চহি অসিগী ওগস্ত ১৫দগী পাঙথোকপা হৌরিবা ‘আজাদী কা অমৃত মহোৎসব’কা চান্ননবা তেলিমেদিসিন, দিজিতেল হেল্থকী অমসুং আর্তিফিসিএল ইন্তেলিজেন্স (এ.আই.) লমশিংদা স্তার্ত-অপ ৭৫দা মতেং পাংনবা অখন্নবা ইনসেন্তিবস স্কীম অমা অথুবদা সরকারনা হৌদোক্লগনি।

স্কীম অসি ভারত সরকারগী দিপার্তমেন্ত ওফ বাইওতেক্নোলোজীগী মখাদা লৈরিবা পব্লিক সেক্তর ইন্তর্প্রাইস অমা ওইরিবা বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.)না হৌদোক্কনি।

মসি ঙসি কেন্দ্রগী রাজ্য মন্ত্রী (ইন্দিপেন্দেন্ত চার্জ) সাইন্স এন্দ তেক্নোলোজী; রাজ্য মন্ত্রী (ইন্দিপেন্দেন্ত চার্জ) আর্থ সাইন্সেস; এম.ও.এস. পি.এম.প., পর্সনেল, পব্লিক গ্রিভান্সেস, পেন্সনস, এতোমিক ইনর্জী অমুস স্পেস, দা. জিতেন্দ্র সিংহনা ফোঙদোকখি, মহাক্না হীরম অসিগী মতাংদা সাইন্স এন্দ তেক্নোলোজী মন্ত্রালয়গী দিপার্তমেন্ত ওফ বাইওতেক্নোলোজীগী সেক্রেতরী ওইরিবী দা. রেনু স্বারুপনা চিয়র্পর্সন ওইদুনা লুচিংলিবা বি.আই.আর.এ.সি.গী মেম্বরশিংদা পাউতাকশিং পীখ্রে হায়না ফোঙদোকখ্রে।

বি.আই.আর.এ.সি.গী বোর্দ ওফ দিরেক্তরশিংগা লোইননা ৱারী-ৱাতায় শাবদা মন্ত্রীনা হায়খি মকোক থোংবা ইন্নোভেসন ৭৫ মশক খঙদোক্কদৌরিবা অসি ভারতকী নীংতমখিবগী চহি ৭৫ শুরকপা অসিগী খ্বাইদগী চান্নবা থবক অমনি, মসিনা কোবিদ-১৯ লাইচৎনা পীরিবা শীংনবশিং অসি লাকশিন্নবা মালেম পুম্বদা লৈরিবা মীওইবা খুন্নাইনা হোৎনরিবা মতম অসিদা হেল্থ সেক্তরদা লৈরিবা আর এন্দ দি অসি খুমাং চাউশিনহল্লগনি।

অমরোমদা স্তার্ত-অপশিংদা মতেং পাংদুনা প্রাইবেৎ সেক্তরদগী হেনগৎনবা তর্নঅরাউন্দগী মতম অসি হন্থহন্নবা খোঙথাংশিং লৌখৎনবা মকোক থোংবা ওফিসরশিংদা দা. জিতেন্দ্র সিংহনা ফোঙদোকখ্রে। মহাক্না বি.আই.আর.এ.সি.গী বোর্দ ওফ দিরেক্তরশিংদা কোবিদ-১৯ লাকশিন্ননবা তোঙান-তোঙানবা হীরমশিংদা মীৎয়েং চংনবা অখন্নবা থিমশিং স্তার্তঅপ এপ্লিকেন্তশিংদা পীনবসু খঙহনখ্রে।

বি.আই.আর.এ.সি.না স্তার্তঅপ ইন্দিয়া অমসুং মেক ইন ইন্দিয়া প্রোগ্রামশিংগী মখাদা বাইওতেক্নোলোজী ইকোসিস্তেম গ্রোথকী লমশিংদা অনৌবা থৌরাংশিং পুক্নীং থৌগৎলি অমসুং শৌগৎলি। বি.আই.আর.এ.সি.না স্তার্তঅপ, ইন্তর্প্রাইস অমসুং এস.এম.ই. ১,৫০০ হেনবদা লুপা করোর ২,১২৮গী মথক্তা ফন্দগী মতেং পীখ্রে। ২০১২দা বাইওতেক্নোলোজী স্তার্তঅপ ৫০দগী তানা মতেং পীরম্বগা লোইননা লুপা করোর ১০দগী তানা ইন্নোভেতিব ফন্দিং পীরম্বা অদু হৌজিক্তি বি.আই.আর.এ.আই.সি.না বি.তি. স্তার্তঅপ ৫,০০০ হেনবদা লুপা করোর ২,৫০০ হেন্না ফন্দিং তৌরি। ২০২৪ ফাওবদা বি.আই.আর.এ.সি.না বি.তি. স্তার্তঅপ ১০.০০০ হেন্না মতেং পাংনবা পান্দম থমখি।

মমাংদা দা. জিতেন্দ্র সিংহনা বি.আই.আর.এ.সি.গী ই-ওফিস লোঞ্চ তৌখি অমসুং ঙসি বি.আই.আর.এ.সি.গী ই-ওফিস সোফৱেয়র লাইব ওইহনখি। .আই.আর.এ.সি.গী ই-ওফিস লাইত সোফৱেয়র অসি ওগস্ত ১, ২০২১দগী তেস্তিং মোদতা এন.আই.সি.এস.আই. সর্বরদা দিপ্লোই তৌখি। কেন্দ্রগী রাজ্য মন্ত্রীনা হায়খি দিজিতেল ইন্দিয়া মিসন অসি অচৌবা প্রোজেক্ত অমনি মসিনা ত্রান্সপরেন্সী অমসুং অফবা গভর্নান্স লৈহনদুনা লৈবাক অসিগী চাউখৎ-থৌরাংদা খুমাং চাউশিনহনগনি

বি.আই.আর.এ.সি.কী ইন-হাউস বি.আই.আর.এ.সি. ৩আই পোর্তেল লৈ, মসিদা এপ্লিকেসন অমসুং প্রপোজেল পুম্নমক ওনলাইন্দা সবমিত তৌরকখি। পোর্তেল অসি ফেব্রুৱারী ২০১০দা লোঞ্চ তৌখি অমসুং কম্পনীশিং, ইন্সতিত্যুতশিং অমসুং ইন্দিবিজ্যুএলশিংনা মখোয়গী প্রপোজেলশিং অসিগুম্বা তোঙান-তোঙানবা স্তেকহোল্দরশিংনা ওনলাইন্দা সবমিত তৌখিবা সাইন্স অমসুং ইন্নোভেতিব রিসর্চ ফন্দ মেনেজমেন্তগী দাইনামিক ওইবা, রোবস্ত ওইবা অমসুং স্কেলেবল ওইবা এপ্লিকেসন অমনি।

থৌরম অসিদা দি.এস.তি.গী জোইন্ত সেক্রেতরী অমসুং বি.আই.আর.এ.সি.গী মেনেজিং দিরেক্তর ওইরিবী কুমারি অঞ্জু ভালা অমসুং বি.আই.আর.এ.সি. অমসুং দি.বি.তি.গী মকোক থোংবা ওফিসরশিংনা শরুক য়াখি।

***