মন্ত্রীমন্দল
azadi ka amrit mahotsav g20-india-2023

ভারতকী মেনুফেকচরিং কেপেবিলিতী হেনগৎহন্নবা লৈঙাক্না ওতো ইন্দস্ত্রী অমসুং দ্রোন ইন্দস্ত্রীগী প্রদক্সন লিঙ্ক ইন্সেন্তিব (পি.এল.আই.) স্কিম অয়াবা পীখ্রে


পি.এল.আই. ওতো স্কিম্না ভারত্তা এদভান্স ওতোমোতিব তেক্নোলোজীগী মালেমগী স্পলাই চেন থোরকপদা ইন্সেন্তিভাইজ তৌগনি

মীওই লাখ ৭.৬ হেনবদা অহেনবা থবক পীবদা মতেং ওইগনি

চহি মঙাদা ইন্দস্ত্রীসিদা লুপা করোর ২৬,০৫৮কী ইন্সেন্তিব পীগনি

ওতো সেক্তরগী পি.এল.আই. স্কিম্না চহি মঙাসিদা লুপা করোর ৪২,৫০০ হেনবগী অনৌবা ইনভেস্তমেন্ত অমদি লুপা করোর লাখ ২.৩ হেনবগী ইনক্রিমেন্তেল প্রদক্সন পুরক্কনি

দ্রোনগী পি.এল.আই. স্কিম্না চহি অহুমদা লুপা করোর ৫০০০ হেনবগী অনৌবা ইনভেস্তমেন্ত অমসুং লুপা করোর ১,৫০০গী ইনক্রিমেন্তেল প্রদক্সন পুরক্কনি

হান্ননা হৌদোকখ্রবা এদভান্স কেমিস্ত্রী সেলগী পি.এল.আই. (লুপা করোর ১৮,১০০) অমদি ফাস্তর এদাপ্সন ওফ মেনুফেকচরিং ওফ ইলেক্ত্রিক ভেহিকল্স (ফেম) স্কিম (লুপা করোর ১০,০০০)গা লোয়ননা ওতোমোতিব সেক্তরগী পি.এল.আই. স্কিম্না ইলেক্ত্রিক গারী পুথোকপদা অচৌবা ইনোৎ হাপ্লগনি

ভারতপু অকোয়বগী ফীভমদা হেন্না তরু তরুবা, ইলেক্ত্রিক গারীশিং অমসুং হাইদ্রোজেন ফ্যুল সেল গারীগী লমদা অচৌবা খোঙফম অমদা পুখৎপা ঙমহনগনি

Posted On: 15 SEP 2021 3:57PM by PIB Imphal

‘আত্মনিরভর ভারত’ মঙলানগী মায়কৈদা খোঙ থাংজিল্লদুনা ইকায়খুম্নরবা প্রধান মন্ত্রী শ্রী নরেন্দ্র মোদীনা লুচিংবা লৈঙাক অসিনা লুপা করোর ২৬,০৫৮কী বদজেতরী আউতলেগা লোয়ননা ওতোমোবাইল ইন্দস্ত্রী অমসুং দ্রোন ইন্দস্ত্রীগী পি.এল.আই. স্কিম অয়াবা পীখ্রে‍। ওতো সেক্তরগী পি.এল.আই. স্কিম অসিনা হায় ভেল্যু এদভান্স ওতোমোতিব তেক্নোলোজী গারী অমসুং পোত্থোকশিংবু ইন্সেন্তিভাইজ তৌরগনি‍। মসিনা হেন্না থাক ৱাংবা তেক্নোলোজী, হেন্না মতিং লৈবা অমদি মহৌশাগা চুনবা ওতোমোতিব মেনুফেকচরিংগী অনৌবা পন্দুপ অমা হাংদোক্লগনি‍।

ওতোমোবাইল ইন্দস্ত্রী অমসুং দ্রোন ইন্দস্ত্রীগী পি.এল.আই. স্কিম অসি কেন্দ্রগী বদজেত ২০২১-২২দা লুপা করোর লাখ ১ও৯৭গী আউতলেগা লোয়ননা সেক্তর ১৩গী পি.এল.আই. স্কিম লাউথোকখিবদুগী শরুক অমনি‍। সেক্তর ১৩গী পি.এল.আই. স্কিম লাউথোকখিবগা লোয়ননা চহি ৫সিদা ভারতকী মিনিমম এদিসনেল প্রদক্সন লুপা করোর লাখ ৩৭.৫গী ময়াদা অমদি চহি ৫সিদা য়ামদ্রবদা অহেনবা থবক করোর ১গী ময়াদা পীগনি হায়না পারি‍।

ওতো সেক্তরগী পি.এল.আই. স্কিম্না ভারত্তা এদভান্স ওতোমোতিব তেক্নোলোজী পোত্থোকশিং পুথোকপদা ইন্দস্ত্রীশিংদা লৈরমবা কোস্ত দিসএবিলিতী লাকশিন্নবা মীৎয়েং থম্লি‍। ইন্সেন্তিব স্ত্রকচর অসিনা ইন্দস্ত্রীশিংবু এদভান্স ওতোমোতিব তেক্নোলোজী পোত্থোকশিংগী লমদমসিগী ওইবা মালেমগী সপ্লাই চেনদা নৌনা শেল থাদবদা পুক্নিং থৌগৎকনি‍। চহি মঙাদা ওতোমোবাইল অমসুং ওতো কম্পোনেন্ত ইদস্ত্রীগী পি.এল.আই. স্কিম অসিনা লুপা করোর ৪২,৫০০ হেন্না নৌনা শেল থাদবা, লুপা করোর ২.৩ হেনবগী ইনক্রিমেন্তেল প্রদক্সন অমসুং অহেনবা থবক লাখ ৭.৫গী খুদোংচাবা পুরক্কনি‍। মখা তানা মসিনা মালেমগী ওতোমোতিব ত্রেদতা ভারতকী শেয়র হেনগৎহনগনি‍।

ওতো সেক্তরগী পি.এল.আই. স্কিম অসি হান্না লৈরবা ওতোমোতিব কম্পেনীশিং অমসুং ওতোমোবাইল নৎত্রগা ওতো কম্পোনেন্ত মেনুফেকচরিং বিজিনেসতা হৌজিক থবক তৌদ্রিবা অনৌবা ইনভেস্তরশিংদা খুদোংচাবা ফংগনি‍। স্কিম অসিগী – চেম্পিয়ন ও.ই.এম. ইন্সেন্তিব স্কিম অমসুং কম্পোনেন্ত চেম্পিয়ন ইন্সেন্তিব স্কিম হায়বা কম্পোনেন্ত অনি লৈ‍। চেম্পিয়ন ও.ই.এম. ইন্সেন্তিব স্কিম অসি সেগমেন্ত পুম্নমক্কী বেত্তরী ইলেক্ত্রিক ভেহিকল অমসুং হায়দ্রোজেন ফ্যুল সেল ভেহিকলশিংদা চৎনগদবা ‘সেল্স ভেল্যু লিঙ্ক’ স্কিম অমনি‍। কম্পোনেন্ত চেম্পিয়ন ইন্সেন্তিব স্কিম অসিনা গারীগী এদভান্স ওতোমোতিব তেক্নোলোজী কম্পোনেন্ত, কম্প্লিতলী নোক দাউন (সি.কে.দি.)/সেমি নোক দাউন (এস.কে.দি.) কিত্স, ২-হ্বীলর, ৩-হ্বীলর, পেসেঞ্জর গারী, কম্মর্সিএল গারী অমসুং ত্রেক্তরনচিংবগী ভেহিকল এগ্রিগেতশিংদা চৎনগদবা ‘সেল্স ভেল্যু লিঙ্ক’ স্কিম অমনি‍।

হান্ননা হৌদোকখ্রবা এদভান্স কেমিস্ত্রী সেলগী পি.এল.আই. (লুপা করোর ১৮,১০০) অমদি ফাস্তর এদাপ্সন ওফ মেনুফেকচরিং ওফ ইলেক্ত্রিক ভেহিকল্স (ফেম) স্কিম (লুপা করোর ১০,০০০)গা লোয়ননা ওতোমোতিব সেক্তরগী পি.এল.আই. স্কিম্না ভারতপু ত্রেদিসনেল ফোসিল ফ্যুল বেজ ওতোমোবাইল ত্রান্সপোর্তেসন সিস্তেমদগী অকোয়বগী ফীভমদা হেন্না তরু তরুবা, তুং কোইনা চৎকদবা, এদভান্স ওইবা অমদি হেন্না মতিং লৈবা ইলেক্ত্রিক ভেহিকল (ই.ভি.) বেজ সিস্তেমদা অচৌবা খোঙফম অমা চোংহল্লকপা ঙমহল্লগনি‍।

দ্রোন অমসুং দ্রোন কম্পোনেন্ত ইন্দস্ত্রীগী পি.এল.আই. স্কিম্না রিভোলুসনরী তেক্নোলোজী অসিগী স্ত্রেতেজিক, তেক্তিকেল অমসুং ওপরেসনেল য়ুজগী হীরমশিং এদ্রেস তৌগনি‍। তশেং তশেংবা রিভিন্যু তার্গেত অমসুং দোমেস্তিক ভেল্যুদা মীৎয়েঙ থমবগা লোয়নরিবা দ্রোনশিংগী প্রদক্ত স্পেসিফিক পি.এল.আই. স্কিম অসি কেপাসিতী শেমগৎপগী অমদি ভারতকী চাউখৎ থৌরাংদা মরুওইরিবা দ্রাইভরশিং অসিবু শেমগৎপদা অচৌবা থৌদাং লৌগনি‍। দ্রোন অমসুং দ্রোন কম্পোনেন্ত ইন্দস্ত্রীগী পি.এল.আই. অসিনা চহি অহুমদা লুপা করোর ৫,০০০গী ইনভেস্তমেন্ত, লুপা করোর ১৫০০গী ইলিজিবল সেল্স হেনগৎহনবা অমদি অহেনবা থবক ১০,০০০ পীগনি‍।

*****



(Release ID: 1755180) Visitor Counter : 267