ਇਲੈਕਟ੍ਰੋਨਿਕ ਰਿਕਾਰਡਸ ਦੀ ਪ੍ਰਮਾਣਿਕਤਾ ਦੀ ਪ੍ਰਕਿਰਿਆ ਨੂੰ ਮਨੁੱਖ ਰਹਿਤ ਮੁਲਾਂਕਣ ਕਾਰਵਾਈਆਂ ਲਈ ਸੌਖਾ ਬਣਾਉਣ ਲਈ ਸਰਕਾਰ ਨੇ ਮਿਤੀ 06 ਸਤੰਬਰ 2021 ਨੂੰ ਵਾਈਡ ਨੋਟੀਫਿਕੇਸ਼ਨ ਨੰਬਰ ਜੀ ਐੱਸ ਆਰ 616 (ਈ) ਰਾਹੀਂ ਆਮਦਨਕਰ ਨਿਯਮ 1962 ("ਦ ਨਿਯਮ") ਨੂੰ ਸੋਧਿਆ ਹੈ । ਸੋਧੇ ਗਏ ਨਿਯਮਾਂ ਵਿੱਚ ਆਮਦਨਕਰ ਵਿਭਾਗ ਦੇ ਪੋਰਟਲ ਤੇ ਕਰਦਾਤਾਵਾਂ ਵੱਲੋਂ ਪੰਜੀਕ੍ਰਿਤ ਖਾਤਿਆਂ ਦੁਆਰਾ ਦਾਇਰ ਕੀਤੇ ਇਲੈਕਟ੍ਰੋਨਿਕ ਰਿਡਾਰਡਸ ਨੂੰ ਕਰਦਾਤਾ ਦੁਆਰਾ ਇਲੈਕਟ੍ਰੋਨਿਕ ਪ੍ਰਮਾਣਿਕਤਾ ਕੋਡ (ਈ ਵੀ ਸੀ) ਦੁਆਰਾ ਪ੍ਰਮਾਣਿਤ ਸਮਝਿਆ ਜਾਵੇਗਾ । ਇਸ ਲਈ ਜਦੋਂ ਇੱਕ ਵਿਅਕਤੀ ਆਮਦਨਕਰ ਵਿਭਾਗ ਦੇ ਨਿਰਧਾਰਿਤ ਪੋਰਟਲ ਵਿੱਚ ਪੰਜੀਕ੍ਰਿਤ ਖਾਤੇ ਵਿੱਚ ਲਾਗ ਇਨ ਦੁਆਰਾ ਇਲੈਕਟ੍ਰੋਨਿਕ ਰਿਕਾਰਡ ਦਾਇਰ ਕਰਦਾ ਹੈ ਤਾਂ ਇਸ ਨੂੰ ਆਮਦਨਕਰ ਐਕਟ 1961 ("ਦ ਐਕਟ") ਦੇ ਸੈਕਸ਼ਨ 144 ਬੀ(7) (ਆਈ) (ਬੀ) ਦੇ ਉਦੇਸ਼ਾਂ ਲਈ ਈ ਵੀ ਸੀ ਦੁਆਰਾ ਪ੍ਰਮਾਣਿਤ ਇਲੈਕਟ੍ਰੋਨਿਕ ਰਿਕਾਰਡ ਸਮਝਿਆ ਜਾਵੇਗਾ ।
ਹਾਲਾਂਕਿ ਐਕਟ ਦੀਆਂ ਮੌਜੂਦਾ ਵਿਵਸਥਾਵਾਂ ਦੇ ਸੈਕਸ਼ਨ 144 ਬੀ (7) (ਆਈ) (ਬੀ) ਤਹਿਤ ਈ ਵੀ ਸੀ ਦੁਆਰਾ ਪ੍ਰਮਾਣਿਤ ਇਹ ਸੁਖਾਲੀ ਪ੍ਰਕਿਰਿਆ ਕੁਝ ਵਿਅਕਤੀਆਂ (ਜਿਵੇਂ ਕੰਪਨੀਆਂ , ਟੈਕਸ ਆਡਿਟ ਕੇਸਾਂ , ਆਦਿ) ਲਈ ਉਪਲਬੱਧ ਨਹੀਂ ਹੈ ਅਤੇ ਉਹਨਾਂ ਨੂੰ ਡਿਜੀਟਲ ਦਸਤਖ਼ਤ ਦੁਆਰਾ ਇਲੈਕਟ੍ਰੋਨਿਕ ਰਿਕਾਰਡ ਨੂੰ ਪ੍ਰਮਾਣਿਤ ਕਰਨ ਦੀ ਲੋੜ ਲਾਜ਼ਮੀ ਹੈ । ਇਹਨਾਂ ਵਿਅਕਤੀਆਂ ਨੂੰ ਈ ਵੀ ਸੀ ਦੁਆਰਾ ਪ੍ਰਮਾਣਿਤ ਸੁਖਾਲੀ ਪ੍ਰਕਿਰਿਆ ਦਾ ਫਾਇਦਾ ਮੁਹੱਈਆ ਕਰਨ ਲਈ ਇਹ ਫੈਸਲਾ ਕੀਤਾ ਗਿਆ ਹੈ ਕਿ ਇਹਨਾਂ ਵਿਅਕਤੀਆਂ ਤੱਕ ਵੀ ਈ ਵੀ ਸੀ ਦੁਆਰਾ ਪ੍ਰਮਾਣਿਤ ਸੁਖਾਲੀ ਪ੍ਰਕਿਰਿਆ ਪਹੁੰਚਾਈ ਜਾਵੇਗੀ । ਇਸ ਲਈ ਵਿਅਕਤੀ ਜਿਹਨਾਂ ਨੂੰ ਡਿਜੀਟਲ ਦਸਤਖ਼ਤ ਦੁਆਰਾ ਇਲੈਕਟ੍ਰੋਨਿਕ ਰਿਕਾਰਡ ਨੂੰ ਪ੍ਰਮਾਣਿਤ ਕਰਨ ਲਈ ਲਾਜ਼ਮੀ ਲੋੜ ਹੈ ,  ਉਹਨਾਂ ਦੇ ਇਲੈਕਟ੍ਰੋਨਿਕ ਰਿਕਾਰਡ ਨੂੰ ਵੀ ਪ੍ਰਮਾਣਿਤ ਸਮਝਿਆ ਜਾਵੇਗਾ । ਜਦ ਉਹ ਇਹ ਰਿਕਾਰਡ ਆਮਦਨਕਰ ਵਿਭਾਗ ਦੇ ਪੋਰਟਲ ਤੇ ਪੰਜੀਕ੍ਰਿਤ ਖਾਤੇ ਦੁਆਰਾ ਰਿਕਾਰਡ ਦਾਇਰ ਕਰਦੇ ਹਨ । ਇਸ ਸੰਬੰਧ ਵਿੱਚ ਕਾਨੂੰਨੀ ਸੋਧਾਂ ਆਉਣ ਵਾਲੇ ਸਮੇਂ ਵਿੱਚ ਕੀਤੀਆਂ ਜਾਣਗੀਆਂ ।
 

*****************

ਆਰ ਐੱਮ / ਕੇ ਐੱਮ ਐੱਨ