نئی دہلی،  22/ستمبر 2021 ۔ فولاد کے مرکزی وزیر جناب رام چندر پرساد سنگھ نے آج اسٹیل سی پی ایس ای کے ذریعے آئرن اُور فائنس کے نپٹارے کی صورت حال کے جائزے کے لئے سی پی ایس ای کے نمائندوں اور فولاد کی وزارت کے افسران کے ساتھ ایک میٹنگ کی صدارت کی۔ ان سی پی ایس ای میں اسٹیل اتھارٹی آف انڈیا لمیٹڈ (ایس اے آئی ایل) اور نیشنل منرل ڈیولپمنٹ کارپوریشن (این ایم ڈی سی) شامل ہیں۔

جناب سنگھ نے کہا کہ چوں کہ کان کنی کی وزارت نے ایس اے آئی ایل (سیل) کو اس کے متعدد کیپٹو کانوں میں پڑے 70 ایم ٹی ڈمپ فائنس / ٹیلنگس کے ذخیرے کو فروخت کرنے کی اجازت دی ہے، لہٰذا اس ذخیرے کا نپٹارہ جلد از جلد کیا جانا چاہئے اور اسے صنعت کو دستیاب کرانا چاہئے۔ ایک ٹھوس کارروائی منصوبہ تیار کرنے اور اس پر کارروائی کرنے کی ضرورت ہے۔

وزیر موصوف نے کہا کہ سبھی معدنیات اپنے زمروں سے ماوراء ملکی اثاثہ ہیں اور اس قومی خزانے کا استعمال اس طرح سے کیا جانا چاہئے کہ اس سے ملک کی ترقی میں مدد ملے۔

جناب رام چندر پرساد سنگھ نے سیل کو ہدایت دی کہ وہ کھلے بازار میں فروخت کرکے یا اپنے ذاتی استعمال میں لاکر آئرن اور فائنس کے نپٹارے کے لئے واضح ٹائم لائن کے ساتھ ایک روڈمیپ تیار کرے۔ این ایم ڈی سی کو بھی اپنی پیداوار میں اضافہ کرنے اور اپنے صارفین کی بنیاد کو وسعت دینے کے لئے اس طرح کا ایک روڈمیپ تیار کرنے کی صلاح دی گئی۔

اس سے قبل سیل کے چیئرمین اور این ایم ڈی سی کے چیئرمین و منیجنگ ڈائریکٹر (سی ایم ڈی) نے بازار میں اضافی کچے مال کی دستیابی کو یقینی بنانے کے لئے اپنی پیداوار میں تیزی لانے کے ساتھ ساتھ آئرن اور فائنس کے نپٹارے کی خاطر اپنی موجودہ اور مستقبل کے کارروائی منصوبے کے بارے میں جانکاری دی۔

******

ش ح۔ م م۔ م ر

U-NO. 9278