাইয়েংবগী চৎনবগী ৱারোল ইখৎপা, সাইন্তিফিক ভেলিদেসন তৌবা অমসুং নীংথিনা য়েংশিনবগী থৌওংশিং খুমাং চাউশিলহন্নবা ফাইতো-ফার্মাস্যুতিকেল মিসন লিংখৎপা অসি য়াম্না মরু ওইবা খোঙথাং অমনি। ইন্তর্প্রাইস অসিনা লমদম অসিগী ইনাক খুল্লবা বাইওরিসোর্স্তা য়ুম্ফম ওইদুনা অৱাং-নোংপোক লমদমগী নাৎকী লাইয়েংবগী তোঙান-তোঙানবা থৌওং অমসুং পাম্বীগী রিসোর্স পাক চাউনা লৈরিবসিগা মরী লৈনহন্দুনা অখন্নবা থৌওং পাংথোক্লি।
মসিগী তোপ-তোপ্পা খোঙথাং অসিদা হিদাক পাম্বীশিং থাবা, পুক্নিং থৌগৎপা, ভেল্যু হাপ্পা অমসুং কেমিকেল প্রোফাইলিং তৌবা য়াওদুনা ইথনো-বোতানী অমসুং ইথনো-ফার্মাকোলোজীগী হীরম কয়া অমসু মনুং চল্লে। অয়ুশকী হিদাক, ফাইতো-ফার্মাস্যুতিকেল্স অমসুং ন্যুত্রাস্যুতিকেল্সকুম্বা হর্বেল হিদাক্কী পোত্থোকশিং শাবদা য়ুম্ফম ওইবা স্তার্ত-অপশিং খুমাং চাউশিন্নবা আই.বি.এস.দি.না অহেনবা মিৎয়েং চঙলি তাবদা ঐহাক্না য়াম্না নুংঙাইবা ফাওই। মসিদি হৌজিক্কী মতমগী য়াম্না তঙ্গাই ফদবনি অমসুং প্রধান মন্ত্রী, শ্রী নরেন্দ্র মোদীগী আত্মানির্ভর ভারত অমগী মঙলানগসু মরী লৈনরে।
ফাইতো-ফার্মাস্যুতিকেল মিসনগী য়াম্না নুংঙাইবা হীরম অমদি মসিনা এন্তিভাইরেল, এন্তি-বেক্তরিএল, এন্তি-ফঙ্গেল অমসুং তিন-কাঙদগী ঙাকথোকপগী হীরমগুম্বা থেরাপ্যুতিক্সতা মরু ওইনা মিৎয়েং চঙলিবা অসিনি। মিসন অসিগী শরূক অমা ওইরিবা অতোপ্পা হীরমশিংদা দাইবিতিস, ব্রোঙ্কাইএল অস্থমা, গেস্ত্রো প্রোতেক্তিব অমসুং ইম্ম্যুনো-মোদ্যুলেসন য়াওই তাবদসু ঐহাক্না নুংঙাইবা ফাওই। প্রোগ্রাম অসিগী মখাদা মগুন লৈবা ভোলাতাইল ওইবা থাউ পুথোকপা য়াবা পাম্বীশিংদা পান্দম থম্বগী খোঙথাংনা লমদম অসিগী মনম চেনবা পাম্বীশিংবু কম্মর্সিএল ওইনা থাবগী হীরমদা লৌমীশিংগী পুক্নিং চিংশিনগনি হায়বা ঐহাক্না থাজবা থম্লি। মসিনা মখা তাবা ওইনা, মালেম অসিনা হৌজিক লান্থেংনরিবা কোবিদ-১৯গুম্বা লাইনা থেংননবা কান্নগদবা হর্বেল হিদাক অতোপ্পা কয়া শেম-শাবদসু তেংবাংগনি।
লমদম অসিদা খক্তা ফংবা তোঙান-তোঙানবা হিদাক পাম্বী কয়াগী ওইনসু অতোপ্পা থৌওং কয়াগী মথক্তা মখোয়গী মরমদা ই-পাও ইখৎনবা, হিদাক শুংনবা, আইসোলেৎ তৌনবা, মশক-মগুন খঙদোক্নবা, ভেল্যু এদিসন তৌনবা অমসুং মার্কর কম্পাউন্দ শেম-শানবগীদমক্তা পান্দম থম্লে তাবদসু ঐহাক্না অমুক্কা হেন্না নুংঙাইবা ফাওই।
নেতৱর্ক ফার্মাকোলোজী অমসুং সিনর্জিস্তিক স্তদীগা লোয়ননা মখোয়গী এক্সনগী মেকানিজম ইস্তাব্লিশ তৌনবগী থেরাপ্যুতিক মগুন চেনবা হীদাক্তা কান্নরবা পাম্বীশিংগী মখল কয়াদা মীৎয়েং থম্লিবা ইন্সতিত্যুত অসিনা পাইখৎপা স্তদীশিং অসি মাইকৈ অসিদা থাংজিল্লিবা শীংথানীংঙাই ওইবা খোঙথাং অমনি। রিসর্চ অসিনা লোকেল বাইওরিসোর্সশিংগা লোয়ননা প্রদক্তশিং, প্রোসেসশিং অমসুং তেক্নোলোজীশিং দিবেলপ তৌনবা তোঙান-তোঙানবা অওনবা পুরক্কদবা থৌশিলশিং পুথোকপা ঙমহল্লগনি হায়না ঐহাক্না থাজবা থম্মি। মসিদা অফবা মওংদা কাস্কেদিং ইফেক্ত অমা পীরগনি। নাৎকী লৌশিংদা য়ুম্ফম ওইবা থেরাপ্যুতিক এজেন্ত কয়া চাউখৎলকপদা তেংবাংগনি হায়বগী ৱাফমদা থাজবা উৎখি। নাৎকী লৌশিংদা য়ুম্ফম ওইবা থেরাপ্যুতিক এজেন্ত কয়া চাউখৎলকপনা লমদম অসিগী সোসিও-ইকোনোমিক দিভেলপমেন্তকা লোয়ননা নাৎকী লাইয়েংবগী থৌওং চত্থরিবশিংদা কান্নবা ফংহল্লগনি।
মফম অসিদা বাইওরিসোর্সশিংগী লম কয়াদা রিসর্চ পাঙথোক্লি হায়না ঐঙোন্দা তাকপীখি। ঐহাক্না মতম চুপ্পদা মীৎয়েং থম্লিবা প্রিন্সিপল অমা ওইরিবা লোকেলদা কান্নবা পীবা অমসুং মালেমগী ওইনা কান্নরবা এন্তিমাইক্রোবিএল রেজিস্তেন্স (এ.এম.আর.)গী কমদা আই.বি.এস.দি.না থবক পাইখৎলিবা অসিদা ঐহাক্না নুংঙাইবা পোকই। আই.বি.এস.দি.না প্রদক্তশিং, প্রোসেসশিং অমসুং তেক্নোলোজীশিং দিবেলপ তৌনবগী এন.ই.আর.গী ফর্মেন্তেদ ফুদশিংগী ক্বালিতী ইভাল্যুএসন, ভেলিদেসন তৌবা; তেস্ত তৌবগী খুত্থাংদা ঈশিংগী ক্বালিতী মেনেজমেন্ত অমসুং সর্ভিলেন্স, অমসুং থবক্নবা ঈশিংদা তেক্নোলোজীগী ওইবা মীৎয়েংশিং চংবগী থবকসু তৌরি হায়না তাকপীরি। মসি অৱাং-নোংপোক থংবা লমদমগী মীয়ামদা মতম শাংনবা কান্নবশিং পীগদবা মথৌ আবা থৌশিলশিং ওইরি। মহৌশাগী রিসোর্সশিংদা নখোয়না শীংথানীংঙাই ওইবা শরুক তমখিবগীদমক আই.বি.এস.দি.দা লৈরিবা দিরেক্তর, বিজ্ঞানিকশিং অমসুং স্কোলরশিং - নখোয় পুম্নমকপু ঐহাক্না থাগৎপা ফোঙদোকচরি।
ইচিল-ইনাওশিং,
ভারতনা হেন্না চাউখৎপা হয়েং অমা ওইবগীদমক্তা শক্তি পীবদা বিজ্ঞানিকশিংনা হ্যুমেন রিসোর্সশিংগী মরু ওইবা মচাক অমা ওইরি। অচৌবা লৈবাক অসিগী তুংলমচৎ অসি অতৈ মরু ওইবা কাংলুপশিংগা লোয়ননা খুৎশম্নদুনা থবক তৌবা মথৌ তারিবা বিজ্ঞানিক্কী কাংলুপকী মখুৎতা লৈ। লৈবাক অসিগী অপুনবা চাউখৎ-থৌরাং অসি খোঙজেল য়াংনা ত্রেক তৌনবগী প্রেগমেতিক সাইন্তিফিক নোলেদজ এপ্লাই তৌনবা মথৌ তাবা এজুকেসন, ত্রেনিং, ফোকস অমসুং দিসিপ্লিন অদু নখোয়দা লৈরি। নখোয়দা লৈরিবা লৌশিং অমসুং সাইন্তিফিক্কী ৱাখল্লোন অসি চাউখৎলক্লিবা লৈবাক অমগী য়ুম্বীশিং ওইরি। সাইন্সকী ফম্পাক্তা লেপ্তনা তমলিবা অমসুং ন্যুত্রেলিতীগী মীৎয়েং মখাদা পোৎলম খুদিংমকপু উরুবা রিসর্চর ওইনা নখোয়দা ভারতবু অমুক হন্না বিশ্বাগুরু ওইনবগী মতিক-ময়াই চেল্লি।
কোবিদ-১৯ লাইচৎকী শীংনবশিং লাকশিনবদা আই.বি.এস.দি.না লৌখিবা থৌদাং অসি তশেংনা শীংথানীংঙাই ওই হায়বা ৱাফম অসি থমজগে। ইন্সতিত্যুত অসিদা হন্দক্ত লিংখৎখবা সার্দ-কোব-২ জেনোমিক্স কনসোর্তিয়ম (আই.এন.এস.এ.সি.ও.জি.) ফেসিলিতী অসি মাইকৈ অসিদা মরু ওইবা মেকর অমা ওইরি। নেতৱর্ক অসিগী খুত্থাংদা লৈবাক অসিগী সার্স-কোব-২ ভাইরসী অপুনবা জিনোম সিক্বেন্সিং ত্রেক তৌবা য়াই হায়না ঐঙোন্দা তাকপীখি। মসিনা ভাইরস অসিনা করম্না শন্দোকপগে অমসুং মশক ওলকপগে হায়বা ঐখোয়দা খঙহনবদা মতেং ওইখি অমরোমদা জেনেতিক কোদতা লাকপা অহোংবশিং নত্ত্রগা ম্যুতেসনশিং মার্ক তৌবা ঙমখি। মনিপুর খক্তা নত্তনা ঐখোয়গী অৱাং-নোংপোক থংবা লমদমগী অতৈ রাজ্যশিংগী সার্স কোব ২গী পোজিতিব সেম্পলশিং সিক্বেন্স তৌনবা কন্না হোৎনখিবগীদমক আই.বি.এস.দি.বু ঐহাক্না থাগৎপা ফোঙদোকচরি। মনিপুরগী মনুংদা লৈরিবা সিক্বেন্সিং লেবোরেতোরী অসি মালেম শিনবা থুংবদা মীওই করোর কয়াগী পুন্সিদা অমসুং পুন্সি মহিংদা শাফু পীখিবভা নোভেল কোরোনাভাইরসকী অপুনবা লাঞ্জংদা অমদি মসি মুন্না খঙনবা হোৎনবদা অচৌবা মাইপাকপা অমা ওইখি। ঐহা্না আই.বি.এস.দি.গী দিরেক্তর প্রোফেসর পুলোক কুমার মুখর্জীনা মঙলান অসি মঙফাওনবা ঙম্নবা হোৎনখিবশিং অদুগীদমক থাগৎপা ফোঙদোকচরি।
লমদম অসিগী মীচম মীয়ামদা মখোয়গী রিসর্চকী কান্নবশিং য়ৌহন্নবা আই.বি.এস.দি.না আউতরীচকী ওইবা থবক-থৌরম কয়া অমদা শরুক য়াই খঙবদা নুংঙাইবা পোকই। নীংখা তম্বগী ৭৫শুবা চহি লাকপা অসি পালন তৌনবা আই.বি.এস.দি.না জন-ভাগিদরীদা য়ুম্ফম ওইরগা মনিপুরগী ‘এস্পিরেস্নেল’ চান্দেল জিলাদা ‘সাইন্স ম্যুজিয়ম’ অমা হঙখি হায়না ঐঙোন্দা তাকপীরি, মসি অফবা খুদম অমনি।
ঐহাক্না অমুক হন্না আই.বি.এস.দি.গী দিরেক্তর অমসুং বিজ্ঞানিক পুম্নমক, রিসর্চরশিং অমসুং স্তাফনা কত্থোকখিবা অমসুং হোৎনবা কনখিবা অদুগীদমক থাগৎপা ফোঙদোকচরি। নখোয়গী রিসর্চকী থবক-থৌরমশিংদা অমসুং অতৈ থবক-থৌরমশিংদা মাইপাক্না ঐহাক্না য়াইফ-মঙ্গোল পীজরি।
জয় হিন্দ!”
*****
(Release ID: 1761258)
Visitor Counter : 244