সিবিল এভিএসনগী মন্ত্রী, শ্রী জ্যোতির্অদিত্য এম. সিন্দিয়ানা মনিপুর অমসুং হরিয়ানাগী মুখ্য মন্ত্রীশিং, অন্দমান অমসুং নিকোবর ইথৎশিং অমসুং জম্মু কশ্মির, য়ুনিয়ন তেরিতোরীশিং অসিগী লেফতনেন্ত গভর্নরশিং অমসুং দদ্রা অমসুং নগর হবেলি, য়ুনিয়ন তেরিতোরী অসিগী এদমিনিস্ত্রেতরদা রিজনেল কনেক্তিবিতী স্কীম (আর.সি.এস.) – উরান (উরে দেশ কা আম নগ্রিক)কী মখাদা লৈরিবা এভিএসনগী ইনফ্রাস্ত্রকচর চাউথোকহনবদা হকথেংননা থবক পাউখৎনবগীদমক চিথি ইদু থাখ্রে। আর.সি.এস. – উরান স্কীম ইং কুমজা ২০১৬দা সিবিল এভিজেসন মন্ত্রালয়না মীয়ামদা অহোংবা মমলদা এয়র ত্রেবেল তৌবা ঙম্নবা লৈবাক অসিগী অনসর্ব অমসুং অন্দরসর্ব এয়রপোর্তশিং অসিদগী রিজনেল এয়র কনেক্তিবিতী হেনগৎহন্নবা হৌদোকখি।

মনিপুরগী মুখ্য মন্ত্রী শ্রী এন. বিরেন সিংহদা শ্রী সিন্দিয়ানা ইখিবা চিথি অদুদা এয়রপোর্তস ওথোরিতী ওফ ইন্দিয়ানা উরান স্কীমগী মখাদা এন.ই.আর.দা লৈরিবা তোঙান-তোঙানবা লমথুংফমশিং ফাওননবগীদমক জিরিবাম, তামেলোং, মোরে, পর্বুং অমসুং থালোনদা হেলিপোর্তশিং এৱার্দ তৌখ্রে হায়না পনখি। হেলিপোর্তশিং অসি রাজ্য সরকারনা শেমগৎচগদবনি। মহাক্না মখা তারদুনা হায় মন্ত্রালয়না রাজ্য সরকারদা রিইমবর্সমেন্তগী মওংদা হেলিপোর্তশিং অপগ্রেদ তৌনবা/শেমগৎনবগীদমক্তা জিরিবামগীদমক লুপা করোর ১৫, মোরেগীদমক লুপা করো ৮. পর্বুংগীদমক লুপা করোর ৮.৫, তামেলোংগীদমক লুপা করোর ৮ অমসুং থালোনগীদমক লুপা করোর ১৩.৫ পীথরগনি।

মসিগা মান্ননা, শ্রী সিন্দিয়ানা হরিয়ানাগী মুখ্য মন্ত্রী শ্রী মনোহর লালদা ইখিবা চিথিদা উরানগী মখাদা তোঙান-তোঙানবা লমথুংফমশিং ফাওননবগীদমক্তা হিস্সর অমসুং অম্বালা এয়রপোর্তশিং এৱার্দ তৌখ্রে হায়না খঙহনখি। সিবিল এভিএসন মন্ত্রালয়না রাজ্য সরকারদা রিইমবর্সমেন্তগী মওংদা  ইনফ্রাস্ত্রকচর অপগ্রেদ তৌনবগীদমক্তা হিস্সর এয়রপোর্তকীদমক লুপা করোর ৩৩ অমসুং এম্বালা এয়রপোর্তকীদমক লুপা করোর ৪০ পীথখ্রে। রাজ্য সরকারদা মরু ওইবা মীৎয়েং চংদুনা রনৱে পাকথোকপা অমসুং অতৈ এয়রপোর্তকা মরী লৈনবা থবক-থৌরমশিংগী থবক পাইখৎনবা হায়জরদুনা শ্রী সিন্দিয়ানা হায়খি, আর.সি.এস – উরানগী মখাদা শেমগৎকদৌরিবা হিস্সরগী অনৌবা পোতেন্সিএল রুৎশিং অসি এয়রপোর্ত অপগ্রেদ তৌরবা মতুংদা হৌরবা য়াই।

অন্দমান অমসুং নিকোবর ইথৎশিংগী লেফতনেন্ত গভর্নর এদমিরেল দি কে জোশি (থবক্তগী পোত্থরবা)দা চিথি ইরদুনা শ্রী সিন্দিয়ানা মখাদা পীরিবা ৱাফমশিং অসিদা মহাক্কী পুক্নীং চীংশিনখি:

• আর.সি.এস – উরানগী মখাদা ৱাতর এরোদ্রোমশিং শেমগৎপা: ভারত সরকারগী সিপ্পিং মন্ত্রালয়গী মখাদা লৈরিবা এজেন্সী অমা ওইরিবা অন্দমান এন্দ লক্ষদীপ হর্বর ৱর্কস (এ.এল.ঐচ.দবল্যু.)তা স্বরাজ দীপ, শাহীদ দীপ অমসুং লোং আইলেন্দদা ৱাতর এরোদ্রোমশিং শানবা প্রপোজ তৌখিবা ইনফ্রাস্ত্রকচরগী থবকশিং অসি হৌনবা থৌদাং খুৎশিন্নখ্রে। অকক্নবা মতমদা লোইশিনগদবা প্রোজেক্ত অমা ওইবনা উরানগী মখাদা এ অমসুং এন ইথৎশিংদা সীপ্লেন সর্ভিসশিং মতম চানা হৌহন্নবা মথৌ তাবা অয়াবা পীবগী থৌওং অসি খোঙজেল য়াংশিনবা তাই।

• পোর্ত ব্লেয়রদা ৱাতর এরোদ্রোম শেমগৎপা: খনগৎলবা এয়রলাইন ‘স্পাইসজেত’না পোর্ত ব্লেয়র – স্বরাজ দীপ, পোর্ত ব্লেয়র –শাহীদ দীপ অমসুং পোর্ত ব্লেয়র – লোং আইলেন্দগী মরক্তা অয়াবা পীখ্রবা রুৎশিংদা নন-এমফিবিয়স সীপ্লেন ওপরেৎ তৌগনি। মসিনা মরম ওইরগা পোর্ত ব্লেয়রদসু ৱাতর এরোদ্রোমগী খুদোংচাবা লৈনবা শেমগৎপা মথৌ তারি। য়ু.তি. এদমিনিস্ত্রেসনদা অথুবদা পোর্ত ব্লেয়রদা অনৌবা মফম খঙদোক্নবা অমসুং হায়রিবা অদু মথৌ তাবা প্রিফিসিবিলিতী সর্ভে পাঙথোক্নবা খঙহনখ্রে।
• পোর্ত ব্লেয়রদা ইন্তরনেস্নেল এয়র কনেক্তিবিতী লৈহনবা: তুরিজমগী অচৌবা পোতেন্সিএলগা লোইননা এ এন্দ এন ইথৎশিং অসি সিঙ্গাপুর, মলেসিয়া, থাইলেন্দ, ম্যান্মার অমসুং ইন্দোনেসিয়া অসিগুম্বা এসিয়ন লৈবাকশিংগা খুদোংচাগদবা মওংদা নকনা লৈ। পোর্ত ব্লেয়রদা লৈরিবা ভি.এস.আই. এয়রপোর্ত অসি হান্নদগী চৎনবা য়াবা ত্রেবেল দোক্যুমেন্তশিং (ই-বিজা য়াওনা) য়াওবা ক্লাস পুম্নমক্কী পেসেঞ্জরশিংনা ভারত্তা চংলক্নবগী পোর্ত অমা ওইনা মথৌ তৌহনখি। মখা তানা ভারত সরকারবা ইথৎশিং অসিদা লাকপা ফোরেন বিজিতরশিংগীদমক রেস্ত্রিক্তেদ এরিয়া পর্মিত (আর.এ.পি.)দা কোমথোকখ্রে।

শ্রী সিন্দিয়ানা হায়খি এয়রলাইনশিংনা ইন্তরনেস্নেল ফ্লাইৎশিং পাইবা য়ানবা. এ অমসুং এন্দ এদমিনিস্ত্রেসন্না এ.তি.এফ.তা ১০%দগী ০% ফাওবগী ভি.এ.তি.সু কোমথোকখ্রে। মসিগা মান্ননা ঙাকশেল মন্ত্রালয়না ইন্তরনেস্নেল ফ্লাইৎশিংগীদমক চহি অহুমগী মতমগী ওইনা পোর্ত ব্লেয়র এয়রপোর্ত্তা লেন্দিং চার্জশিংসু লৌররোই। হীরম অসিদা সিবিল এভিএসন মন্ত্রালয় (এম.ও.সি.এ.)না পোর্ত ব্লেয়রদগী ইন্তরনেস্নেল ওপরেসনশিং তৌনবগী মতাংদা ভারতকী কেরিয়রশিংগা লোইননা খন্ন-নৈনখ্রে। এয়রলাইনশিংনা ভি.জি.এফ. সপ্পোর্তকা লোইননা ইন্তরনেস্নেল উরান ওপরেসনশিং চত্থবদা মখোয়না অয়াবা পীখ্রে।

মহাক্না মখা তারদুনা হায়খি মদুদি করিগুম্বা য়ু.তি. এদমিনিস্ত্রেসন্না মসি মতিক চারে হায়না খনবা তারবদি, সিঙ্গাপু, কুলা লম্পুর, বেঙ্কোক অসিনচিংবা ইন্তরনেস্নেল দেস্তিনেসনশিংদা পোর্ত ব্লেয়রদগী ইন্তরনেস্নেল উরান স্কীমশিং ওপরেসনশিং তৌনবগী ভি.জি.এফ. সপ্পোর্ত ১০০% পীনবগী অয়াবা মখোয়না পীরকপা য়াগনি। ভি.জি.এফ. সপ্পোর্ত ১০০%গী অয়াবা য়ু.তি.এদমিনিস্ত্রসনদগী ফংবদা, উরান ইন্তরনেস্নেল তেম্প্লেতকী প্রবিজনশিংগী মতুং ইন্না এয়রলাইনশিংনা বিদ্দিং তৌনবা রুৎশিং ওফর তৌগনি।

য়ুনিয়ন তেরিতোরী ওইরিবা জম্মু কশ্মিরগী লেফতনেন্ত গভর্নর, লেফতনেন্ত গভর্নর শ্রী মনোজ সিনহাদা চিথি ইরাদুনা শ্রী সিন্দিয়ানা হায়খি উরান – ৪.১গী মখাদা বিদ্দিংগী অখন্নবা রাউন্দদা এয়রপোর্তস ওথোরিতী ওফ ইন্দিয়া (এ.এ.আই.)না ‘কার্গিল-জম্মু-কার্গিল’ অমসুং ‘কার্গিল-স্রীনগর-কার্গিল’গী রুৎশিং হন্দক্তা ওফর তৌখি। অদুমোইনমক, ওফর তৌখিবা রুৎশিং অসিগীদমক বিদ অমত্তা লাকখিদে। সিবিল এভিএসন মন্ত্রালয়না মতম মতমগী ওইনা এয়রলাইনশিং অমসুং এয়রপোর্ত ওপরেতরশিংগুম্বা স্তেকহোল্দরশিংগা লোইননা চুংশিন্নদুনা অনসর্ব রিজনশিংদা এয়র কনেক্তিবিতী হেনগৎহন্নবা মখা তানা হোৎনখিগনি।

স্রীনগরদগী ইন্তরনেস্নেল ওপরেসনশিং হৌনবগীদমক্তা ভারতকী কেরিয়রশিংগা লোইননা সিবিল এভিজেসন মন্ত্রালয়না খন্ন-নৈনবা পাঙথোকখ্রে হায়না শ্রী জ্যোতির্অদিত্য এম. সিন্দিয়ানা মখা তানা ফোঙদোকখ্রে। ভাইএবিলিতী গেপ ফন্দিং (ভি.জি.এফ.) সপ্পোর্তকা লোইননা ইন্তরনেস্নেল উরান ওপরেসনশিং চত্থনবা এয়রলাইনশিংনা য়ানিংবা উৎলকখি।

মহাক্না মখা তারদুনা হায়খি মদুদি করিগুম্বা য়ু.তি. এদমিনিস্ত্রেসন্না মসি মতিক চারে হায়না খনবা তারবদি, স্রীনগরদগৌ দম্মাম, শার্জহ অমসুং মুস্কৎকী ইন্তরনেস্নেল উরান স্কীমশিং ওপরেসনশিং তৌনবগী ভি.জি.এফ. সপ্পোর্ত পীনবগী অয়াবা মখোয়না পীরকপা য়াগনি। ভি.জি.এফ. সপ্পোর্তকী অয়াবা য়ু.তি. এদমিনিস্ত্রসনদগী ফংবদা স্কীমগী দোক্যুমেন্তদা য়াওরিবা প্রোবিজনশিংগী মতুং ইন্না মথংগী রাউন্দ মনুংদা এয়রলাইনশিংগী বিদ্দিং তৌনবা ওফর তৌগনি। স্রীনগরগা ফাওনগদৌরিবা ইন্তরনেস্নেল রুৎশিংগীদমক লেগ অমদা মথৌ তাবা সবসিদী মখাদা পীরি:-

• স্রীনগরদগী দম্মাম: লুপা ৫,০০,৬২৪/-
• স্রীনগরদগী শার্জহ: লুপা ৪,৩৮,৮৩৬/-
• স্রীনগরদগী মুস্কৎ: লুপা ৪,১৬,২৭২/-

য়ুনিয়ন তেরিতোরী, দদ্রা অমসুং নগর হবেলিগী এদমিনিস্ত্রেতর শ্রী প্রফুল কে পতেলদা চিথি ইরদুনা, শ্রী সিন্দিয়ানা হায়খি উরান – ৪.১গী মখাদা বিদ্দিংগী অখন্নবা রাউন্দদা এয়রপোর্তস ওথোরিতী ওফ ইন্দিয়া (এ.এ.আই.)না ‘দামন-দিয়ু-দামন’ অমসুং ‘দামন-অহমদাবাদ-দামন’গী রুৎশিং হন্দক্তা ওফর তৌখি। ফংখিবা বিদশিং অসি ইভাল্যুএসনগী এদভান্স স্তেজতা লৈরে অমসুং অথুবদা অরোইবা ৱারেপ লৌরগনি। দামন এয়পর্ত অসি ইন্দিয়ন কোস্ত গার্দকীনি অমসুং য়ু.তি. এদমিনিস্ত্রেসন্না মফম অদুদা সিবিল এনক্লেব অমা শারি। মন্ত্রালয়না য়ু.তি.এদমিনিস্ত্রেসন্দা রিইমবর্সমেন্তগী মওংদা দামন এয়রপোর্ত অপগ্রেদেসন তৌনবা লুপা করোর ৫৮ পীথখি। দামনদা সিবিল এনক্লেব শান্নবগীদমক্তা মরু ওইবা মীৎয়েং থমদুনা থবক পাইখৎনবা শ্রী প্রফুল কে পতেলনা হকথেংননা য়াওশিনবা হায়জরদুনা শ্রী সিন্দিয়ানা দদ্রা অমসুং নগর হবেলি অমদি দামন অমসুং দিয়ুদা সিবিল এভিএসন ইনফ্রাস্ত্রকচর মপাঙ্গল কনখৎহন্নবা মহাক্না হোৎনরি হায়না ফোঙদোকখি।

*****

(Release ID: 1751334) Visitor Counter : 169