نئی  دلّی ، 25 اگست /  وزیر اعظم نریندر مودی نے  15 اگست ، 2021 ء کو یومِ آزادی کی اپنی تقریر میں  ، اِس بات کو اجاگر کرتے ہوئے کہ حکومت کو  ملک میں  اسٹارٹ اَپ کے ماحول کو پوری  دنیا  میں سب سے بہتر بنانے کے لئے مسلسل کوششیں  کرنے کی ضرورت ہے ، کہا تھا کہ   اسٹارٹ اَپ  ہمارے ملک میں   نئے قسم کے  دولت پیدا کرنے والے ہیں ۔  وزیر اعظم کے اِس ویژن کو  الیکٹرانک اور اطلاعاتی ٹیکنا لوجی کے وزیر  جناب اشونی ویشنو  نے حال ہی میں   زور دیتے ہوئے کہا کہ حکومت  اسٹارٹ اَپس اور چھوٹے صنعت کاروں کو سب سے زیادہ چیلنج بھرے مرحلے  میں مدد کرے گی ۔ انہوں نے یہ بھی کہا کہ  1.3 کھرب لوگوں کی  خدمت کے لئے بھارت قابل قدر سطحوں  پر   ایک نیٹ ورک  قائم کرے گا ۔

          سمردھ اسکیم کے آغاز پر  اظہارِ خیال کرتے ہوئے جناب ویشنو نے کہا کہ   یہ اقدام  نہ صرف  اسٹارٹ اَپس کو  فنڈ کی  مدد فراہم کرے گا بلکہ  ہنر مندی کو  بھی ساتھ لائے گا ، جس سے انہیں کامیاب ہونے میں مدد ملے گی ۔  وزیر اعظم  کے ویژن کو دہراتے ہوئے  ، انہوں نے کہا کہ   ٹیکنا لوجی   اور نو جوانوں کی توانائی   جامع  ترقی کے لئے  ایک عظیم   توانائی کا وسیلہ ہے ۔

          وزیر موصوف نے مزید کہا کہ  آج ہمارا سماج  ، جہاں  کھڑا ہے ، وہاں نئی خدمات ، نئی مصنوعات کی وسیع ضرورت ہے  تاکہ   سماج کے محروم طبقے  کی زندگی کو بہتر بنایا جا سکے ۔ انہوں نے کہا کہ ٹیکنا لوجی   ،اُن لوگوں تک پہنچنے کے لئے ، جنہیں اِس کی ضرورت ہے ، ایک اہم رول ادا کرسکتی ہے۔  انہوں نے کہا کہ روایتی  اور نئے زمانے کی  صنعتوں میں روز گار   ہماری حکومت کا ایک مشن ہے  اور یہ  وزیر اعظم نریندر مودی کا بھی مشن ہے ۔ سمردھ جیسے اقدامات اور اسکیمیں  ،اِس ویژن کو نافذ  کرنے میں  مدد کریں گے ۔

          اسکیم کے آغاز پر اظہارِخیال کرتے ہوئے   ایم ای آئی ٹی وائی  کے سکریٹری  اجے پرکاش ساہنی نے کہا کہ  سمردھ اسکیم   سے اسٹارٹ  اَپس میں تیزی آئے گی اور  یہ اسٹارٹ اَپس کو فنڈنگ کی مدد فراہم کرے گی ۔ یہ اسکیم  اسٹارٹ اَپس  برادری میں  اعتماد پیدا کرنے  کے سفر میں ایک اہم  سنگِ میل ہے ۔

          سمردھ پروگرام    صارفین سے رابطے  ، سرمایہ کاروں سے رابطے اور بین الاقوامی  لین دین  کے لئے  اگلے تین سال کے دوران  300 اسٹارٹ اَپس کو  مدد فراہم کرے گا ۔ اس کے علاوہ ، 40 لاکھ روپئے تک  کی سرمایہ  کاری میں مدد کی جائے گی ۔ا س پروگرام کا مقصد  بھارتی اسٹارٹ اَپ کے فروغ میں اضافہ کرنا ہے  ، جس میں 63 یونیکورن  ابھر کر آئے ہیں اور اب بھارت   168 ارب امریکی ڈالر  کی قدر کے ساتھ  پوری دنیا میں تیسرا سب سے بڑا یونیکورن مرکز بن گیا ہے ۔

۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔ ۔ ۔ ۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔ ۔ ۔ ۔ ۔

( ش ح ۔ و ا ۔ ع ا  ۔   25.08.2021 )

U.No. 8272