రాష్ట్రంలో విమాన‌యాన మౌలిక స‌దుపాయాల‌ను త్వ‌రిత‌గ‌తిన బ‌లోపేతం చేసేందుకు వ్య‌క్తిగ‌తంగా చొర‌వ తీసుకోవ‌ల‌సిందిగా క‌ర్నాట‌క ముఖ్య‌మంత్రి బ‌స‌వ‌రాజ్ సోమ‌ప్ప బొమ్మాయికి కేంద్ర విమాన‌యాన మంత్రి జోత్యిరాదిత్య ఎం. సింధియా లేఖ రాశారు. దేశంలో పెరుగుతున్న ప్ర‌యాణీకుల డిమాండ్‌ను తీర్చ‌డానికి రానున్న 4-5 ఏళ్ళ‌లో రూ. 20,000 కోట్ల వ్య‌యంతో దేశంలోని విమానాశ్ర‌యాల అభివృద్ధిని, విస్త‌ర‌ణ‌ను ఎఎఐ చేప‌ట్టింది.  
విమాన‌యాన రంగానికి సంబంధించిన ప్రాజెక్టుల అమ‌లును ప్ర‌భావితం చేస్తున్న అంశాల‌ను సింధియా ముఖ్య‌మంత్రి బ‌స‌వ‌రాజ్ సోమ‌ప్ప బొమ్మాయ్ దృష్టికి తెచ్చారు. సింధియా పేర్కొన్న అంశాలుః

* బెల‌గావి విమానాశ్ర‌య విస్త‌ర‌ణ‌కు ఎఎఐ 370 ఎక‌రాల‌ను కోర‌గా, ఇప్ప‌టి వ‌ర‌కూ 348.6 ఎక‌రాల‌ను మాత్ర‌మే అప్ప‌గించారు.
* అలాగే, మైసూర్ విమానాశ్ర‌యం కోసం 240 ఎక‌రాల‌ను కేటాయించ‌వ‌ల‌సిందిగా ఎఎఐ కోరింది. అయితే, రాష్ట్ర ప్ర‌భుత్వం ఆ భూమిని ఇంకా అప్ప‌గించ‌వ‌ల‌సి ఉంది. 
* వీటితో పాటుగా శివ‌మొగ్గ‌, విజ‌య‌పుర విమానాశ్ర‌యాల‌లో కార్య‌క‌లాపాల‌ను ప్రారంభించేందుకు క‌ర్నాట‌క రాష్ట్ర ప్ర‌భుత్వం అవ‌స‌ర‌మైన చ‌ర్య‌లు తీసుకోవాల‌ని, త‌ద్వారా ఆర్‌సిఎస్‌- ఉడాన్ (UDAN) 4.1 కింద వ‌చ్చిన బిడ్ల‌ను అప్ప‌గించేందుకు ప‌రిగ‌ణించ‌వ‌చ్చు. అంతేకాకుండా, ఈ రెండు విమానాశ్ర‌యాల‌కు సంబంధించి మార్గాల‌ను అప్ప‌గించేందుకు 100% విజిఎఫ్ మ‌ద్ద‌తును ఇచ్చేందుకు త‌మ అంగీకారాన్ని రాష్ట్ర ప్ర‌భుత్వం తెలియ‌చేయాలి. ఎందుకంటే అవి రాష్ట్ర ప్రాంతీయ అనుసంధాన ప‌థ‌కం (స్టేట్ రీజిన‌ల్ క‌నెక్టివిటీ స్కీం - ఎస్‌సిఆర్ఎస్‌) కింద వ‌స్తాయి.
ప్రాంతీయ వాయు అనుసంధాన నిధి ట్ర‌స్టు ( రీజిన‌ల్ ఎయిర్ క‌నెక్టివిటీ ఫండ్ ట్ర‌స్ట్ -ఆర్ఎసిఎఫ్‌టి)కు విజిఎఫ్ వాటా కింద  రూ. 7.55 కోట్లను రాష్ట్ర ప్ర‌భుత్వం బాకాయి  ఉంది.  

 

***
 

(रिलीज़ आईडी: 1749399) आगंतुक पटल : 144