ਵਿੱਤ ਮੰਤਰਾਲਾ
ਡੀਈਏ ਨੇ ਰਾਜਾਂ ਲਈ ਸਮਰੱਥਾ ਨਿਰਮਾਣ ਪਹਿਲਕਦਮੀ ਲਈ ਜਨਤਕ ਪ੍ਰਾਈਵੇਟ ਭਾਈਵਾਲੀ (ਪੀਪੀਪੀ) ਵਿੱਚ 2-ਹਫ਼ਤੇ ਦੇ ਅਡਵਾਂਸ ਲੈਵਲ ਸਿਖਲਾਈ ਪ੍ਰੋਗਰਾਮ ਦਾ ਆਯੋਜਨ ਕੀਤਾ
Posted On:
13 SEP 2021 5:56PM by PIB Chandigarh
ਵਿੱਤ ਮੰਤਰਾਲੇ ਦੇ ਆਰਥਿਕ ਮਾਮਲਿਆਂ ਦੇ ਵਿਭਾਗ (ਡੀਈਏ) ਅਤੇ ਭਾਰਤੀ ਪ੍ਰਬੰਧਨ ਸੰਸਥਾਨ ਬੰਗਲੌਰ ਵਲੋਂ 'ਜਨਤਕ ਪ੍ਰਾਈਵੇਟ ਭਾਈਵਾਲੀ' 'ਤੇ ਦੋ ਹਫਤਿਆਂ ਦਾ ਵਰਚੁਅਲ ਐਡਵਾਂਸ ਲੈਵਲ ਸਿਖਲਾਈ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ ਹੈ। ਸਿਖਲਾਈ ਪ੍ਰੋਗਰਾਮ ਦਾ ਉਦਘਾਟਨ ਵਧੀਕ ਸਕੱਤਰ ਡੀਈਏ, ਸ਼੍ਰੀ ਕੇ ਰਾਜਾਰਮਨ ਨੇ ਕੀਤਾ ਅਤੇ ਸਮਾਗ਼ਮ ਦਾ ਸ਼ੁਰੂਆਤੀ ਅਤੇ ਸਵਾਗਤੀ ਭਾਸਣ ਡੀਈਏ ਦੇ ਸੰਯੁਕਤ ਸਕੱਤਰ ਸ਼੍ਰੀ ਬਲਦਿਓ ਪੁਰਸ਼ਾਰਥ ਨੇ ਦਿੱਤਾ। ਵਿਸ਼ੇਸ਼ ਸੰਬੋਧਨ ਕਰਨ ਵਾਲਿਆਂ ਵਿੱਚ ਪ੍ਰੋਫੈਸਰ ਜੀ ਸ਼ੈਨੇਸ਼, ਚੇਅਰਪਰਸਨ ਕਾਰਜਕਾਰੀ ਸਿੱਖਿਆ ਪ੍ਰੋਗਰਾਮਾਂ, ਆਈਆਈਐੱਮਬੀ; ਆਈਆਈਐੱਮਬੀ ਪ੍ਰੋਫੈਸਰ ਜੀ ਰਘੁਰਾਮ, ਪ੍ਰੋਫੈਸਰ ਅਨਿਲ ਬੀ ਸੂਰਜ, ਪ੍ਰੋਫੈਸਰ ਆਰ ਟੀ ਕ੍ਰਿਸ਼ਨਨ ਸ਼ਾਮਲ ਸਨ। ਧੰਨਵਾਦ ਮਤਾ ਡਾ.ਮੋਲਿਸ਼੍ਰੀ, ਡਿਪਟੀ ਸਕੱਤਰ, ਡੀਈਏ ਨੇ ਪੇਸ਼ ਕੀਤਾ।
ਇਹ ਸਿਖਲਾਈ ਪ੍ਰੋਗਰਾਮ ਰਾਜ ਸਰਕਾਰਾਂ ਦੇ ਸੀਨੀਅਰ ਅਧਿਕਾਰੀਆਂ ਜੋ ਬੁਨਿਆਦੀ ਢਾਂਚੇ ਦੇ ਖੇਤਰ ਨਾਲ ਜੁੜੇ ਹਨ, ਲਈ ਆਯੋਜਿਤ ਇੱਕ ਅਗਾਊਂ ਪੱਧਰ ਦਾ ਸਿਖਲਾਈ ਪ੍ਰੋਗਰਾਮ ਹੈ। ਇਸ ਸਿਖਲਾਈ ਪ੍ਰੋਗਰਾਮ ਵਿੱਚ ਗੁਜਰਾਤ, ਦਿੱਲੀ, ਕਰਨਾਟਕ, ਰਾਜਸਥਾਨ, ਉੱਤਰ ਪ੍ਰਦੇਸ਼, ਹਰਿਆਣਾ, ਝਾਰਖੰਡ, ਮੇਘਾਲਿਆ, ਅਸਾਮ ਅਤੇ ਮਨੀਪੁਰ, ਸਿੱਕਮ ਸਣੇ ਕੁੱਲ 25 ਅਧਿਕਾਰੀਆਂ ਨੇ ਹਿੱਸਾ ਲਿਆ ਹੈ।
ਡੀਈਏ ਨੇ ਅਤੀਤ ਵਿੱਚ ਹਮੇਸ਼ਾਂ ਰਾਜ ਦੇ ਅਧਿਕਾਰੀਆਂ ਦੀ ਸਮਰੱਥਾ ਨਿਰਮਾਣ ਦੀਆਂ ਕਈ ਪਹਿਲਕਦਮੀਆਂ ਕੀਤੀਆਂ ਹਨ ਤਾਂ ਜੋ ਸਮਾਜ ਦੇ ਹਿੱਤ ਵਿੱਚ ਕੇਂਦਰ ਅਤੇ ਰਾਜਾਂ ਦੇ ਉਦੇਸ਼ਾਂ ਨੂੰ ਇਕਸਾਰ ਕੀਤਾ ਜਾ ਸਕੇ, ਜੋ ਕਿ ਦੇਸ਼ ਦੇ ਸਰਵਪੱਖੀ ਵਿਕਾਸ ਲਈ ਰਾਹ ਪੱਧਰਾ ਕਰੇਗਾ। ਰਾਸ਼ਟਰੀ ਬੁਨਿਆਦੀ ਢਾਂਚਾ ਪਾਈਪਲਾਈਨ (ਐੱਨਆਈਪੀ) ਦੇਸ਼ ਵਿੱਚ ਬੁਨਿਆਦੀ ਢਾਂਚੇ ਦੇ ਵਿਕਾਸ ਲਈ ਇੱਕ ਵੱਡੀ ਪ੍ਰੇਰਣਾ ਪੈਦਾ ਕਰ ਰਹੀ ਹੈ। ਰਾਸ਼ਟਰੀ ਮੁਦਰੀਕਰਨ ਪਾਈਪਲਾਈਨ (ਐੱਨਐੱਮਪੀ) ਅਤੇ ਗਤੀ ਸ਼ਕਤੀ ਦੇ ਨਾਲ, ਪ੍ਰਾਈਵੇਟ ਸੈਕਟਰ ਦੀ ਕੁਸ਼ਲਤਾ ਅਤੇ ਸਰੋਤ ਲਿਆਉਣ ਲਈ ਹੋਰ ਉਤਸ਼ਾਹ ਦਿੱਤਾ ਗਿਆ ਹੈ।
ਨਿੱਜੀ ਖੇਤਰ ਦੇ ਸਰੋਤਾਂ ਅਤੇ ਕਾਰਜਕੁਸ਼ਲਤਾ ਨੂੰ ਹਾਸਲ ਕਰਨ ਵਿੱਚ ਪੀਪੀਪੀ ਦੀ ਮਹੱਤਤਾ ਦੇ ਮੱਦੇਨਜ਼ਰ, ਲਾਗੂ ਕਰਨ ਦਾ ਇੱਕ ਚੁਣਿਆ ਢੰਗ ਪ੍ਰਮਾਣ ਅਤੇ ਢੁਕਵੇਂ ਆਰਥਿਕ ਵਿਸ਼ਲੇਸ਼ਣ ਦੇ ਅਧਾਰ 'ਤੇ ਹੋਣਾ ਚਾਹੀਦਾ ਹੈ। ਇੱਕ ਠੋਸ ਵਿੱਤੀ ਅਤੇ ਆਰਥਿਕ ਫੈਸਲਾ ਲੈਣ ਲਈ, ਨੀਤੀ ਨਿਰਮਾਤਾਵਾਂ ਦੀ ਸਮਰੱਥਾ ਨਿਰਮਾਣ ਇੱਕ ਮਹੱਤਵਪੂਰਨ ਲੋੜ ਹੈ। ਇਹ ਸਿਖਲਾਈ ਪ੍ਰੋਗਰਾਮ ਪੀਪੀਪੀ ਦੀ ਢੁਕਵੀਂ ਸਮਝ ਬਣਾਉਣ ਅਤੇ ਪੀਪੀਪੀ ਪ੍ਰੋਜੈਕਟਾਂ ਦੇ ਬਿਹਤਰ ਸੰਕਲਪ ਅਤੇ ਢਾਂਚੇ ਲਈ ਅਧਿਕਾਰੀਆਂ ਦੀ ਮੁਲਾਂਕਣ ਸਮਰੱਥਾ ਨੂੰ ਵਧਾਉਣ ਦੀ ਕੋਸ਼ਿਸ਼ ਹੈ। ਇਸ ਵਿੱਚ ਦ੍ਰਿਸ਼ਟੀਗਤ ਸੋਚ, ਪ੍ਰੋਜੈਕਟ ਦੀ ਪਛਾਣ ਅਤੇ ਪ੍ਰਬੰਧਨ, ਸਹਿਭਾਗੀ ਚੋਣ ਅਤੇ ਪ੍ਰਬੰਧਨ ਅਤੇ ਜਨਤਕ ਬੁਨਿਆਦੀ ਢਾਂਚੇ ਦੀ ਸਪਲਾਈ ਨੂੰ ਸਥਾਈ ਅਤੇ ਕੁਸ਼ਲਤਾ ਨਾਲ ਵਧਾਉਣ ਲਈ ਬੁਨਿਆਦੀ ਢਾਂਚੇ ਵਿੱਚ ਸਟਾਰਟਅੱਪਸ ਦੀ ਮੁੱਖ ਧਾਰਾ ਦੀ ਭਾਗੀਦਾਰੀ ਦੇ ਪੀਪੀਪੀ ਦੇ ਹੋਰ ਨਾਜ਼ੁਕ ਪਹਿਲੂਆਂ ਦੀ ਸਿਖਲਾਈ ਸ਼ਾਮਲ ਹੈ।
ਅਗਾਊਂ ਪੱਧਰੀ ਸਿਖਲਾਈ ਪ੍ਰੋਗਰਾਮ ਫੈਸਲੇ ਲੈਣ ਦੇ ਮਹੱਤਵਪੂਰਣ ਖੇਤਰਾਂ ਬਾਰੇ ਵਿਚਾਰ ਵਟਾਂਦਰਾ ਕਰੇਗਾ, ਜਿਸ ਵਿੱਚ ਪੀਪੀਪੀਜ਼ ਦਾ ਡਿਜ਼ਾਈਨ ਅਤੇ ਢਾਂਚਾ, ਖਰੀਦ ਅਤੇ ਬੋਲੀ ਪ੍ਰਕਿਰਿਆ ਅਭਿਆਸਾਂ, ਪ੍ਰੋਜੈਕਟ ਜੋਖਮ ਪ੍ਰਬੰਧਨ, ਨਿਗਰਾਨੀ ਅਤੇ ਨਿਯੰਤਰਣ, ਪ੍ਰੋਜੈਕਟ ਲਾਗਤ ਅਨੁਮਾਨ ਅਤੇ ਬਜਟਬੰਦੀ, ਪ੍ਰੋਜੈਕਟ ਦੀ ਸੰਭਾਵਨਾ ਵਿਸ਼ਲੇਸ਼ਣ, ਲੰਮੇ ਸਮੇਂ ਦੇ ਇਕਰਾਰਨਾਮੇ ਦੇ ਜੋਖਮ ਪ੍ਰਬੰਧਨ ਅਤੇ ਵਿਵਾਦ ਨਿਪਟਾਰਾ ਆਦਿ ਸ਼ਾਮਲ ਹਨ।
****
ਆਰਐੱਮ/ਕੇਐੱਮਐੱਨ
(Release ID: 1754636)
Visitor Counter : 146