ঙসি নুমিদাং পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না, ভারতকী অপুন্নবা কোবিদ ভেক্সিনেসন কোভরেজ কোতি ৫৬(৫৬,০০,৯৪,৫৮১)কী লেন্দমার্ক মাইলস্তোন ফংবা ঙমখ্রে৷ কোবিদ-১৯ ভেক্সিনেসন য়ুনিভর্সেলাইজেসন তৌবগী অনৌবা ফেস জুন ২১দগী হৌখি৷ নুমিদাং পুং ৭তা ফংখিবা প্রোভিজনেল রিপোর্তকী মতুং ইন্না, ঙসি ভেক্সিন দোজ লাখ ৫০(৪৯,৪৮,৯৬৫)রোম কাপখ্রে৷

ঙসি চহি কাংলুপ ১৮-৪৪ ফাওবগী মনুংদা লৈরিবা মীওইশিংদা ভেক্সিন দোজ ২৭,৪৫,২৭২ অহানবা দোজ ওইনা কাপখ্রে অমসুং ভেক্সিন দোজ ৫,৩৩,৫৮৬না অনিশুবা দোজ ওইনা কাপখ্রে৷ ভেক্সিনেসন দ্রাইবকী ফেস-৩ হেক হৌরকপদগী রাজ্য/য়ু.তি. ৩৭তা চহি ১৮-৪৪ ফাওবগী মনুংদা লৈরিবা মীওই পুন্না ২০,৫০,০৮,৪০০না মখোয়গী অহানবা দোজ কাপখ্রে অমসুং মীওই পুন্না ১,৬৬,৫৭,৪৬৫না অনিশুবা দোজ কাপখ্রে৷ রাজ্য মঙা মমিং ওইনা হায়রবদা মধ্য প্রদেশ, গুজরাত, রাজস্থান, মহারাস্ত্র অমসুং উত্তর প্রদেশতা চহি কাংলুপ ১৮-৪৪ ফাওবগী মনুংদা লৈরিবা মীওইশিংদা ভেক্সিন দোজ পুন্না কোতি ১ হেন্না কাপখ্রে৷ অদুগা, আন্ধ্র প্রদেশ, অসাম, ছত্তিশগর, দিল্লী, হরিয়ানা, ঝর্খন্দ, কেরলা, তেলঙ্গনা, হিমাচল প্রদেশ, ওরিশা, পঞ্জাব, উত্তরখন্দ অমসুং ৱেস্ত বেঙ্গলদা কোবিদ ভেক্সিনগী অহানবা দোজ ওইনা চহি কাংলুপ ১৮-৪৪ ফাওবগী মনুংদা লৈরিবা বেনিফিসরী লাখ ১০ হেনবনা ভেক্সিন কাপখ্রে৷

মখাগী তেবেল অসিনা ঙসি ফাওবদা চহি কাংলুপ ১৮-৪৪ ফাওবগী মনুংদা লৈরিবা মীওইশিংদা কাপখিবা অপুনবা ভেক্সিন দোজ অদু উৎলি৷

পোপুলেসন প্রাইয়োরিতী গ্রুপশিংগী মতুং ইন্না কাপখিবা অপুনবা ভেক্সিন দোজ ৫৬,০০,৯৪,৫৮১ অদু মখাদা তোখায়-তোখায়না লৈরে৷

ভেক্সিনেসন দ্রাইবকী ২১৪শুবা নুমিৎতা (২০২১গী ওগস্ত ১৭), ভেক্সিন দোজ পুন্না ৪৯,৪৮,৯৬৫ কাপখি৷ ঙসি নুমিদাং ফংখিবা প্রোভিজনেল রিপোর্তকী মতুং ইন্না, বেনিফিসরী ৩৭,১৩,৫৬৭না অহানবা দোজ কাপখি অমসুং বেনিফিসরী ১২,৩৫,৩৯৮না অনিশুবা দোজ কাপখি৷ ঙসি নুমিদাং অথেংবদা নুমিৎ অসিগী ফাইনেল ওইবা রিপোর্তশিং অদু লোইশিল্লগনি৷

কোবিদ-১৯না মরম ওইদুনা লৈবাক অসিদা খ্বাইদগী ফিভম শোকনিংঙাই ওইনা লৈরিবা মীওইশিংবু ঙাকথোক্নবগী খুৎলাই অমা ওইনা শিজিন্নরিবা ভেক্সিনেসন এক্সর্সাইস অসি অৱাংবা থাক্তা চাং নাইনা লেপ্পা-লৈতনা য়েংশিল্লগনি৷

*****