কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং এনভাইরোনমেন্ত, ফোরেস্ত অমসুং ক্লাইমেৎ চেঞ্জগী রাজ্যগী মন্ত্রী শ্রী আশ্বিনি কুমার চৌবেগা এনভাইরোনমেন্ত অমসুং ফোরেস্ত সেক্রেতরী, প্রিন্সিপাল চীফ কঞ্জার্বেতর ওফ ফোরেস্ত (পি.সি.সি.এফ.) অমসুং ফোরেস্ত দিপার্তমেন্তকী মকোক থোংবা ওফিসিএলশিংগা আসমগী গুৱাহাতিদা ঙসি মীফম অমা পাংথোকখ্রে।

মহাক্না সি.এ.এফ. অমসুং পি.দি., ফুদ সেক্রেতরী, রাজ্য সরকারগী ই.দি. এফ.সি.আই., সি.দবল্যু.সি. দি.আই.এস. অমসুং অতৈ ওফিসিএলশিংগা লোয়ননা মীফম অমসু পাংথোকখি।

অৱাং নোংপোক লমদমদা মহাক্কী নুমিৎ তরেৎনিগী অহানবা নুমিৎতা, শ্রী চৌবেনা আসমদা হাপ্লিবা প্রোজেক্তশিংগী চংশিল্লিবা থবকশিং হন্না য়েংশিনখ্রে। দিপার্তমেন্তগী ওফিসিএলশিংগা ফম্বা মীফম মনুংদা, মিনিস্তরনা হায় মদুদি রাজ্য অসিনা চাউখৎলিবা ওইরবসু হৌখিবা থা খর অসিদা য়াম্না থুনা চাউখৎপগী খোঙজেল থুজল্লক্লি অমসুং মসিদা খুদম অমা ওইরি। মহাক্না আসম সরকারবু থবকশিং অসি য়াম্না নিংথিনা পাংথোকপা উৎপগীদমক থাগৎপা ফোংদোকখি।

মহাক্না অনিং অপাম্বা ফোংদোকখি মদুদি রাজ্য অসিদা থবকশিং অসি হেন্না থুনা য়াংশিন্নবা, এনভাইরোনমেন্তগী থবকশিংদা মীয়াম্না শরুক য়াহন্নিংই হায়না ফোংদোকখি। “ঐহাক্না থাজৈ মদুদি করিগুম্বা ঐখোয়না মরুওইবা থৌরমশিং মীয়ামগা পুন্না পাংথোকমিন্নরবা, মসিনা দিপার্তমেন্তনা তৌরিবা থবকশিং অসিদা হেন্না মতেং ওইগনি,” হায়না শ্রী চৌবেনা হায়খি।

মহাক্না অনিং-অপাম্বা ফোংদোকখি মদুদি অঙাংশিংদা নেস্নেল পার্কশিং চৎহন্দুনা মখোয়বু মখোয়গী এনভাইরোনমেন্তগী মরমদা খঙহনগদবনি। “নহা ওইরিবা মীরোলনা চহি অমদা পার্কশিংদা য়ামদ্রবদা অনিরক চৎহনবনা এনভাইরোনমেন্তগী মরমদা হেন্না  খঙবা ঙমগনি,” হায়না মহাক্না ফোংদোকখি।  

মহাক্না মখা তানা ফোংদোকখি মদুদি করিগুম্বা আসম্না লম অসিদা থবক খর হেন্না তৌরবা, লৈবাক পুম্বা পুক্নিং থৌগৎকনি। “তাইগর দে, ইলিফেন্ত দে, এনভাইরোনমেন্ত দে, অসিনচিংবা থৌরমশিং অসি ওফিস খক্তা তৌবতা নত্তনা মীয়াম পুন্না পাংথোকপনা হেন্না ফগনি। মসিনা অফবা থবক অমা তৌবদা মিৎয়েং অমা লৈগনি। তৌখিবা থবকশিং অসি মীয়াম্না মতৌ তম্লগন,” হায়না মিনিস্তরনা মখা তাখি।

মহাক্না রাজ্য অসিদা অনৌবা ৱাখল অমা থম্নবা অমসুং চংশিল্লিবা থবকশিং হেন্না য়াংশিনবা পাম্বা ফোংদোকখি। মহাক্না আসম সরকারগী থবকশিংদা থাগৎপা ফোংদোকখ্রে অমসুং চংশিল্লিবা থবকশিং ফগৎলে হায়না হায়খি। “অৱাং নোংপোক লমদমশিং অসি প্রধান মন্ত্রী নরেন্দ্র মোদীগী খ্বায়দগী মরুওইনা লৌবা মফমনি অমসুং মহাক্কী লুচিং মখাদা, ঐখোয়না খুৎশমন্দুনা এন.ই. রাজ্যশিংগী চাউখৎ থৌরাংগী থবকশিং তৌরি,” হায়না শ্রী চৌবেনা হায়খি।   

মহাক্না পাউদমখি মদুদি মমাংদা আসমদা ইলিফেন্ত ৫২৪৬ লৈরম্মী অমসুং মশিং ৫৭১৯দা হেনগৎখ্রে। কৈশু ৭০দগী ১৯০দা হেনগৎখ্রে।  মহাক্না রাজ্য অসিবু রাইনোবু ঙাক শেন্দুনা থম্বগীদমক অখন্ননা থাগৎপা ফোংদোকখি। হৌখিবা চহি খরা অসিদা রাইনোগী মশিং হেনগৎলক্লি।

শ্রী চৌবেনা হায় মদুদি আসমদা লমলক্কী শা-উচেক ঙাক-শেন্নবা অনৌবা খোঙথাংং লৌখৎনবা লৈরে। মন্ত্রীনা নাগালেন্দ, মনিপুর অমসুং অরুনাচল প্রদেশতা চৎতুনা হায়রিবা রাজ্যশিং অসিগী চংশিল্লিবা থবকশিং য়েংশিনগনি।

*****

(Release ID: 1756233) Visitor Counter : 105