হকশেল অমসুং য়াইফ-য়ুম্বাল মন্ত্রালয়

ফাস্ত ত্রেক মোদতা ই.সি.আর.পি.-II পেকেজ চৎনরগনি

কেন্দ্রনা ই.সি.আর.পি. –II পেকেজকী ৩৫% অতোপ্পা ইন্সতোলমেন্ত ওইনা রাজ্য পুম্নমক্তা রিলিজ তৌরগনি

কোবিদ-১৯ মাই পাক্না লান্থেংনবা ঙম্নবা লুপা কোতি ১৪৭৪৪.৯৯গী শেনফম রাজ্যশিংগীদমক কাইথখ্রে

Posted On: 13 AUG 2021 6:51PM by PIB Imphal

কোবিদ-১৯ লাইনা-লাইচৎ মাই পাক্না লান্থেংনবা ঙম্নবগীদমক রাজ্যশিংনা হোৎনরিবা অসিদা হকশেল অমসুং য়াইফ-য়ুম্বালগী কেন্দ্রগী মন্ত্রালয়না সপোর্ত তৌরি৷ লাইচৎ অসিগী অনিশুবা ৱেব, রুরেল, পেরি-আর্বান অমসুং ত্রাইবেল এরিয়াশিংদা শন্দোক্লিবা অমসুং হৌজিক লৈরিবা লাইনা-লাইচৎকী ফিভম অসি য়েংলগা, কেন্দ্রগী কেবিনেতনা লুপা কোতি ২৩,১২৩গী শেনফম ওইগদবা অনৌবা স্কিম অমা ‘ইন্দিয়া কোবিদ-১৯ ইমর্জেন্সী রেস্পোন্স অমসুং হেল্থ সিস্তেম প্রিপেয়র্দনেস পেকেজ: ফেস-II(ই.সি.আর.পি.- II পেকেজ’ ২০২১গী জুলাই ১দা এপ্রুব তৌখ্রে৷

ই.সি.আর.পি.- II অথুবা মতমদা চৎননবা, প্রিপরেতরী এক্তিবিতীশিং পাংথোক্নবা ১৫% এদভান্স ওইনা লুপা কোতি ১৮২৭.৮০গী শেনফম রাজ্যশিং/য়ু.তি.শিংদা ২০২১গী জুলাই ২২দা কাইথখ্রে৷ হৌজিক লৈরিবা লাইনা-লাইচৎকী ফিভম অসি লান্থেংননবগীদমক পব্লিক হেল্থ সিস্তেমশিং শেম-শাদুনা রাজ্য/জিলাগী থাকশিংদা মরু ওইবা থবক-থৌরমশিং পাংথোকপা য়াননবগীদমক মখাতাবা ফন্দ ৩৫% ঙসি রাজ্যশিং/য়ু.তি.শিংদা রিলিজ তৌরগনি, অমসুং থাদরিবা ফন্দশিং অসি পুন্না ৫০% শুরগনি৷

মসিগী স্কিম অসি সেত্রেল সেক্তর কম্পোনেন্তশিং য়াওরিবা সেন্ত্রেল্লী স্পোন্সর্দ স্কিম অমনি৷ মসিনা পেদিয়েত্রিক কেয়র অমসুং মিজরেবল আউতকমশিং য়াওনা হেল্থ ইনফ্রাস্ত্রকচর দিবলপমেন্তদা মীৎয়েং থমদুনা লাইচৎ অসি ঙন্না ঙাকথোক্নবা, দিতেক্ত তৌনবা অমসুং লাইয়েংনবগীদমক খুদক্কী ওইবা রেস্পোন্সকীদমক লৈরিবা হেল্থ সিস্তেম প্রিপেয়র্দনেসকী খোঙজেল য়াংখৎহন্নবা পান্দম থম্লি৷

ই.সি.আর.পি.- IIগী সেন্ত্রেল্লী স্পোন্সর্দ স্কিম(সি.এস.এস.)কম্পোনেন্তশিং অদুগী মখাদা, লুপা কোতি ১৪৭৪৪.৯৯গী শেনফম য়ৌনা ইমর্জেন্সী কোবিদ রেস্পোন্স প্লানশিং(ই.সি.আর.পি.) এপ্রুব তৌদুনা রাজ্যশিং/য়ু.তি.শিং সপোর্ত তৌরি৷ শেমগদৌরিবা ইনফ্রাস্ত্রকচরগী প্রপোজেলশিং অসি রাজ্যশিংদগী লাকখিবনি৷

মখাগী দেলিভরেবলশিং অসিদা ই.সি.আর.পি.- IIগী সি.এস.এস. কম্পোনেন্তনা রাজ্যশিং/য়ু.তি.শিং সপোর্ত তৌরগনি:

  • জিলাশিংদা পেদিয়েত্রিক য়ুনিত ৮২৭ শাদুনা অহেনবা ওক্সিজেন সপোর্ত তৌবা ফমুং ১৯০৩০ অমসুং আই.সি.য়ু./ঐচ.দি.য়ু. ফমুং ১০৪৪০ শেমগৎপা৷
  • পেদিয়েত্রিক সেন্তর ওফ এক্সিলেন্স(পেদিয়েত্রিক সি.ও.ই.) ৪২ শেমগৎনবা, দিস্ত্রিক পেদিয়েত্রিক য়ুনিতশিংদা তেলি-আই.সি.য়ু. সর্ভিসশিং, মেন্তরিং অমসুং তেক্নিকেল হেন্দ-হোল্দিং ফংহন্নবগীদমক রাজ্য/য়ু.তি অমমমদা(মেদিকেল কোলেজশিংদবু ওইরবসু, রাজ্য সরকারগী হোস্পিতালশিংদবু ওইরবসু নত্রগা কেন্দ্রগী হোস্পিতালশিং খুদম ওইনা এ.আই.আই.এম.এস., আই.এন.আই.শিংদবু ওইরবসু) য়ামদ্রবদা পেদিয়েত্রিক সেন্তর ওফ এক্সিলেন্স অমমম থম্বা৷
  • পব্লিক হেল্থকেয়র সিস্তেমদা আই.সি.য়ু. ফমুং ২৩০৫৬ হেনগৎহনবা, মসিগী মনুংদা ২০%দি পেদিয়েত্রিক আই.সি.য়ু. ফমুংশিং ওইরগনি৷
  • রুরেল, পেরি-আর্বান অমসুং ত্রাইবেল এরিয়াশিং অসিদা কোবিদ-১৯ শন্দোক্লিবা অসিনা মরম ওইদুনা কম্ম্যুনিতীদা হেন্না মীৎয়েং চংনবা, হৌজিক লৈরিবা সি.ঐচ.সি.শিং, পি.ঐচ.সি.শিং অমসুং এস.ঐচ.সি.শিং(৬-২০ বেদেদ য়ুনিতশিং) অসিদা অহেনবা ফমুংশিং হাপচিন্ননবগীদমক প্রি-ফেব্রিকেতেদ স্ত্রকচর ৮০১০ শেমদুনা ওক্সিজেন সপোর্ত তৌবা ফমুং ৭৫২১৮ শেমগৎপদা মতেং পাংলগনি৷
  • রাজ্যশিং/য়ু.তি.শিংনা পুখৎলকখিবা অৱাৎপশিং অদুগী মতুং ইন্না তাইয়র- II নত্রগা তাইয়র- III শহরশিং অমসুং দিস্ত্রিক হেদক্বাতরশিংদা ফিল্দ হোস্পিতাল ২০৩(৫০-১০০ বেদেদ য়ুনিতশিং) শেমগৎকদৌরিবা অসিনা ওক্সিজেন সপোর্ত তৌবা ফমুং ১৩০৬৫ শেমগৎপদা মতেং পাংলগনি৷
  • মেদিকেল গ্যাস পাইপলাইন সিস্তেম(এম.পি.জি.এস.)গী ফেসিলিতী ১৪৫০দা সপোর্ত তৌনবা লিক্বুইদ মেদিকেল ওক্সিজেন স্তোরেজ তেঙ্ক ৯৬১ ইন্সতোল তৌদুনা জিলা অমদা য়ামদ্রবদা অসিগুম্বা য়ুনিত অমমম সপোর্ত তৌনবা মীৎয়েং থম্বা৷
  • বেসিক লাইফ সপোর্ত (বি.এল.এস.) এম্বুলেন্সশিং অমসুং এদভান্স লাইফ সপোর্ত(এ.এল.এস.) ৫৭৬৮গা লোইননা হৌজিক লৈরিবা এম্বুলেন্সকী ফ্লীত হেনগৎহনবা৷
  • রাজ্যশিং/য়ু.তি.শিংদা ঐচ.আর. সপোর্ত পীবা হেনগৎনবা, কোবিদ-১৯ থেংননবা এন.এম.সি. গাইদলাইনশিংগী মতুং ইন্না ইফেক্তিব ওইবা কোবিদ মেনেজমেন্ত পাংথোক্ননবগীদমক অমসুং পোস্ত গ্রেজুয়েত রিসাইদেন্ত ৭২৮১, য়ু.জি. ইন্তর্ন ১৩১৯০, অরোইবা চহিদা তম্লিবা এম.বি.বি.এস. মহৈরোই ১২৯৪১, অরোইবা চহিদা তম্লিবা বি.এস.সি. নর্সিং মহৈরোই ৯২৭৩ অমসুং অরোইবা চহিদা তম্লিবা জি.এন.এম. নর্সিং মহৈরোই ১৫৬৮৭ লৌননবগীদমক ফাইনান্সিয়েল সপোর্ত পীরি৷
  • দিস্ত্রিক হোস্পিতাল ৬২১ অমসুং মেদিকেল কোলেজশিং/এস.দি.ঐচ./সি.ঐচ.সি.শিংগুম্বা অতোপ্পা পব্লিক হেল্থ কেয়র ফেসিলিতী ৯৩৩দা হোস্পিতাল মেনেজমেন্ত ইমপ্লিমেন্তেসন সিস্তেম(ঐচ.এম.আই.এস.) চৎনহনবা (অপুনবা ফেসিলিতী ১৫৫৪)৷
  • দিস্ত্রিক হব ৭৩৩দা তেলি-কন্সল্তেসন সর্ভিসশিং হেনগৎহনবা অমসুং লৈবাক অসিদা লৈরিবা স্পোক ১৫৬৩২দা সপোর্ত তৌবা৷
  • হৌজিক ফাওবগী ওইনা অদুমক মনুং চন্দনা লৈরিবা আর.তি.-পি.সি.আর. লেব পুন্না ৪৩৩ জিলাশিংদা শেমগৎপা অমসুং মথৌ নিংথিনা তৌহনবা৷
  • মতম পুম্নমক্তা কোবিদ এপ্রোপ্রিয়েত বিহেবিয়র ইনবা অমসুং “তেস্ত, আইসোলেত অমসুং ত্রিত” তৌবা অসি কোবিদ-১৯ ইফেক্তিব ওইনা মেনেজ তৌনবগী নেস্নেল স্ত্রাতিজী ওই৷ থা ৯দা য়ামদ্রবদা তেস্ত কোতি ৩৫.১৯ তৌননবা রেপিদ এন্তিজেন তেস্ত কিৎ কোতি ১৬.৫৫ অমসুং আর.তি.-পি.সি.আর. কোতি ১৮.৬৪ লৌশিন্ননবগীদমক সপোর্ত পীরি৷
  • বফর স্তোক শেম্বা য়াওনা কোবিদ-১৯ মেনেজমেন্তগীদমক তঙাই ফদবা হিদাক-লাংথকশিংগী অৱাৎপা পীনবা হোৎনবা৷ জিলা অমদা লুপা কোতি ১গী মমল য়ৌনা বফর স্তোক থম্বা য়াওনা তঙাই ফদবা হিদাক-লাংথোকশিং ফংহন্নবগীদমক রাজ্যশিং/য়ু.তি.শিংদা লৈরিবা জিলা ৭৪০দা এপ্রুবেলশিং পীখ্রে৷

কোবিদ-১৯না মরম ওইরগা পিরিবা থ্রেত অসি ঙাকথোক্নবা, দিতেক্ত তৌনবা অমসুং রেস্পোন্স পীনবা ২০২১গী এপ্রীল থাদা ই.সি.আর.পি.-Iনা লুপা কোতি ১৫,০০০(য়ু.এস.দি. বিলিয়ন ২) রাজ্যশিং/য়ু.তি. পুম্নমক্তা রিলিজ তৌখ্রে৷

******



(Release ID: 1746783) Visitor Counter : 54