ঙসি নিতি আয়োগ অমসুং দিবেলপমেন্ত ওফ নোর্থ ইস্তর্ন রিজন মন্ত্রালয়(এম/দোনর)না ২০২১-২২গী নোর্থ ইস্তর্ন রিজন (এন.ই.আর.) দিস্ত্রিক্ত এস.দি.জি. ইন্দেক্স রিপোর্ত অমসুং দাশবোর্দকী অহানবা ইদিসিন রিলিস তৌরক্তুনা সস্তেনেবল দিবেলপমেন্ত গোলশিং(এস.দি.জি.শিং) লোকেলাইজ তৌবগী মাইলস্তোন অমা ফংখ্রে৷ য়ু.এন.দি.পি.দগী তেক্নিকেল সপোর্ত ফংদুনা দোনর মন্ত্রালয় অমসুং নিতি আয়োগকী কোলাবোরেতিব ইফর্ত অমা ওইরিবা এন.ই.আর. দিস্ত্রিক্ত এস.দি.জি. ইন্দেক্স অমসুং দাশবোর্দ অসিনা লৈবাক অসিগী দিবেলপমেন্ত ত্রাজেক্তরীদা য়াম্না মরু ওইরিবা নোর্থ ইস্তর্ন রিজনদা মীৎয়েং থমখিবা লৈবাক অসিদা মসিনা মখল অদুগী ইহান হানবা ওই৷ রাজ্য নিপান অরুনাচল প্রদেশ, অসাম, মনিপুর,মেঘলয়, মিজোরাম, নাগালেন্দ, সিক্কিম অমসুং ত্রিপুরাগী জিলাশিংনা সস্তেনেবল দিবেলপমেন্ত গোলশিং অমসুং মখোয়গী মরী লৈনবা তার্গেৎশিংগী পর্ফোমেন্স অদু ইন্দেক্স অসিনা ওল্লি অমসুং মসিগী মতুং ইন্না জিলাশিং অসি মথং-মনাউ খায়দোকই৷ ইন্দেক্স অসি নেস্নেল অমসুং রাজ্য/যুনিয়ন তেরিতেরী লেবেলশিংদা লৈরিবা এস.দি.জি.শিংগী প্রোগ্রেস অদু য়েংশিন্ননবগী য়াম্না মরু ওইবা অমসুং ওফিসিয়েল তুল ওইরিবা নিতি আয়োগকী এস.দি.জি. ইন্দিয়া ইন্দেক্স অসিদা বেজ তৌই অমসুং মসিনা বেঞ্চমার্কিং পর্ফোমেন্সগী কম্মন ইথোস অদু সেয়র তৌই অমসুং জিলাশিংগী মরক্তা কম্পিতিসন লৈহন্নবা এস.দি.জি.শিংদা রেঙ্কিং পী৷

ইন্দেক্স অসিনা রিজন অদুগী সোসিএল, ইকোনোমিক অমসুং এনবাইরোনমেন্তেল স্তেতস অদু খঙহল্লি৷ মসিনা দিস্ত্রিক্ত লেবেল প্রোগ্রেস ওন্ননবা, ক্রিতিকেল গেপশিং খঙদোক্নবা অমসুং য়াম্না লাইনা রিসোর্স এলোকেসন তৌনবগী অচৌবা পোতেন্সিএল লৈরিবা অখন্নবা পোলিসী তুল অমা ওই অমসুং মসিনা অৱাং নোংপোক্কী রাজ্য নিপান, দোনর মন্ত্রালয় অমসুং অতোপ্পা কেন্দ্রগী মন্ত্রালয়শিংদা লৈরিবা পোলিসী মেকরশিংগীদমক য়াম্না খুদোংচাবা খুলাই অমা ওইরগনি৷

নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স এন্দ দেশবোর্দ: বোজলাইন রিপোর্ত ২০২১-২২, হায়না মমিং থোনবা রিপোর্ত অদু নিতি আয়োগকী সি.ই.ও. শ্রী অমিতাভ কান্ত; দোনর মন্ত্রালয়গী সেক্রেতরী দা. ইন্দর জিৎ সিংহ; য়ু.এন.দি.পি. রিসাইদেন্ত রিপ্রজেন্তেতিব(আই./সি.) শ্রীমতি নদিয়া রশীদ; অমসুং নিতি আয়োগকী এদভাইজর(এস.দি.জি.) শ্রীমতি সনয়ুক্তা সমাদ্দরনা শরিক য়াদুনা নিতি আয়োগকী ভাইস চিয়রমেন, দা. রজিব কুমার; দিবেলপমেন্ত ওফ নোর্থ ইস্তর্ন রিজনগী কেন্দ্রগী মন্ত্রী, শ্রী জি. কিশান রেদ্দী; অমসুং দিবেলপমেন্ত ওফ নোর্থ ইস্তর্ন রিজনগী কেন্দ্রগী রাজ্য মন্ত্রী, শ্রী  বি.এল. ভর্মনা রিপোর্ত অদু লোঞ্চ তৌখি৷ লোঞ্চ তৌবগী থৌরম অদুদা অরুনাচল প্রদেশ, অসাম,মনিপুর, মেঘলয়, মিজোরাম, নাগালেন্দ, সিক্কিম অমসুং ত্রিপুরাগী চীফ সেক্রতরীশিং, এদিস্নেল চীফ সেক্রেতরীশিং, প্রিন্সিপল সেক্রেতরীশিং অমসুং রাজ্য সরকারগী অতোপ্পা সেনিয়র ওফিসিয়েলশিংনা ভর্চুএল্লী ওইনা শরুক য়াখি৷ য়ু.এন.দি.পি.গী তেক্নিকেল ইনপ্যুতশিং শিজিন্নদুনা দোনর মন্ত্রালয়গা খুৎশম্নদুনা নিতি আয়োগনা দিজাইন তৌখিবনি অমসুং শেমখিবনি, তুল অসিগী প্রাইমরী স্তেকহোল্দরশিং ওইরিবা অৱাংনোংপোক রাজ্য নিপান পুম্নমক্কা নিংথিনা তাথোক-তাশিন তৌরবা মতুংদা ইন্দেক্স অসি শেমখিবনি৷

মহাক্কী ৱাঙাংদা, নিতি আয়োগকী ভাইস চিয়রমেন দা. রজিব কুমারনা অসুম্না ফোংদোকখি: “নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স অসি ঐখোয়গী এস.দি.জি. খোঙচৎতা য়াম্না মরু ওইবা মাইলস্তোন অমা ওই অমসুং মসিনা জিলাশিং মরু ওইনা ঐখোয়গী অৱাং-নোংপোক্কী রাজ্য নিপান্না মমাং থানা এস.দি.জি. শিজিন্নহনবা, চৎনহনবা অমসুং য়েংশিনহন্দুনা এস.দি.জি. লোকেলাইজেসন তৌবা হেন্না ঙমহল্লগনি৷”

দোনর, তুরিজম অমসুং কল্চরগী কেন্দ্রগী মন্ত্রী শ্রী জি. কিশান রেদ্দীনা মহাক্কী ৱাঙাংদা অসুম্না ফোংদোকখি, “নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স অসিনা ইবিদেন্স-বেজ প্লানিং, রিসোর্স এলোকেসন, ফাইনান্সিএল অমসুং অতৈদা,অমসুং রিজনেল দিবেলপমেন্ত বেলেন্স তৌননবা অমসুং মীৎয়েং চংননবগীদমক দিবেলপমেন্তেল ইফর্তশিং ইফেক্তিব ওইনা য়েংশিনবদা মতেং পাংলগনি৷”

দোনর অমসুং কোওপরেসনগী রাজ্য মন্ত্রী, শ্রী বি.এল. ভর্মনা অসুম্না উখি, “ঙসি অৱাং-নোংপোক লমদমনা দরকার ওইরিবা অসি ইফিসিয়েন্ত ওইনা পাংথোকপা অমসুং নিংথিনা য়েংশিনবগা লোইননা প্লানিং মতিক চানা তৌবা অসিনি, হায়রিবা অসি নোর্থ ইস্তর্ন রিজন দিস্ত্রিক্ত এস.দি.জি. ইন্দেক্সনা ফংহল্লগনি৷”

নিতি আয়োগকী সি.ই.ও. শ্রী অমিতাভ কান্তনা অসুম্না ফোংদোকখি, “মসিগী ‘এক্সনগী চহি খুজিং’ অসিদা, এস.দি.জি.শিংবু এদমিনিস্ত্রেসনগী হেন্না ফবা লেবেলশিংদা পুরকপা অমসুং হেন্না কুপথবা মওং অমদা মখোয়গী ইম্পেক্ত অমসুং আউতকমশিং ওনবা অসি য়াম্না মরু ওই, হায়রিবা অসিমক নোর্থ ইস্তর্ন রিজন দিস্ত্রিক্ত এস.দি.জি. ইন্দেক্সনা ফংবা ঙম্নবা পান্দম থম্লিবনি৷”

দোনরগী সেক্রেতরী মন্ত্রী, দা. ইন্দর জিৎ সিংহনা ইন্দেক্স অসি শন্দোক্না তাক্লদুনা অসুম্না ফোংদোকখি, “ইন্তর-স্তেত অমসুং ইন্ত্রা-স্তেতকী মরক্তা খেন্নবা লৈহন্দনবা অমসুং রিজন অসিদা এস.দি.জি. এচিবমেন্তশিং হেনগৎহন্নবগী ইনিসিয়েতিবশিং দিজাইন তৌবদা রিলাইএবল ওইবা অমসুং ক্বালিতী ৱাংবা দাতা ফংহন্নবা হোৎনবদা নোর্থ ইস্তর্ন রিজন দিস্ত্রিক্ত এস.দি.জি. ইন্দেক্সনা অচৌবা থৌদাং লৌরগনি৷”

অৱাং নোংপোক লমদমদা এস.দি.জি. এক্সন প্লানশিং শেমগৎপদা অমসুং ইমপ্লিমেন্তেসন অমসুং মোনিতরিং কেপাসিতীশিং হেনগৎহন্নবা রাজ্য পুম্নমক্কা খুৎশম্নদুনা য়ু.এ ন.দি.পি.না হোৎনখিবা অদু ভারতকী য়ু.এন.দি.পি.গী রিসাইদেন্ত রিপ্রজেন্তেতিব(আই./সি.), শ্রী নদিয়া রশীদনা হঞ্জিন-হঞ্জিন পনখ্রে৷

নিতি আয়োগকী এদভাইজর, শ্রীমতি সনয়ুক্তা সমাদ্দরনা অসুম্না ফোংদোকখি, “রাজ্যশিং অমসুং য়ুনিয়ন তেরিতোরীশিংগীদমক এস.দি.জি. ইন্দিয়া ইন্দেক্সতগী নেচরেল প্রোগ্রেসন অমা ওইনা জিলাগী থাক্তা এস.দি.জি.শিং অসি লোকেলাইজ তৌননবা য়াম্না কন্না হোৎনরিবা অদু এন.ই.আর. দিস্ত্রিক্ত এস.দি.জি. ইন্দেক্স অসিনা উৎলি৷ মসিনা এস.দি.জি.শিং অসি “মালেমগী থাক্তগী নেস্নেলদা, নেস্নেলদগী লোকেল” চৎহন্নবা হোৎনরিবা খোঙথাং অসিদা মতেং পাংলি৷”

এন.ই.আর. দিস্ত্রিক্ত এস.দি.জি. ইন্দেক্স অসিনা রিজন অসিদা মতুং তারকপদা পাংথোক্কদৌরিবা থবক-থৌরমশিং দিজাইন তৌবদা মতেং পাংবতা নত্তনা দিতা গেপশিং, সেক্তোরেল ইসুশিংগী মতাংদা হেন্না খঙহনবদা অমসুং ইন্দিকেতর কয়া অমা য়াওরিবা দিস্ত্রিক্ত লেবেলদা লৈরিবা প্রোগ্রেস অদু উৎনবা পান্দম থম্লি৷ ইন্দেক্স অসিগী মোদুলর নেচর অসিনা হেল্থ, এজুকেসন, জেন্দর, ইকোনোমিক গ্রোথ, ইন্সতিত্যুসনশিং, ক্লাইমেত চেঞ্জ অমসুং এনবাইরোনমেন্ত য়াওনা গ্লোবেল গোলশিংগী এক্সপান্সিব সেত্তা জিলাশিংগী প্রোগ্রেস তাক্ননবগীদমক ইন্দেক্স অসিবু পোলিসী তুল অমা অমসুং রেদী রেকোনর অমা ওইহল্লি৷

ওভরওল রিজল্তশিং অমসুং ফাইন্দিংশিং

রেঙ্কিংগীদমক খল্লিবা জিলা ১০৩গী মনুংদা, জিলা ৬৪দি ফ্রন্ত রন্নর কেতিগোরীদা মনুং চল্লি অদুগা জিলা ৩৯দি পর্ফোমর কেতিগোরীদা মনুং চল্লি৷ সিক্কিম অমসুং ত্রিপুরাগী জিলা পুম্নমক ফ্রন্ত রন্নর কেতিগোরীগী মনুংদা চল্লি অদুগা এস্পিরেন্ত নত্রগা এচিবর কেতিগোরীশিংদা জিলা অমতা য়াওদে৷

রিজন অসিদা নোংপোক থংবা সিক্কিমনা অহানবা মফম(স্কোর ৭৫.৮৭) কন্দুনা অৱাং থংবা ত্রিপুরা অমসুং গোমতি জিলাশিংনা অনিশুবা মফমদা(স্কোর ৭৫.৭৩) লৈদুনা মতুং ইল্লি৷

কিফির(এন.এল.)না স্কোর ৫৩.০০ ফংবদগী হৌদুনা নোংপোক সিক্কিম(এস.কে.)না স্কোর ৭৫.৮৭ ফাওবা ফংখিদুনা জিলা ১০৩গী স্কোরশিং মসিগী মরক্তা লৈরি৷

কম্পোজিৎ স্কোরশিং: মকোক থোংবা জিলা -১০ অমসুং মমৈ থংবা জিলা-১০:

মকোক থোংবা জিলা ১০	৭৫.৮৭	নোংপোক সিক্কিম[এস.কে.]
	৭৫.৭৩	গোমতি, অৱাং ত্রিপুরা [তি.আর.]
	৭৫.৬৭	নোংচুপ ত্রিপুরা [তি.আর.]
	৭৪.৮৭	সর্চিপ [এম.জেদ.]
	৭৪.৮০	খা সিক্কিম [এস.কে.]
	৭৩.৪৭	উনাকোতি [তি.আর.]
	৭২.৮৭	লুঙ্গলৈ [এম.জেদ]
	৭২.৬০	ধলাই [তি.আর.], সেপাহিজলা [তি.আর.]
	৭২.৪০	খা ত্রিপুরা [তি.আর.]
	৭২.২৭	কোলাসিব [এম.জেদ]
মনিং থংবা জিলা-১০	৫৯.০৭	লোঙ্গলৈ [এন.এল.]
	৫৮.৬০	শি য়োমি [এ.আর.]
	৫৮.২৭	নোংপোক কামেঙ্গ [এ.আর.], ফেক [এন.এল.]
	৫৭.৪০	কাম্লে [এ.আর.]
	৫৬.৮৭	অৱাং থংবা গারো চিংশিং [এম.এল.]
	৫৫.৯৩	মোন [এন.এল.]
	৫৫.৮৭	ত্যুইনসাঙ্গ [এন.এল.]
	৫৫.৬০	ক্র দাদি [এ.আর.]
	৫৪.৫৩	জুনহেবোতো[এন.এল.]
	৫৩.০০	কিফির [এন.এল.]

 

মপুং ফাবা এন.ই.আর. এস.দি.জি. ইন্দেক্স রিপোর্ত অদু মফম অসিদা য়েংবা য়াগনি:https://wgz.short.gy/NER

ইন্তরেক্তিব দেশবোর্দ অদু মফম অসিদা য়েংবা য়াগনি:https://sdgindiaindex.niti.gov.in/NER/dashboard/#/

এন.ই.আর. দিস্ত্রিক্ত এস.দি.জি. ইন্দেক্স অমসুং দাশবোর্দ ২০২১-২২গীদমক মফম অসিদা নম্বিয়ু: বেজলাইন রিপোর্তকী ইন্ত্রোদক্সন অমা

*****

 

(Release ID: 1749485) Visitor Counter : 248