ਵਾਤਾਵਰਣ,ਜੰਗਲਾਤ ਅਤੇ ਜਲਵਾਯੂ ਪਰਿਵਰਤਨ ਮੰਤਰਾਲਾ
ਸੀਓਪੀ 26 ਨੂੰ ਏਜੰਡੇ ਦੇ ਸਾਰੇ ਪਹਿਲੂਆਂ ਜਿਵੇਂ ਅਨੁਕੂਲਤਾ, ਵਿੱਤ, ਪ੍ਰਤੀਕਿਰਿਆ ਉਪਾਵਾਂ ਦੇ ਬਰਾਬਰ ਦਾ ਸੰਤੁਲਿਤ ਨਤੀਜਾ ਯਕੀਨੀ ਬਣਾਉਣਾ ਚਾਹੀਦਾ ਹੈ: ਸ਼੍ਰੀ ਭੁਪੇਂਦਰ ਯਾਦਵ
ਭਾਰਤ ਅਤੇ ਡੈਨਮਾਰਕ ਵਾਤਾਵਰਣ ਦੇ ਖੇਤਰ ਵਿੱਚ ਗ੍ਰੀਨ ਰਣਨੀਤਕ ਭਾਈਵਾਲੀ (ਜੀਐੱਸਪੀ) ਨੂੰ ਹੋਰ ਮਜ਼ਬੂਤ ਕਰਨਗੇ
Posted On:
09 SEP 2021 7:33PM by PIB Chandigarh
ਕੇਂਦਰੀ ਵਾਤਾਵਰਣ, ਵਣ ਅਤੇ ਜਲਵਾਯੂ ਪਰਿਵਰਤਨ ਮੰਤਰੀ ਸ਼੍ਰੀ ਭੁਪੇਂਦਰ ਯਾਦਵ ਨੇ ਡੈਨਮਾਰਕ ਦੇ ਜਲਵਾਯੂ, ਊਰਜਾ ਅਤੇ ਉਪਯੋਗਤਾਵਾਂ ਬਾਰੇ ਮੰਤਰੀ ਡੈਨ ਜੋਰਗੇਨਸੇਨ ਨਾਲ ਵਾਤਾਵਰਣ ਅਤੇ ਵਣ ਪਰਿਵਰਤਨ ਦੇ ਖੇਤਰਾਂ ਵਿੱਚ ਭਾਰਤ ਅਤੇ ਡੈਨਮਾਰਕ ਦਰਮਿਆਨ ਦੁਵੱਲੇ ਸਹਿਯੋਗ 'ਤੇ ਚਰਚਾ ਕਰਨ ਲਈ ਇੱਕ ਬੈਠਕ ਕੀਤੀ। ਡੈਨ ਜੋਰਗੇਨਸੇਨ ਇੱਕ ਕਾਰੋਬਾਰੀ ਵਫਦ ਦੇ ਨਾਲ ਪੰਜ ਦਿਨਾਂ ਦੀ ਭਾਰਤ ਯਾਤਰਾ 'ਤੇ ਹਨ।
ਮੀਟਿੰਗ ਵਿੱਚ, ਸ਼੍ਰੀ ਭੁਪੇਂਦਰ ਯਾਦਵ ਨੇ ਦੋਵਾਂ ਦੇਸ਼ਾਂ ਵਿੱਚ ਇਤਿਹਾਸਕ ਅਤੇ ਦੋਸਤਾਨਾ ਸਬੰਧਾਂ ਨੂੰ ਸਵੀਕਾਰ ਕੀਤਾ ਅਤੇ ਭਾਰਤ ਵਿੱਚ 'ਚਿੱਟੀ ਕ੍ਰਾਂਤੀ' ਵਿੱਚ ਡੈਨਮਾਰਕ ਦੇ ਯੋਗਦਾਨ ਨੂੰ ਉਜਾਗਰ ਕੀਤਾ, ਜਿਸ ਦੇ ਕਾਰਨ ਅੱਜ ਭਾਰਤ ਵਿਸ਼ਵ ਵਿੱਚ ਦੁੱਧ ਦਾ ਸਭ ਤੋਂ ਵੱਡਾ ਉਤਪਾਦਕ ਹੈ।
ਸ੍ਰੀ ਯਾਦਵ ਨੇ ਤਾਮਿਲਨਾਡੂ ਵਿੱਚ ਸਵੱਛ ਅਤੇ ਪੌਣ ਊਰਜਾ ਕੇਂਦਰ ਦੀ ਸਥਾਪਨਾ ਵਿੱਚ ਡੈਨਮਾਰਕ ਦੇ ਯੋਗਦਾਨ ਅਤੇ ਡੈਨਮਾਰਕ ਦੀਆਂ ਕੰਪਨੀਆਂ ਦੀ ਵੀ ਸ਼ਲਾਘਾ ਕੀਤੀ, ਜਿਨ੍ਹਾਂ ਨੇ ਵਿਭਿੰਨ ਖੇਤਰਾਂ ਵਿੱਚ ਭਾਰਤ ਵਿੱਚ ਮਹੱਤਵਪੂਰਨ ਨਿਵੇਸ਼ ਕੀਤਾ ਹੈ।
ਦੋਵਾਂ ਮੰਤਰੀਆਂ ਨੇ ਗ੍ਰੀਨ ਰਣਨੀਤਕ ਭਾਈਵਾਲੀ (ਜੀਐੱਸਪੀ) ਅਤੇ ਆਗਾਮੀ ਸੀਓਪੀ 26 ਮੀਟਿੰਗ ਬਾਰੇ ਵਿਚਾਰ ਵਟਾਂਦਰਾ ਕੀਤਾ।
ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ ਆਈਪੀਸੀਸੀ ਫਿਜ਼ੀਕਲ ਸਾਇੰਸ ਸਮਰੀ ਫਾਰ ਪਾਲਿਸੀ ਮੇਕਰਸ (ਐੱਸਪੀਐੱਮ) ਦੇ ਨਤੀਜਿਆਂ ਨੂੰ ਦੁਹਰਾਉਂਦੇ ਹੋਏ, ਸ਼੍ਰੀ ਯਾਦਵ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਦੁਨੀਆ ਨੂੰ ਵਿਸਰੇ ਹੋਏ ਵਾਕੰਸ਼ 'ਇਕੁਇਟੀ, ਸੀਬੀਡੀਆਰ-ਆਰਸੀ, ਅਤੇ ਰਾਸ਼ਟਰੀ ਹਾਲਾਤ' ਬਾਰੇ ਯਾਦ ਕਰਨਾ ਚਾਹੀਦਾ ਹੈ, ਜੋ ਯੂਐੱਨਐੱਫਸੀਸੀਸੀ ਅਤੇ ਇਸਦੇ ਪੈਰਿਸ ਸਮਝੌਤਾ ਦੇ ਅਧਾਰ ਹਨ ਅਤੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਗਿਆ ਕਿ ਸੀਓਪੀ 26 ਨੂੰ ਏਜੰਡੇ ਦੇ ਸਾਰੇ ਪਹਿਲੂਆਂ ਜਿਵੇਂ ਕਿ ਅਨੁਕੂਲਤਾ, ਵਿੱਤ, ਪ੍ਰਤੀਕਿਰਿਆ ਉਪਾਅ, ਆਦਿ ਦੇ ਬਰਾਬਰ ਦਾ ਸੰਤੁਲਿਤ ਨਤੀਜਾ ਯਕੀਨੀ ਬਣਾਉਣਾ ਚਾਹੀਦਾ ਹੈ।
ਵਾਤਾਵਰਣ ਮੰਤਰੀ ਨੇ ਵਾਤਾਵਰਣ ਖੇਤਰ ਵਿੱਚ ਗ੍ਰੀਨ ਰਣਨੀਤਕ ਭਾਈਵਾਲੀ (ਜੀਐੱਸਪੀ) ਨੂੰ ਅੱਗੇ ਲਿਜਾਣ ਲਈ ਸੰਯੁਕਤ ਕਾਰਜ ਯੋਜਨਾ 'ਤੇ ਵੀ ਚਰਚਾ ਕੀਤੀ। ਸ੍ਰੀ ਯਾਦਵ ਨੇ ਕਿਹਾ ਕਿ ਭਾਰਤ ਅਤੇ ਡੈਨਮਾਰਕ ਦੁਵੱਲੇ ਸਹਿਯੋਗ ਨੂੰ ਮਜ਼ਬੂਤ ਕਰਨ, ਖਾਸ ਕਰਕੇ ਜਲਵਾਯੂ ਪਰਿਵਰਤਨ, ਸਵੱਛ ,ਊਰਜਾ, ਸਰਕੂਲਰ ਅਰਥ ਵਿਵਸਥਾ ਅਤੇ ਸਰੋਤ ਕੁਸ਼ਲਤਾ ਆਦਿ ਬਾਰੇ ਖੋਜ ਕਰ ਸਕਦੇ ਹਨ।
ਦੋਵੇਂ ਧਿਰਾਂ ਵਾਤਾਵਰਣ 'ਤੇ ਦੁਵੱਲੇ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਅਤੇ ਜੀਐੱਸਪੀ ਅਤੇ ਸੀਓਪੀ 26' ਤੇ ਚਰਚਾ ਨੂੰ ਅੱਗੇ ਵਧਾਉਣ ਲਈ ਸਹਿਮਤ ਹੋਈਆਂ।
************
ਵੀਆਰਆਰਕੇ/ਜੀਕੇ
(Release ID: 1753685)
Visitor Counter : 143