Posted On:
15 SEP 2021 3:13PM by PIB Chandigarh
ਭਾਰਤੀ ਫੌਜ ਮੁਖੀਆਂ ਦੇ ਸੰਮੇਲਨ ਦਾ 8ਵਾਂ ਸੰਸਕਰਣ , ਨਵੀਂ ਦਿੱਲੀ ਵਿੱਚ 16 ਤੋਂ 18 ਸਤੰਬਰ 2021 ਨੂੰ ਆਯੋਜਿਤ ਕੀਤਾ ਜਾਵੇਗਾ । ਇਸ ਵਿੱਚ ਭਾਰਤੀ ਫੌਜ ਦੇ ਸਾਬਕਾ ਫੌਜ ਮੁਖੀ ਅਤੇ ਸੇਵਾ ਕਰ ਰਹੇ ਇਕੱਤਰ ਹੋਣਗੇ I 3 ਦਿਨਾ ਈਵੈਂਟ ਦੀ ਮੁੱਖ ਝਲਕੀ ਨੇਪਾਲੀ ਫੌਜ ਦੇ ਸਾਬਕਾ ਮੁਖੀਆਂ , ਜੋ ਭਾਰਤੀ ਫੌਜ ਦੇ ਆਨਰੇਰੀ ਮੁਖੀ ਸਨ , ਨੂੰ ਦਿੱਤਾ ਸੱਦਾ ਹੋਵੇਗਾ ।
ਇਹ ਸੰਮੇਲਨ ਭਾਰਤੀ ਫੌਜ ਦੀ ਮੌਜੂਦਾ ਅਤੇ ਪੁਰਾਣੀ ਲੀਡਰਸਿ਼ੱਪ ਵਿਚਾਲੇ ਵਿਚਾਰਾਂ ਦੇ ਅਦਾਨ—ਪ੍ਰਦਾਨ ਦਾ ਫੋਰਮ ਹੈ । ਇਸ ਵਿੱਚ ਭਾਰਤੀ ਫੌਜ ਵਿੱਚ ਤੇਜੀ ਨਾਲ ਹੋਏ ਬਦਲਾਅ , ਆਤਮਨਿਰਭਰ ਰਾਹੀਂ ਸਵੈ ਨਿਰਭਰਤਾ ਅਤੇ ਡਿਫੈਂਸ ਮੈਨੂਫੈਕਚਰਿੰਗ ਵਿੱਚ ਮੇਕ ਇਨ ਇੰਡੀਆ ਪਹਿਲਕਦਮੀਆਂ ਅਤੇ ਆਧੁਨਿਕ ਯੁੱਧਾਂ ਨੂੰ ਲੜਨ ਲਈ ਭਾਰਤੀ ਫੌਜੀਆਂ ਦੇ ਹੁਨਰ ਬਾਰੇ ਵਿਚਾਰ ਵਟਾਂਦਰਾ ਹੋਵੇਗਾ ।
ਸਾਬਕਾ ਫੌਜੀ ਮੁਖੀ 16 ਸਤੰਬਰ 2021 ਨੂੰ ਰਾਸ਼ਟਰੀ ਜੰਗੀ ਯਾਦਗਾਰ ਤੇ ਫੁੱਲ ਮਾਲਾਵਾਂ ਭੇਟ ਕਰਨ ਦੇ ਸਮਾਗਮ ਦੌਰਾਨ ਸ਼ਹੀਦ ਬਹਾਦਰਾਂ ਨੂੰ ਸ਼ਰਧਾਂਜਲੀ ਦੇਣਗੇ । 17 ਸਤੰਬਰ 2021 ਨੂੰ , ਇੱਕ ਸੰਵਾਦ ਸੈਸ਼ਨ ਵਿੱਚ ਭਾਰਤੀ ਫੌਜ ਦੇ ਸੀਨੀਅਰ ਅਧਿਕਾਰੀਆਂ ਨਾਲ ਵਿਚਾਰਾਂ ਦਾ ਅਦਾਨ ਪ੍ਰਦਾਨ ਅਤੇ ਭਾਰਤੀ ਫੌਜ ਦੇ ਵੱਖ ਵੱਖ ਪ੍ਰਸ਼ਾਸਕੀ ਅਤੇ ਮਨੁੱਖੀ ਸਰੋਤ ਪਹਿਲੂਆਂ ਬਾਰੇ ਵਿਚਾਰ ਕੀਤਾ ਜਾਵੇਗਾ । ਮੁਖੀ ਭਾਰਤੀ ਡਿਫੈਂਸ ਮੈਨੂਫੈਕਚਰਰਜ਼ ਦੀ ਸੁਸਾਇਟੀ ਦੇ ਮੈਂਬਰਾਂ ਨਾਲ ਵੀ ਗੱਲਬਾਤ ਕਰਨਗੇ , ਜਿੱਥੇ ਉਹਨਾਂ ਨੂੰ ਭਾਰਤੀ ਫੌਜ ਅਤੇ ਸਵਦੇਸ਼ੀ ਨਿਜੀ ਡਿਫੈਂਸ ਮੈਨੂਫੈਕਚਰਰਸ ਵਿਚਾਲੇ ਸੰਸਥਾਗਤ ਸਾਂਝ ਬਾਰੇ ਜਾਣੂ ਕਰਵਾਇਆ ਜਾਵੇਗਾ । ਮੁਖੀ ਉਹਨਾਂ ਸ਼ਾਨਦਾਰ ਸੈਨਿਕਾਂ ਨੂੰ ਵੀ ਮਿਲਣਗੇ ਜਿਹਨਾਂ ਨੇ ਹਾਲ ਹੀ ਵਿੱਚ ਟੋਕੀਓ ਵਿਖੇ ਹੋਈਆਂ ਓਲੰਪਿਕ ਖੇਡਾਂ ਵਿੱਚ ਰਾਸ਼ਟਰ ਲਈ ਸਨਮਾਨ ਪ੍ਰਾਪਤ ਕੀਤਾ ਹੈ ।
**************
ਐੱਸ ਸੀ / ਬੀ ਐੱਸ ਸੀ / ਵੀ ਬੀ ਵਾਈ