ভারত মচা পুম্বা থৱায় হকচাং য়াওনা অমৃতমহোৎসব পাংথোক্নবা শেম-শাদুনা লৈখ্রে। লৈবাক পুম্বা নেস্নেল এন্থেম শক্তুনা হরাও-তয়াম্না অজাদীকাঅমৃতমহোৎসব শরুক য়ানবা লাউথোকখ্রে। ভারত অমসুং মালেম শিনবা থুংবদগী ভারতমচা কোতি ১.৫ হেন্না হায়রিবা য়াম্না অখন্নবা মতম অসিদা মমাংদা অমুক্তা লৈখিদ্রিবা রেকোর্দ অমা থম্নবা রেকোর্দ তৌদুনা মখোয়গী ভিদিও থাগৎনরক্লি। হায়রিবা অসি থায়নদগী লৈরক্লবা ভারতকী অমত্তা ওইবা, থৌনা অমসুং পুনশিনবগী খুদম্নি।  

জুলাই ২৫দা, ইকাই খুম্নরবা প্রধান মন্ত্রী শ্রী নরেন্দ্র মোদীনা ভারতকী মীয়ামদা নেস্নেল এন্থেম পুন্না শকমিন্নবা মন কী বাত্তা কন্না লাউখি। লাইৱা অমগুম্না, মসিগী তৌখিবা বার্তোন অসিনা ভারতকী প্রজাশিংগী থৱায় হকচাংদা চংখিদুনা ঙসিদি পুন্না পুৱারী শেমদুনা কাইবা ঙম্লরোইদবা রেকোর্দ অমা থমখ্রে।  

ভারত সরকারগী, কলচর মিনিস্ত্রীনা থৌরম অমা শেমদুনা মীয়াম্না ওগস্ত ১৫দা নেস্নেল এন্থেম শক্তুনা ৱেবসাইত্তা থাগৎপা য়াহল্লি। রেকোর্দ থমখিবা মশীংদগী খুমদম সেক্সন খুদিংগী ওইনা লৈবাক শিনবা থুংবগী মীয়াম্না, থৱায় য়াওনা অমত্তা ঙাইরবা খোঙথাং অসিদা শরুক য়ারি।

শক্নাইরবা আর্তিস্ত, মমিং লৈরবা স্কোলার, মকোক থোংবা লুচিংবা, মকোক থোংবা ওফিসরশিং, থৌনা লৈরবা লান্মীশিং, মমিং লৈরবা শান্নরোইদগীনা লৌমীশিং, থবক শুবশিং, মীপুম খুদিংনা অমত্তা ওইনা নেস্নেল এন্থেমবু খোঞ্জেল অমদা শকমিন্নখি। কশ্মীরদগী কৈন্যাকুমারী ফাওবা, অরুনাচল প্রদেশতগী কুতচ ফাওবা জন গনমন শকখিবা খোঞ্জেলনা মাইকৈ খুদিংদগী নিলখি।

ভারতকী মপাল লমদা লৈরিবা ঐখোয়গী ইরৈচাশিংনা থৱায় হকচাং য়াওনা শরুক য়াদুনা মখোয়গী থৱায়না মসিগী লমদম ভারত অসিদা লৈরি হায়না অমুক হন্না উৎখ্রে। ভারত মচাশিংনা মাইল লিশিং কয়াদগী কাচিন কোয়া শিনবা থুবদগী নেস্নেল এন্থেমবু ভারতকী নাগরীক কোতি চামা অমসুং কুনথ্রা-তরুক্কী খোঞ্জেলনা অমত্তা ওইনা পুনখি। অশেংবদি এন্ত্রী মিল্লিয়ন ১৫ হেন্না নুমিৎ কুনমাইথোই খক্তদা ফংদুনা মসিনা ভারতকী মীয়াম্না করিগুম্বা অমা থৱায় য়াওনা তৌরকপদা, ফংবা ঙম্লোইদবা পন্থুং অমত্তা লৈতে।

নেস্নেল এন্থেম অসি ঐখোয়গী চাওথোকচনিঙাইগী মার্কানি। নেস্নেল এন্থেম শকপগী থৌরম অসিনা ঐখোয়গী থাজবা থম্বা অমসুং অপুনবদা থাজবা পীবতা নত্তনা মালেম পুম্বদা ভারতী অচেৎপা পুনশিনবগী পাউজেল পীরি।

*****