স্তীল মিনিস্ত্রীনা লৈবাক অসিদা স্তীল শিজিন্নবা হেনগৎনবা কন্না হোৎনরিবা অসিগী শরুক অমা ওইনা, কেন্দ্রগী স্তীল মন্ত্রী, শ্রী রাম চন্দ্র প্রসাদ সিংহনা লৈবাক অসিগী অৱাং-নোংপোক লমদম অমসুং অখন্ননা ত্রিপুরাদা স্তীল শিজিন্নবা হেনগৎহন্নবা এম.এস.এম.ই.শিং য়াওনা স্তীল কঞ্জুমর কয়াগা লোয়ননা মিতিং অমা পাংথোকখ্রে। মীয়াম পুনবা অসিদা ৱা ঙাংলদুনা, শ্রী সিংহনা মরু ওইবা পীখি মদুদি স্তীল অসি মখল কয়াগী ইন্দস্ত্রীশিং/সেক্তরশিং হায়বদি কন্সত্রক্সন, ইনফ্রাস্ত্রকচর, দিফেন্স, ওতোমোবাইল, ইঞ্জিনিয়রিং, পেকেজিং অসিনচিংবা অসিদা চংদবা য়াদ্রবা অমা ওইরিবনি। মীওইবগী পুন্সি মহিংদা নুমিৎ খুদিংগী ওইনা শিজিন্নবা পোৎলশিং কয়া অমদা শিজিন্নবা মরম্না স্তীল অসি মীওইবগী মচাক অমা ওইনা লৌরি। অতোপ্পা উপায় অমা থিদনা, স্তীল অসি ইন্দস্ত্রী অমসুং মীয়াম্নসু পাম্বা পোৎশক অমা ওইদুনা লাক্লি।

শ্রী সিংহনা পনখি মদুদি সরকারনা ইনফ্রাস্ত্রকচর শেমগৎপদা খ্বায়দগী হান্না মরুওইবা পীরি অমসুং মসিদা স্তীলনা মরুওইবা থৌদাং লৌগনি। ত্রিপুরাদী চিত্তাগং পোর্ত লম্বী ফাওনবগী ওইরকপা য়াবা পুথোক্তুনা, মন্ত্রীনা হায় মদুদি রাজ্য অসিদা স্তীল শিজিন্নবা হেনগৎপগী য়াম্না চাউবা খুদোংচাবা লৈরি। মহাক্না অৱাবা থেংনবশিং শোইদনা কোহনগনি হায়না মিতিংদা ফোংদোকখি।

মমাংদা, শ্রী সিংহনা খোঙচৎ অমদা ত্রিপুরা য়ৌশিনখি অমসুং রাজ্য সরকার অসিগী দিপার্তমেন্তশিং কয়াগী মকোক থোংবা ওফিসিএলশিংগা উনখি। মহাক্কা লোয়ননা এস.এ.আই.এল.গী চেয়রমেন, শ্রীমতি সোমা মোন্দল, এম.এস.তি.সি.গী চেয়রমেন শ্রী এস.কে. গুপ্তা অমসুং স্তীল মিনিস্ত্রীগী জোইন্ত সেক্রেতরী শ্রী পুনীত কন্সলসু শরুক য়াখি। শ্রী কন্সলনা সরকারদা অৱাং-নোংপোক্কী লমদমগী মরুওইবা হন্না হায়খি অমসুং মপুং ফানা মতেং পাংগনি হায়না থাজবা পীখি।  

এস.এ.আই.এল.গী চেয়রমেন্না লমদম অসিদা পাংথোকখ্রবা লৈবাক্কী মরুওইবা মখল কয়াগী স্ত্রাতেজিক প্রোজেক্তশিং পীখি হায়রিবা অসিদা আসম অমসুং অরুনাচল প্রদেশকা শম্নরিবা আসমগী লোহিত তুরেল মথক্তা শাবা লৈবাক অসিগী খ্বায়দগী শাংবা থোং ‘ধোলা-সদিয়া’, ব্রহ্মপুত্র তুরেল মথক্তা শাবা রেল-কম-লম্বী বোগিবীল, অরুনাচল প্রদেশতা কামেং হায়দেল প্রোজেক্ত অমসুং আগরতলাদা বত্তালা ফ্লাইওভর, অতৈ কয়া অমসু য়াওরি।

মিতিং মনুংদা, এম.এস.তি.সি.না উৎখি মদুদি মসিনা ত্রিপুরা সরকারগা লোয়ননা মখল কয়াগী ই-প্রোক্যুরমেন্ত অমসুং ই-ওক্সন রিক্বারমেন্ত অমসুং অতৈ অতোপ্পা কস্তামাইজ ই-সোলুসনগী অমুক্তংদা পীবা পাম্বৈগীদমক থৌওং কয়া অমদা থবক পীনবা ঙাইদুনা লৈরি।

*******

(Release ID: 1757966) Visitor Counter : 140