প্রজা মীয়ামদা য়ুমফম ওইদুনা মীয়াম্না য়াম্না লাইনা চত্থোক-চশিন তৌবা য়ানবা সরকার অসিনা খোঙথাং কয়া অমা লৌখৎখ্রে৷ অসিগুম্বা খোঙথাংশিং অসিগী মনুংদা গারী রেজিস্ত্রেসন তৌনবগী লৈরিবা আই.তি. বেজ সোলুসনসু অমনি৷ অদুম ওইনমক, গারী রেজিস্ত্রেসন তৌবদা হেন্না মীৎয়েং চংনিংঙাই ওইরিবা খুদোং চাদবা অমা অদুদি গারী অমনা অতোপ্পা রাজ্য অমদা চৎপা মতমদা অমুক হন্না গারী অদু রেজিস্ত্রেসন তৌবা অসিনি৷

স্তেসন এলোকেসন তৌবা অসি সরকারগী অমসুং প্রাইভেৎ সেক্তর এমপ্লোইয়ীশিং অনিমক্তা থোকই৷ গারী অমনা মশাগী পেরেন্ত স্তেত্তগী অতোপ্পা স্তেত অমদা রেজিস্ত্রেসন ত্রান্সফর তৌনবা হোৎনবদা অসিগুম্বা এপ্লোইয়ীশিং অসিগী ৱাখলদা য়াম্না খুদোংচাদবা মাইয়োক্নহল্লি৷ ১৯৮৮ মোতোর ভেহিকল্স এক্তকী সেক্সন ৪৭কী মখাদা, মীওই অমনা গারী রেজিস্তর তৌরিবা রাজ্য অদু নত্তনা অতোপ্পা রাজ্যশিংদা থা ১২দগী হেন্না গারী অদু থম্বা য়াদে, অদুবু অনৌবা স্তেত-রেজিস্তরিং ওথোরিতী অদুনা অকক্নবা থা ১২গী মতম অসিগী মনুংদা অনৌবা রেজিস্ত্রেসন অমা শেমগদবনি৷

পেসেঞ্জর গারী শিজিন্নরিবা মীওই অমনা গারী অমা অমুক হন্না রেজিস্তর তৌবা মতমদা মখাগী খোঙথাংশিং অসি ইল্লি:

(i) অনৌবা রাজ্যদা অনৌবা রেজিস্ত্রেসন মার্ক অমা তৌবা মতমদা গারী অদুগী পেরেন্ত ওইরিবা রাজ্য অদুদগী ওবজেক্সন সর্তিফিকেৎ লৈরোইদবনি৷

(ii) অনৌবা রাজ্য অদুদা প্রোরতা বেসিস্তা লম্বীগী তেক্স থিরবা মতুংদা অনৌবা রেজিস্ত্রেসন মার্ক লৌগদবনি৷

(ii)গারী অদুগী পেরেন্ত ওইরিবা রাজ্য অদুদা প্রো রতা বেসিস্তা লম্বীগী তেক্স অদু রিফন্দ তৌননবা এপ্লিকেসন থাগদবনি৷

প্রো রতা বেসিস্তা পেরেন্ত ওইরিবা রাজ্য অদুদগী রিফন্দ তৌননবগী লৈরিবা প্রোভিজন অসি য়াম্না অরুবা প্রোসেস অমনি অমসুং রাজ্য অমগা রাজ্য অমগসু মান্নদে৷

গারীশিং য়াম্না লাইনা চত্থোক-চশিন তৌবা য়াননবগীদমক, রোদ ত্রান্সফোর্ত অমসুং হাইৱেজ মন্ত্রালয়না ২০২১গী ওগস্ত ২৬তা অনৌবা গারীশিং অসিগীদমক অনৌবা রেজিস্ত্রেসন মার্ক অমা “ভারত সেরিস (বি.ঐচ.-সেরিস)” হৌদোকখ্রে৷ মসিগী রেজিস্ত্রেসন মার্ক অসি য়াওবা গারী অমনা গারী অদুবু থৌরিবা মীওই অদুনা রাজ্য অমদগী অতোপ্পা রাজ্য অমদা চত্থোক-চশিন তৌবা মতমদা নৌবা রেজিস্ত্রেসন তৌবগী দরকার ওইররোই৷

ভারত সেরিজ(বি.ঐচ.-সেরিজ) রেজিস্ত্রেসন মার্ক্কী ফোর্মেত -

রেজিস্ত্রেসন মার্ক ফোর্মেত: -

ৱাই.ৱাই. বি.ঐচ. #### এক্স. এক্স

ৱাই.ৱাই. – ইয়র ওফ ফর্স্ত রেজিস্ত্রেসন

বি.ঐচ.- কোদ ফোর ভারত সেরিজ

####- ০০০০দগী ৯৯৯৯ (রেদমাইজ)

এক্স.এক্স- অল্ফাবেতশিং (এ.এ.দগী জেদ.জেদ ফাওবা)

“ভারত সেরিজকী মখাদা তৌরিবা মসিগী ভেহিকল রেজিস্ত্রেসন ফেসিলিতী অসি ভোলুন্তরী বেসিস্তা রাজ্যশিং/য়ুনিয়ন তেরিতোরী মরি নত্রগা হেনবদা মশাগী ওফিসশিং লৈজরিবা প্রাইভেৎ সেক্তর কম্পেনীশিং/ ওর্গনাইজেসনশিং, কেন্দ্র/রাজ্যগী পব্লিক সেক্তর আন্দরতেক্কিংশিং, কেন্দ্র সরকার/রাজ্য সরকারগী এমপ্লোইয়ীশিং, দিফেন্স পর্সোনেলদা ফংহল্লগনি৷

মোতোর ভেহিকল তেক্স অসি চহি অনিগী নত্রগা চহি অনিগী মল্তিপলদা লৌরগনি৷ মসিগী স্কিম অসিনা গারী অমনা লৈবাক অসিগী রাজ্য অমদগী অতোপ্পা রাজ্য অমদা য়াম্না লাইনা চত্থোক-চশিন তৌবা য়াহল্লগনি৷ চহি ১৪ মপুং ফারবা মতুংদা, গারী অদুনা মমাংগী মতমদা থিরমবা মোতোর ভেহিকল তেক্স অদুদগী তংখায় অমা তাথদুনা চহিগী ওইনা তেক্স থিরগনি৷

জি.এস.আর. ৫৯৪(ই) ২৬.০৮.২০২১ বি.ঐচ. সেরিস রেজিস্ত্রেসন মার্ক রুলশিং

******