പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭായോഗം  ജിയോളജിക്കൽ സർവേ ഓഫ് ഇന്ത്യ , ഖനി മന്ത്രാലയം,  അമേരിക്കയിലെ ഫ്ലോറിഡ ഇന്റർനാഷണൽ യൂണിവേഴ്സിറ്റി  എന്നിവ തമ്മിലുള്ള  സഹകരണം  സംബന്ധിച്ച ധാരണാപത്രം ഒപ്പിടുന്നതിനു അനുമതി നൽകി. 

രണ്ട് പങ്കാളികളും  തമ്മിലുള്ള സഹകരണത്തിനായി  കണ്ടത്തിയ  മേഖലകൾ   ഇപ്രകാരമാണ് :

എ.  ഇന്ത്യ-ഏഷ്യ ഭൂഗർഭ സംഘട്ടന അതിർത്തിയിലെ മാഗ്മ പ്രവാഹത്തിന് ശേഷമുള്ള ഫലക, ഭൗമ പരിസ്ഥിതിയെക്കുറിച്ച് ഗവേഷണം, ഈ മേഖലയുടെ  ഭൂവിജ്ഞാനീയ അറിവുകളുടെ വികസനം, കിഴക്കൻ ഹിമാലയ  ഭൂഗർഭ ഘടനയിലെ വ്യതിയാനം സംബന്ധിച്ച ഭൗമ ചരിത്രം

ബി.  ഫലക സംഘട്ടനങ്ങളിലൂടെ ഉണ്ടാകുന്ന  മാഗ്മാറ്റിക് ബെൽറ്റ് ( ലഡാക്ക് പ്ലൂ ടോൺ) കളുടെ പ്രാദേശിക ഭൂവിജ്ഞാനീയ, ഭൗമ രാസ,  പെട്രോളജിക്കൽ, മൾട്ടി-ഐസോടോപിക് പഠന മേഖലകളിൽ സഹകരണ പദ്ധതികൾ  വികസിപ്പിക്കുക ,

സി. സാങ്കേതികവിദ്യയും ഭൂമിശാസ്ത്രപരമായ ഡാറ്റയും സംബന്ധിച്ച വിവരങ്ങളുടെ കൈമാറ്റം.

ഡി  ധാരണാ പത്രത്തിൽ ഏർപ്പെട്ടിട്ടുള്ള കക്ഷികൾ  തീരുമാനിക്കേണ്ട പരസ്പര താൽപ്പര്യമുള്ള മറ്റ് മേഖലകൾ.

പ്രയോജനങ്ങൾ:

ഭൂവിജ്ഞാനീയ  രംഗത്ത്  ജിയോളജിക്കൽ സർവേ ഓഫ് ഇന്ത്യയും ,ഫ്ലോറിഡ ഇന്റർനാഷണൽ യൂണിവേഴ്സിറ്റിയും തമ്മിലുള്ള സഹകരണത്തിന് ധാരണാപത്രം   വ്യവസ്ഥാപിത സംവിധാനമൊരുക്കും 

ലക്ഷ്യങ്ങൾ:

ഭൂ  ഫലക സംഘട്ടന അതിർത്തികളിൽ, പ്രത്യേകിച്ചും ഇന്ത്യ-ഏഷ്യ മേഖലകളിൽ, സംഘർഷാനന്തര മാഗ്മാ പ്രവാഹത്തിന്റെ ഭൗമശാസ്ത്രപരമായ  പരിതസ്ഥിതി മനസ്സിലാക്കുകയും, ഇതു സംബന്ധിച്ച പൊതുവായ ഒരു മാതൃക നിർമ്മിക്കുകയുമാണ് ഇതിലൂടെ പ്രധാനമായും ലക്ഷ്യമിടുന്നത് . കിഴക്കൻ ഹിമാലയ  ഭൂഗർഭ ഘടനയിലെ വ്യതിയാനം സംബന്ധിച്ച ഭൗമ ചരിത്രം, ഫലക നീക്കം എന്നിവ മനസ്സിലാക്കൽ,ഫലക സംഘട്ടനങ്ങളിലൂടെ ഉണ്ടാകുന്ന  മാഗ്മാറ്റിക് ബെൽറ്റ് ( ലഡാക്ക് പ്ലൂ ടോൺ) കളുടെ പ്രാദേശിക ഭൂവിജ്ഞാനീയ, ഭൗമ രാസ,  പെട്രോളജിക്കൽ, മൾട്ടി-ഐസോടോപിക് പഠന മേഖലകളിൽ സഹകരണ പദ്ധതികൾ  വികസിപ്പിക്കൽ എന്നിവയും ധാരണപത്രം ലക്ഷ്യമിടുന്നു.

*****