শ্রী জ্যোতির্অদিত্যা এম. সিন্দিয়ানা অন্ধ্র প্রদেশ, অরুনাচল প্রদেশ, অসাম, বিহার অমসুং ছত্তিসগরগী মুখ্য মন্ত্রীশিংদা মখোয় মশাগী রাজ্যশিংদা এভিএসনগী ইনফ্রাস্ত্রকচর ফগৎহন্নবগীদমক্তা লেন্দ এলোকেসন, রিজনেল এয়র কনেক্তিবিতী ফন্দ ত্রস্ত (আর.এ.সি.এফ.তি.)গা ফন্দশিং দিপোজিৎ তৌবা, ইন্তরনেস্নেল উরান ওপরেসনশিংগী ভি.ই.এফ. সপ্পোর্ত অসিগুম্বা তোঙান-তোঙানবা হীরমশিং খুমাং চাউশিন্নবা খোঙথাং লৌখৎনবা মরী লৈনবা ওফিসরশিংদা য়াথং পীনবা মখোয়না হকথেংননা থবক লৌখৎনবা চিথি ইদুনা খঙহনখ্রে। লৈবাক অসিদা হেনগৎলক্লিবা পেসেঞ্জর দিমান্দ অসি থুংহনবা ঙম্নবা মথংগী চহি ৪-৫ অসিদা লুপা করোর ২০,০০০গী শেনফম চংনা লৈবাক অসিদা লৈরিবা এয়রপোর্তশিং চাউখৎহন্নবা অমসুং চাউথোক্নবা থবক এ.এ.আই.না পাইখৎখ্রে।

অন্ধ্র প্রদেশকী মুখ্য মন্ত্রী শ্রী ৱাই.এস. জগন মোহন রেদ্দীদা ইখিবা চিথিদা শ্রী সিন্দিয়ানা রাজ্য সরকার অসিনা হান্ননা অয়াম্বা এয়রপোর্তশিংদা লম কয়া খুৎশিন্নখ্রে। অদুম ওইনমক লম শরুক খরা হায়বদি তিরুপতিদা একর ১৪.৩১ রনৱে চাউথোক্নবা অমসুং অতৈ ওপতেস্নেলগী ওইবা মথৌ তাবশিংগী, রাজামুন্দ্রীদা রেসিদেন্সিএল কোলোনী শানবা একর ১০.২৫ অমসুং কদাপাদা রনৱে চাউথোক্নবা অমসুং এপ্রোচ লাইতনিং সিস্তে,গী একর ৫০ অসি রাজ্য সরকারনা এ.এ.আই.দা পীবা ঙমদনা লৈরি। মসিগী মথক্তা মন্ত্রীনা এপ্রোচ লাইতনিং সিস্তেমগা লোইননা বিজয়ৱাদা এয়রপোর্ততা রনৱে চাউথোক্নবা মিতর ৪০০০ মথৌ তাবনা রাজ্য সরকারনা ইলুরু কেনেলগী দাইভর্জন তৌনবা থবক পাইখৎনবা মন্ত্রীনা ফোঙদোকখ্রে। মখা তানা, মন্ত্রী য়াম্না অথুবদা অন্ধ্র প্রদেশ সরকারনা (রাজ্য অসিদা ৩১.০৭.২০২১ ফাওবদা উরান ফ্লাইতশিংগীদমক ভি.জি.এফ. সিয়রগী ২০%) রিজনেল এয়র কনেক্তিবিতী ফন্দ ত্রস্ত (আর.এ.সি.এফ.তি.)দা লুপা করোর ১৪.৬৪গী শেনফম অমা দিপোজিৎ তৌবা মথৌ তাই হায়খ্রে। মন্ত্রীনা হায়খি, “রাজ্য সরকারনা ইন্তরনেস্নেল উরান ওপরেসনশিংগীদমক (বিশখাপত্নম – দুবাই) ভি.জি.এফ. সপ্পোর্ত ১০০% পীবদা মখোয়গী অয়াবা পীবা য়াই। ভি.জি.এফ. সপ্পোর্ত ১০০%গী অয়াবা রাজ্য সরকারনা পীরকপগা রুৎশিং অসি এয়রলাইনশিংগীদমক বিদ্দিং তৌবা য়াহল্লগনি।”

মসিগা মান্ননা শ্রী সিন্দিয়ানা অরুনাচল প্রদেশকী মুখ্য মন্ত্রীদা তেজু এয়রপোর্ত্তা নন-দিরেক্সনেল বেকন (এন.দি.বি.) অমসুং দোপপ্লর ভেরী হায় ফ্রিক্বেন্সী পমনি রেঞ্জ (দি.ই.ও.আর.) প্রোতেক্সন এরিয়া ইন্সতোলেসন তৌনবা অমসুং এয়রপোর্ত স্তাফকী রেসিদেন্সিএল কোলোনী শানবা মথৌ তাবা লম একর ৫.৫ য়াওনা এভিএসন সেক্তরগী তোঙান-তোঙানবা প্রোজেক্তশিংগী লম লৌশিনবদা মহাক্না হকথেংননা থবক লৌখৎপীনবা চিথি ইখ্রে। দিরংদা অতোপ্পা একর ৭০, দপোরিজোদা একর ৩৪.৩, পসিঘাত্তা একর ২.৩, লোইননা জিরোদা একর ১০.৬ য়াওরি। মহাক্না হায় রাজ্য সরকারনা রাজ্য সরকারনা খুদক্তা দপারিজো, ইতানগর, তুতিং, ৱালোং, য়িংহিওং অমসুং জিরোদা হেলিকোপতরশিং ওপরেসন তৌবা হৌনবা হায়খ্রে মসিগীদমক হেলিকোপ্তর অমদা লুপা করোর ৮.৪৪গী বজেত রিজনেল কনেক্তিবিতী স্কীম (আর.সি.এস.) – উরান (উরে দেশ কা আম নাগ্রিক)গী মখাদা মন্ত্রালয়না হান্নদগী কাইথখ্রে।

সিবিল এভিএসন মন্ত্রী শ্রী সিন্দিয়ানা অসামগী মুখ্য মন্ত্রী শ্রী হিমন্তা বিস্বা সর্মদা দিব্রুগর এয়রপোর্ততা লম একর ৭৮.৫, লিলাবারি এয়রপোর্ত্তা একর ১০৯, সিলচর এয়রপোর্ত্তা একর ১১৬.৫ অমসুং জোর্হাত এয়রপোর্ত্তা একর ৫০গী লম লৌশিনবগী মতাংদা মহাক্না মীৎয়েং চংনবা চিথি ইখ্রে। দিব্রুগর এয়রপোর্ত্তা লৌশিল্লিবা লম অসি তুংদা এয়রপোর্তকী চাউথোকপদা অমসুং মথৌ তাবা রনৱে স্ত্রিপকীদমক শীজিন্নগনি অমরোমদা লিলাবারি এয়রপোর্তকী লম অসিনা আইসোলেসন বে শাবা, মথৌ তাবা রনৱে স্ত্রিপ অমসুং অনৌবা এভিএসন মেনপাৱর ত্রেনিং ইন্সতিত্যুত অমা শাবদা শীজিন্নগনি। সিলচর এয়রপোর্ত্তা লৌশিনগদবা লম অসিনা সিতী সাইদ ইনফ্রাস্ত্রকচর শেমগৎপদা শীজিন্নগনি অমসুং জোর্হাত এয়রপোর্তকী লম অসি অনৌবা সিবিল এনক্লেব শাবদা শীজিন্নগনি। অপুনবা প্রোজেক্ত তৌখিবা লম অসিগী মনুংদা লম একর ৮.৫ খক্তা দিব্রুগর এয়রপোর্ত্তা পীখি অমসুং লেমহৌরবা লেন্দ পর্সেলশিং অসি রাজ্য সরকারনা পীদনা লৈরি।

শ্রী সিন্দিয়ানা বিহারগী মুখ্য মন্ত্রী শ্রী নিতিশ কুমারদা রনৱে এক্ষতেন্সন, পেরলেল তেক্সি ত্রেক, দোপপ্লর ভেরী হায় ফ্রেক্বেন্সী ওমনি রেঞ্জ (দি.ভি.ও.আর.)গী ইক্বিপমেন্ত, আইসোলেসন বে অমসুং গ্লাইদ পাথকীদমক পতনা এয়রপোর্ত্তা লম একর ৪৯.৫, অনৌবা এনক্লেব শানবা পুর্নিয়া এয়রপোর্ত্তা একর ৫০, এয়রক্রাফ মখল এ.তি.আর.-৭২ গী এয়রপোর্ত শেমগৎনবা রসোলতা একর ১২১, মুজাফ্ফরপুর এয়রপোর্ত্তা এয়রক্রাফ মখল এ-৩২০ ওপরেসন তৌনবা শেমগৎনবা একর ৪৭৫, সি.এ.তি. I এপ্রোচ লাইত সিস্তেমগা লোইননা অনৌবা সিবিল এনক্লেব শেমগৎনবা দরভাঙ্গাদা একর ৭৮কী লম লৌশিনবা মথৌ তাই হায়না খঙহনখ্রে। মহাক্না হায়খি বিহারনা ইন্তরনেস্নেল কনেক্তিবিতীগী স্কোপ অমসুং মসিগী মতুং ইন্না অচৌবা এয়রক্রাফ ওপরেসন তৌনবগী ওইথোকপশিং অদু খন্ননবা হায়খ্রে। মন্ত্রালয়না রাজ্য সরকারদা পতনা অমসুং গায়া (গায়া – বেঙ্কোক, গায়া – কাথমন্দু, গায়া – য়াঙ্গুন, পত্না – কাথমন্দু অমসুং পতনা – দুবাই) দা ইন্তরনেস্নেল উরান ওপরেসনশিং তৌবা হৌনবা ভি.জি.এফ. সপ্পোর্ত ১০০%গী প্রোবিজন অসি খন্ননবা হায়জখ্রে। রাজছ সরকারদগী ভি.জি.এফ. সপ্পোর্ত ১০০%গী অয়াবা ফংবগা পীরকপগা রুৎশিং অসি এয়রলাইনশিংগীদমক বিদ্দিং তৌবা য়াহল্লগনি।

ছত্তিসগরগী মুখ্য মন্ত্রী শ্রী ভুপেশ বঘেলদা চিথি ইরাদুনা শ্রী সিন্দিয়ানা ফেজ-Iদা এয়রক্রাফ মখল এ.তি.আর.৭২/ক্যু.৪০০ অমসুং ফেজ-IIদা এয়রক্রাফ মখল এ.বি.-৩২০গী ওপরেসনশিং তৌবদা খুদোংচানবা এয়রপোর্ত শেমগৎনবা রাইগরদা একর ৫৬৯গী লম লৌশিনবগা মরী লৈনবা হীরমশিং পনখ্রে। মখা তানা মন্ত্রীনা রাজ্য সরকারগী মাইকৈদগী এ.এ.আই.গীদমক্তা রাজ্য সরকারনা এয়রপোর্তকী লম রেস্তোরেসন তৌবগী থবকসু পন্দুনা লৈরি হায়না ফোঙদোকখ্রে। মসিগী মথক্তা মন্ত্রীনা রাজ্য অসিদা ৩১.০৭.২০২১ ফাওবদা উরে দেশ কা আম নাগ্রিক (উরান)গী ভাইএবিলিতী গেপ ফন্দিং (ভি.জি.এফ.)কী ২০% ওইনা রাজ্য সরকারনা অথুবদা রিজনেল এয়র কনেক্তিবিতী ফন্দ ত্রস্ত (আর.এ.সি.জেফ.তি.)দা লুপা করোর ০.৬০গী শেনফম দিপোজিৎ তৌবা মথৌ তাই হায়না পনখ্রে। মহাক্না মুখ্য মন্ত্রীদা লুপা করোর ৯০ কাইথখিবা রিজনেল কনেক্তিবিতী স্কীম (আর.সি.এস.) – উরান ওপরেসনশিংগী মখাদা ৩সি ওপরেসনশিংগীদমক অম্বিকাপুর এয়রপোর্ত শেমগৎপবগী থবক য়েংশিন্নবা অমসুং খোঙজেল য়াংশিনহন্নবা হায়খ্রে।

****

(Release ID: 1749194) Visitor Counter : 190