চহি মঙাগী ২০২১-২২দগী ২০২৫-২৬ ফাওবগী ওইনা ইশিং অমসুং সেনিতেসনগীদমক রুরেল লোকেল বোদীশিং(আর.এল.বি.শিং)/পঞ্চায়তশিংদা লুপা কোতি ১,৪২,০৮৪ থাদনবগী তাইদ গ্রান্ত অদু ১৫শুবা ফাইনান্স কম্মিসন্না অয়াবাতৌখ্রে৷ মসিনা হায়রিবা সর্ভিসশিং অসি খুঙ্গংশিংদা ফংহনবদা, পব্লিক হেল্থদা অমসুং খুঙ্গংগী লমদমশিংদা লৈরিবা পুন্সিগী ক্বালিতী ফগৎহনবদা অচৌবা শাফু অমা পীরগনি৷ ১৫শুবা ফাইনান্স কম্মিসনগী তাইদ গ্রান্তশিংনা গ্রাম প়ঞ্চায়তশিংদা অহেনবা ফন্দশিং থাদদুনা মখোয়গী ইশিংগী সপ্লাই অমসুং সেনিতেসনগা মরী লৈনবা প্লানশিং অসি চৎনহল্লগনি অমসুং গ্রাম পঞ্চায়তশিংনা ‘সর্ভিস দেলিভরীদা’ মীৎয়েং চংদুনা লোকেল ‘পব্লিক য়ুতিলিতীশিং’ ওইনা মথৌ তৌবা য়াগনি৷ মসি ভারতকী কন্সতিত্যুসনগী ৭৩শুবা এমেন্দমেন্ত অসিগা মরী লৈননা লোকেল সেল্ফ-গভর্মেন্ত অসিদা মপাঙ্গল লৈহন্নবগী অচৌবা খোঙথাং অমনি৷

২০২১-২২দগী ২০২৫-২৬কী মতম অসিগী মনুংদা আর.এল.বি.শিং/পি.আর.আই.শিংগীদমক ১৫শুবা ফাইনান্স কম্মিসন্না রিকম্মেন্দ তৌখ্রবা গ্রান্তশিং অসি রিলিজ তৌননবা অমসুং শিজিন্ননবগীদমক ভারত সরকারগী শেল-থুম মন্ত্রালয়গী এক্সপেন্দিচর দিপার্তমেন্তনা গাইদলাইনশিং ফোংখ্রে৷ ‘ইশিং অমসুং সেনিতেসনগীদমক ১৫শুবা এফ.সি. তাইদ গ্রান্ত’ অসিগীদমক রুরেল লোকেল বোদীশিংগী ইলিজিবিলিতী অসি খঙদোক্নবগীদমক ভারত সরকারগী জল শক্তি মন্ত্রালয়গী দ্রিঙ্কিং ৱাতর অমসুং সেনিতেসন দিপার্তমেন্তনা (দি.দি.দবল্যু.এস.)না নোদেল দিপার্তমেন্ত ওইনা মথৌ তৌরগনি অমসুং রাজ্য পুম্নমক্কী ওইনা শেল-থুম মন্ত্রালয়গী এক্সপেন্দিচর দিপার্তমেন্তদা ইশিং অমসুং সেনিতেসনগী তাইদ গ্রান্ত অদু রিলিজ তৌননবা  অয়াবা পীরগনি৷

আর.এল.বি.শিং/পি.আর.আই.শিংদা ওনৱার্দ ত্রান্সফর পীননবা অমসুং ইশিং অমসুং সেনিতেসন এক্তিবিতীশিংগীদমক রাজ্য ২৫দা তাইদ গ্রান্তগী অহানবা ইন্সতোলমেন্ত রিলিজ তৌননবগীদমক দ্রিঙ্কিং ৱাতর অমসুং সেনিতেসন দিপার্তমেন্তনা অয়াবা পীখ্রে৷ ভারত সরকারগী লুপা কোতি লিশিং ৫০গী বদজেৎতরী সপোর্তকা লোইননা, জল জীবন মিসনগীদমক রাজ্যগী সেয়র লুপা কোতি লিশিং ৩০ অমসুং ইশিং অমসুং সেনিতেসনগী ১৫শুবা তাইদ গ্রান্ত অসিগী মখাদা লুপা কোতি লিশিং ২৮ চহি অসি কাইথদুনা  লুপা কোতি লাখ অমা হেনবগী ফন্দ খুঙ্গংশিংদা পাইপকী ইশিং সপ্লাই তৌনবগী প্রোভিজন শেম্ননবগীদমক লৈরি৷ মসিনা খুঙ্গংগী শেন্মীৎলোনদা অচৌবা শাফু অমা পীরগনি৷

১৫শুবা ফাইনান্স কম্মিসন্না রিকম্মেন্দ তৌখিবগী মতুং ইন্না আর.এল.বি.শিং/পঞ্চায়তশিংনা মখোয় মখোয়গী মথৌশিং অসিদা মতেং পাংননবা অমসুং পাংথোকপা ঙমহন্নবা, রাজ্যগী ৱাতর অমসুং সেনিতেসন/ রুরেল ৱাতর সপ্লাই/ পব্লিক হেল্থ ইঞ্জিনিয়রিং দিপার্তমেন্তশিংনা হায়রিবা পঞ্চায়তশিং/আর.এল.বি.শিং অসিদা তেক্নিকেলগী ওইবা মতেং পাংলগনি৷ আর.এল.বি.শিং/পঞ্চায়তশিং অসিদা মতেং পাংননবা অমসুং থবক তৌবদা লাইথোকহন্নবা, জল শক্তি মন্ত্রালয়গী দ্রিঙ্কিং ৱাতর অমসুং সেনিতেসন দিপার্তমেন্তনা হায়রিবা ফন্দশিং অসি শিজিন্ননবগীদমক মেনুএল অমা শেমখ্রে অমসুং মদু রাজ্য সরকার পুম্নমক্তা ফংহনখ্রে৷ মেনুএল অসি বর্নেকুলর লোন্দা ওন্থোক্নবা মখোয়দা হায়জখ্রে অমসুং মদু খুঙ্গংগী পঞ্চায়ত খুদিংমক্তা ফংহনগদবনি৷ মসিগী ফন্দ অসি শিজিন্নদুনা তোতীগী ইশিং সপ্লাই অসি নিংথিনা তৌননবা অমসুং খুঙ্গংশিংদা লুবা নানবা হেনগৎনবা পঞ্চায়ত ফঙ্কসনেরীশিং অসি সেন্সিতিব ওইহন্নবা, ত্রেন তৌনবা অমসুং হেন্না শক্তি পীননবা অচৌবা দ্রাইব অমা পাংথোক্লগনি৷

২০২১-২২দগী ২০২৫-২৬ ফাওবগী মতম অসিগী ওইনা ১৫শুবা ফাইনান্স কম্মিসন্না লুপা কোতি ২,৩৬,৮০৫গী শেনফম আর.এল.বি.শিং/পি.আর.আই.শিং অসিদা কাইথনবা অয়াবা পীখ্রে৷ ‘ইশিং সপ্লাই তৌবা অমসুং লুবা নান্না থম্বা’ অসিনা খুঙ্গংগী মফমশিংদা হিংলিবা প্রজা মীয়ামগী পুন্সিগী ক্বালিতী তাকপনা কম্মিসন্না নেস্নেল প্রাইওরিতী এরিয়াশিংনি হায়না খন্দোকখ্রে৷ এলোকেসন অদুগী ৬০%দি আর.এল.বি.শিং/পঞ্চায়তশিংদা থাদনবা রিকম্মেন্দ তৌখ্রে, হায়বদি এ) থক্নবা ইশিং সপ্লাই তৌননবা, নোংগী ইশিং য়োকশিন্নবা অমসুং ইশিং রিসাইক্লিং তৌননবা ; অমসুং বি)লুবা নানবা অমসুং ওপন-দিফিকেসন ফ্রী(ও.দি.এফ.) স্তেতস থম্ননবগীদমক লুপা কোতি ১,৪২,০৮৪ তাইদ গ্রান্ত ওইনা শিজিন্নরগনি৷ ইশিং সপ্লাই তৌবা অমসুং লুনা নান্না থম্নবগী থবকশিংগীদমক চহি-চহিগী ওইবা তাইদ গ্রান্তগী এলোকেসন অদু মখাদা পীরি:

(লুপা কোতিদা)

প্রধান মন্ত্রী শ্রী নরেন্দ্র মোদীগী মংলান অদু খঙহন্নবা হায়বদি  য়ুমথোং খুদিংমক্তা অফবা থকপা য়াবা তোতীগী ইশিং ফংহন্নবা অমসুং লুবা নানবা হেনগৎননবা, মসিগী য়াম্না মরু ওইবা সর্ভিস অনি অসি খুঙ্গংগী মফমশিংদা ফংহন্নবা কেন্দ্র সরকারনা রাজ্যশিং অসিদা খুৎশম্নদুনা হোৎনরি৷ চাং নাইবা অমসুং লোঙ্গ-তর্ম বেসিস্তা য়ুমথোংগী থাক্তা অফবা থকপা য়াবা ইশিং ক্বালিতী লৈনা অমসুং ক্বান্তিতী ৱাংনা ফংহনবা  অমসুং সেনিতেসন অমসুং হাইজিনগী ফিভম ফগৎহনবা অসিনা পব্লিক হেল্থ অমসুং প্রজাগী সোসিয়ো ইকোনোমিক্কী ফিভম হেন্না ফহল্লগনি৷

লুপা কোতি লাখ ৩.৬০গী আউতলে অমগা লোইননা খুঙ্গংগী য়ুমথোং খুদিংদা য়ুমথোং অমতা চিথদনা তোতীগী ইশিং ফংহন্নবগী প্রোভিজন শেম্ননবা ২০১৯দগী হৌদুনা রাজ্যশিং অসিদা খুৎশম্নদুনা জল জীবন মিসন (জে.জে.এম.) চৎনরি৷ ত্রান্সফোর্মেস্নেল মিসন অসিনা খুঙ্গংগী য়ুমথোং খুদিংদা অফবা ইশিং চাং নাইনা অমসুং লোঙ্গ তর্ম বেসিস্তা দেলিভরী চার্জ য়াম্না নেম্না ফংহল্লগনি অমসুং মসিনা খুঙ্গংশিংদা লৈরিবা প্রজা মীয়ামগী পুন্সিগী ক্বালিতী ফগৎহল্লগনি অমসুং য়াম্না লাইথোক্না হিংবা ঙমহল্লগনি৷

হৌখিবা চহি তরেৎ অসিদা, ঐখোয়গী খুঙ্গংশিং অসি ওপন দিফিকেসন ফ্রী(ও.দি.এফ.) ওইহন্নবা য়াম্না চাওনা হোৎনখ্রে অমসুং অচৌবা শেনফম থাদখ্রে, হায়রিবা থবকশিং অসিদা মতেং পাংননবা, লৈবাক অসিদা খুঙ্গংশিংগী ও.দি.এফ. স্তেতস ফংনবগী পান্দম অমদা স্বচ ভারত মিসন(এস.বি.এম.) ফেস-II চৎনরি৷ খুঙ্গংশিংগী ও.দি.এফ. স্তেতস ফংহনবা, প্লাস্তিক ফ্রী ওইবা খুঙ্গংশিং ওইহনবা,সোলিদ অমসুং লিক্বুইদ ৱেস্ত মেনেজমেন্তদা মীয়েং চংলি৷

হৌখিবা থা ২০ অসিদা, কোবিদ-১৯ লাইনা-লাইচৎকী মতম অসিদা পব্লিক হেল্থগী তঙাই ফদবা অদু পাক-শন্না মশক খঙনখ্রবনি৷ অসুম্না, ঐখোয়গী খুঙ্গংশিংদা লুবা নানবা হেনগৎননবা অমসুং অফবা থক্নবা ইশিংগী প্রোভিজন হাপ্পা অসি য়াম্না মরু ওই৷ ১৫শুবা এফ.সি. তাইদ গ্রান্ত অসিনা হায়রিবা সর্ভিসশিং অসিগী প্রোভিজন শেমদুনা, ইশিংদগী শন্দোকপা লাইনাশিং কন্ত্রোল তৌদুনা অমসুং পব্লিক হেল্থ হজার্দ ওইরিবা গ্রেহ ৱাতর অসি য়েংশিন্দুনা খুঙ্গংগী লমদমশিংদা চাওনা কান্নবা পীরগনি৷

ইশিং অমসুং সেনিতেসনগী তাইদ গ্রান্ত অসি নিংথিনা শিজিন্ননবগীদমক, রাজ্যশিংনা নোদেল দিপার্তমেন্তশিং অসি খন্দোকপা মথৌ তাই অমসুং ১৫শুবা ফাইনান্স কম্মিসনগী মতম অসিদা গাইদলাইনশিং অসিগী মতুং ইন্না সিস্তেম অসি মফম চানা লৈহল্লগনি৷ মখাতানা, তাইদ গ্রান্তগী তোঙান তোঙানবা এস্পেক্তশিং, মহাক্কী রিলিজ, অমসুং শিজিন্নবা, প্লানিং তৌবা অমসুং থবক পাংথোকপাস ওদিৎ অমসুং একাউন্তিংদা রুরেল লোকেল বোদীশিং/পঞ্চায়তি রাজ ইন্সতিত্যুসনশিংগী প্রজা মীয়ামগীদমক অচৌবা ত্রেনিং/ ওরিয়েন্তেসন প্রোগ্রাম শিল্লগনি৷ হিরম অসিগীদমক, দ্রিঙ্কিং ৱাতর অমসুং সেনিতেসন দিপার্তমেন্তগী নেস্নেল জল জীবন মিসন অসিনা কী রিসোর্স সেন্তরশিং(কে.আর.সি.শিং) ওইনা অমসুং লৈবাক অসিদা অফবা ইশিংগী সপ্লাই তৌননবা, লুনা নান্না থম্ননবগী আর.এল.বি.শিং/গ্রাম পঞ্চায়তশিংগী কেপাসিতী শেমগৎননবা অমসুং ত্রেনিং পীনবা মমিং লৈরবা ইন্সতিত্যুসন ৮৪ খনখ্রে৷

খুঙ্গংশিংদা শেম্লিবা সেনিতেসন ফেসিলিতীশিং অমসুং ইশিং সপ্লাই তৌবগী স্কিমশিং অসি লোঙ্গ তর্ম বেসিস্তা ওপরেস্নেল ওইবা য়াম্না মরু ওই অমসুং গ্রাম পঞ্চায়ত নত্রগা মহাক্কী সব-কম্মিতীসু হায়রিবা অদুমক থম্বা মথৌ তাই৷ কন্সতিত্যুসনগী ৭৩শুবা এমেন্দমেন্ত অসিগী মতুং ইন্না, পঞ্চায়তশিংগী য়াম্না মরু ওইবা মথৌশিংগী মনুংদা অমা ওইরি হায়না খন্নরিবা অসিগুম্বা য়াম্না মরু ওইবা সর্ভিস অনি অসি খুঙ্গংশিংদা পাংথোক্নবা গ্রাম পঞ্চায়তশিংদা শক্তি পীরি৷ গ্রাম পঞ্চায়তশিংনা গান্ধীজীগী ‘গ্রাম স্বরাজ’ অসিগা মরী লৈননা লোকেল সেল্ফ-গভর্নেন্স অসি অমুক হন্না খঙহন্নবা গ্রাম পঞ্চায়তশিংদা মসিগী তাইদ গ্রান্ত অসিনা অচৌবা খুদোংচাবা অমা পীখ্রে৷ মসিনা গ্রাসরূত লেবেলদা ‘রেস্পোন্সিবল অমসুং রেস্পোন্সিব লিদরশিপ’ শেমগৎপদা মতেং পাংলগনি৷ হৌখিবা ইন্দিপেন্দেন্স দেদা লৈবাক অসিদা প্রধান মন্ত্রী লাওথোকখিবা সরকারগী মোতো, হায়বদি ‘সবকা সাথ, সবকা বিকাস, সবকা বিস্বাস অমসুং সবকা প্রয়াস’ অসিগা লোইননা মসিগী এম্পৱার প্রোসেস অসি চৎলি৷

বত্তম-এপ্রোচ অসি ইন্দুনা, গ্রাম পঞ্চায়ত খুদিংমক্না/ মহাক্কী সব কম্মিতীনা, হায়বদি ভিলেজ ৱাতর অমসুং সেনিতেসন কম্মিতী(ভি.দবল্যু.এস.সি.)/পানি সমিতিনা ইনফ্রাস্ত্রকচর শেমগৎ-শাগৎপগী মহুৎতা সর্ভিস দেলিভরীদা মীৎয়েং চংদুনা চাং নাইবা অমসুং লোঙ্গ তর্ম বেসিস্তা খুঙ্গং মনুংদা ইশিংগী সপ্লাই অমসুং সেনিতেসন সর্ভিসশিং অসি প্লান তৌবা, এপ্রুব তৌবা, ইমপ্লিমেন্ত তৌবা অমসুং য়েংশিনবা ঙম্বা ‘লোকেল পব্লিক য়ুতিলিতী’ ওইনা মথৌ তৌরি হায়না থাজনরি৷

ইশিং সপ্লাই তৌবগী স্কিমশিং অসিদা গ্রাম পঞ্চায়তশিং নত্রগা মখোয়গী সব-কম্মিতীশিংনা ওপরেত তৌরি অমসুং নিথিনা য়েংশিল্লি৷ লোঙ্গ-তর্ম বেসিস্তা খুঙ্গংশিংদা সোলিদ অমসুং লিক্বুইদ ৱেস্ত মেনেজমেন্ত অমসুং ও.দি.এফ. সস্তেনেবিলিতী লৈহন্নবগীদমক সেনিতেসনদা শেল-থুমগী মতেং থাদরি৷মসিগীদমক, ১৫শুবা ফাইনান্স কম্মিসনগী মতম অসিগা লোইশিনমিন্ননবা  থক্নবা ইশিংগী সোর্সশিং ফগৎহন্নবগী, ইশিং সপ্লাই তৌবগী, গ্রে ৱাতর ত্রিতমেন্তগী অমসুং মহাক্কী রিয়ুজ, ওপরেসন অমসুং মেন্তিনেন্স, স্লোইদ অমসুং লিক্বুইদ ৱেস্ত মেনেজমেন্তগী মরু ওইবা মচাকশিং য়াওদুনা খুঙ্গং খুদিংমক্না চহি ৫গী ভিলেজ এক্সন প্লান অমা শেম্বা দরকার ওই৷ হায়রিবা ভিলেজ এক্সন প্লানশিং অসি গ্রাম পঞ্চায়ত দিবেলপমেন্ত প্লানশিংগী শরুক ওইগদবনি৷

লোঙ্গ তর্ম অমসুং চাং নাইবা মওং অমদা খুঙ্গংগী য়ুমথোংশিং, স্কুলশিং, অনগনৱাদি সেন্তরশিং, আশ্রমশলাস, পি.ঐচ.সি.শিং/সি.ঐচ.সি.শিং, কম্ম্যুনিতী সেন্তরশিং, মার্কেৎকী মফমশিং, শান্নবুংশিং অসিদা অফবা থকপা য়াবা ইশিং সপ্লাই তৌনবগী থৌদাং; গ্রে ৱাতর মেনেজমেন্ত; সোলিদ ৱেস্ত মেনেজমেন্ত; ওপন ফ্রী দিফিকেসন স্তেতস থম্বা অমসুং খুঙ্গংশিংদা লুবা নানবা হেনগৎহনবগী থৌদাং অদু আর.এল.বি.শিং/গ্রাম পঞ্চায়তশিংনা পুবা ঙমহন্নবা হোৎনবা অসিনা ইশিং অমসুং সেনিতেসনগী ১৫শুবা ফাইনান্স কম্মিসন তাইদ গ্রান্ত অদুগী মরু ওইবা ওবজেক্তিবনি৷ ঐখোয়না পাম্লিবা আউতকমশিং খুদম ওইনা ইশিংদগী শন্দোকপা লাইনা-লাইচৎকী চাং হন্থহনবা অমসুং হকশেল ফগৎহনবা, স্কুলশিংদগী মহৈ-তম্বা তোকপগী চাং হন্থহনবা, দ্রদজেরীগী চাং হন্থহনবগা লোইননা তেঞ্জিবল আউতপুতশিং ফংনবা হোৎনবদা ১৫শুবা এফ.সি. তাইদ গ্রান্ত অসিনা য়াওনা কান্নবা পীরগনি৷

*****

ইশিং অমসুং সেনিতেসনগীদমক আর.এল.বি.শিং/পি.আর.আই.শিংদা থাদরিবা তাইদ গ্রান্তগী স্তেত-ৱাইজ এলোকেসন

(২০২১-২২ দগী ২০২৫-২৬ ফাওবা)

(লুপা কোতিদা পীরি)

হেন্না কুপ্পা মরোলশিংগী মফম অসিদা নম্বিয়ু:

*****