نئی دہلی، 16 ستمبر 2021:

کان کنی کی وزارت نے جیولوجیکل سروے آف انڈیا (جی ایس آئی) اور منرل ایکسپلوریشن کارپوریشن لمیٹڈ (ایم ای سی ایل)کے تعاون سے آج بھونیشور میں نیشنل منرل ریسرچ ٹرسٹ (این ایم ای ٹی) کی معدنی کھوج پہل پر بہار، جھارکھنڈ، مغربی بنگال اور اڑیسہ ریاستوں کی کانوں میں ارضیات اور ریاستی معدنی ترقیاتی کارپوریشنوں کے ریاستی محکموں اور کان کنی کے لیے ایک ورک شاپ کا انعقاد کیا۔

"این ایم ای ٹی کے ذریعے کھوج" کے موضوع پر اس طرح کی ورک شاپس کے انعقاد کے بعد یہ چوتھی ورک شاپ تھی۔ اس سے قبل این ایم ای ٹی نے راجستھان اور گجرات کے لیے جے پور میں، لکھنؤ میں ہماچل پردیش، جموں و کشمیر، لداخ، اتراکھنڈ اور اترپردیش ریاستوں کے لیے اور مدھیہ پردیش، چھتیس گڑھ اور مہاراشٹر ریاستوں کے لیے بھوپال میں ورک شاپس کا انعقاد کیا تھا۔

مذکورہ ورک شاپ نے نالج کے اشتراک کا پلیٹ فارم فراہم کرنے کا کام کیا ہے جو اس کے مقاصد میں سے ایک ہے۔ اس میں این ایم ای ٹی فنڈنگ کے ذریعے ملک میں کھوج بڑھانے میں کان کنی اور ارضیات اور کان کنی کارپوریشنوں کی ریاستی ڈائریکٹریوں کے کردار پر روشنی ڈالی گئی۔ ریاستوں سے درخواست کی گئی کہ وہ معدنی شعبے میں مطلوبہ اثرات پیدا کرنے کے لیے تحقیقی کاموں کی منصوبہ بندی کریں۔ ریاستوں سے مزید اپیل کی گئی کہ وہ غیر استعمال شدہ معدنی وسائل کے لیے نوٹفائیڈ کھوج ایجنسیوں کی خدمات حاصل کریں، وزارت کان کنی سے ریاستی حکومتوں کو ہر ممکن تعاون فراہم کیا جائے گا۔

این ایم ای ٹی نے اس بات پر روشنی ڈالی کہ بھارت معدنی وسائل سے مالا مال ہے پھر بھی ہم اس کی بڑی مقدار درآمد کر رہے ہیں۔ مینوفیکچرنگ شعبے کے حصص میں اضافے کے ساتھ ملک کی معدنی ضروریات میں اضافے کی توقع ہے۔ بڑھتی ہوئی طلب کو پورا کرنے اوردرآمدی بل کوکم رکھنے کے لیے فوری طور پر کھوج کے کام بڑھانے کی ضرورت ہے جس کے لیے فنڈز کی کوئی کمی نہیں ہے۔

این ایم ای ٹی فنڈنگ کے ذریعے معدنی تحقیق کے منصوبے کی تشکیل، منظوری اور طریقہ کار کا احاطہ کرتے ہوئے ورک شاپ میں این ایم ای ٹی پر تفصیلی پریزیںٹیشن دی گئی۔ جی ایس آئی نے بہار، جھارکھنڈ، مغربی بنگال اور اڈیشہ میں معدنیات کی تلاش کے ممکنہ شعبوں پر ایک پریزینٹیشن پیش کی۔

یہ بھی بتایا گیا کہ نیشنل منرل ایکسپلوریشن ٹرسٹ (این ایم ای ٹی) نے نوٹیفائیڈ ایکسپلوریشن ایجنسیوں (این ای اے) کے ذریعے ریاستی حکومتوں کو کھوج سے متعلق سرگرمیاں شروع کرکے اس مقصد کے لیے این ایم ای ٹی فنڈ کا استعمال کرتے ہوئے اپنے معدنی وسائل استعمال کرنے اور ان سے فائدہ اٹھانے کا ایک بڑا موقع فراہم کیا ہے۔ ریاستوں کے ریاستی ڈی جی ایم اور پی ایس یو سے درخواست کی گئی تھی کہ وہ تحقیقی کاموں میں بڑھ چڑھ کر حصہ لیں اور این ایم ای ٹی فنڈنگ کے لیے تحقیقی تجاویز پیش کریں۔ ورک شاپ نے معدنیات کی تلاش کو بڑھانے کے لیے ایک آئیڈیا شیئرنگ پلیٹ فارم کے طور پر کام کیا جو کان کنی کے شعبے کی ترقی کی بنیادی ضرورت ہے۔

اڈیشہ حکومت کے اسٹیل اور کانوں کے محکمے کے پرنسپل سکریٹری جناب دیورنجن کمار سنگھ اور کانوں کی وزارت کے جوائنٹ سکریٹری جناب یو سی جوشی نے ورک شاپ کی صدارت کی۔ ورک شاپ کے دوران منرل ایکسپلوریشن کارپوریشن لمیٹڈ کے سی ایم ڈی ڈاکٹر رنجیت رتھ، بھارت سرکار کی وزارت کانوں کے ڈائریکٹر جناب امت سرن اور مشرقی خطے کے ایچ او ڈی جی ایس آئی جناب جناردھا پرساد اے ڈی جی اور این ایم ای ٹی کے چیئرمین ٹی سی سی کے علاوہ وزارت کان کنی ، جیولوجیکل سروے آف انڈیا، ایم ای سی ایل اور سی ایم پی ڈی وائی ایل کے دیگر عہدیدار اس موقع پر موجود تھے۔

***

U. No. 9079

(ش ح۔ ع ا۔ ع ر)