نئی دہلی:10؍اگست2021:

صارفین امور، غذا اور عوامی تقسیم نظام وزارت کی وزیر مملکت محترمہ سادھوی نرنجن جیوتی نے آج لوک سبھا میں ایک سوال کے تحریری جواب میں بتایا کہ کبھی کبھی بے موسم برسات ، غیر یقینی بارش، طوفان اور موسمیاتی تبدیلی جیسی قدرتی آفات کی وجہ سے غذائی اجناس کے معیار کو متاثر کرنے والی صورتحال پیدا ہوجاتی ہے۔سرکار کسانوں کے فائدے کے لئے متعلقہ ریاستی سرکار کی درخواست پر خرید ضابطے میں رعایت کی اجازت دیتی ہے۔پچھلے تین سالوں کے دوران دی گئی رعایت کا ریاست وار؍اشیاء وارتفصیل اس طرح ہے:

پچھلے تین سالوں کے دوران خرید ضابطے میں ریاست وار؍ اشیاء وارتفصیل:

 

 

نوٹ:دھان کی رعایت کے دوران خراب جمے ہوئے اور پھپھوند لگے ہوئے اناج کا تناسب 4 فیصد سے زیادہ نہیں ہونا چاہئے۔

زراعت اور کسان بہبود کی وزارت کے تحت زراعتی لاگت اور قیمت سے متعلق کمیشن (سی اے سی پی)کو کل ہند سطح پر غذائی اجناس سمیت 22زرعی اشیاء کے لئے کم سے کم قیمت (ایم ایس پی)اور گنّے کےلئے مناسب اور فائدہ مند قیمت کی سفارش کرنا لازمی ہے۔

غذائی اجناس کے لئے فائدہ مند قیمت اور کسانوں سے اس کی وقت پر خرید کو یقینی بنانے کےلئے سرکار کے ذریعے کئے گئے اقدامات یہ ہیں:

1. کم از کم امدادی  قیمت(ایم ایس پی)بھارت سرکار کے ذریعے فصلوں کے لئے بوائی کے موسم کے آغاز کے دوران اعلان کیا جاتا ہے اور ایم ایس پی پر اور ہی غذائی اجناس کی خرید کی جاتی ہے۔
2. پرنٹ اور الیکٹرونک میڈیا کی توسط سے پمفلٹ ، بینر، سائن بورڈ، ریڈیو، ٹی وی اور اشتہارات کے توسط سے ایم ایس پی کارروائی  کی وسیع طورپر تشہیر کی جاتی ہے۔
3. کسانوں کو ان کی پیداوار کے خصوصی معیار اور خرید نظام کے بارے میں باخبر کیا جاتا ہے، تاکہ وہ اُسی حساب سے اپنی پیداوار فروخت کرنے کے لئے لاسکیں۔
4. پیداوار، فروخت کی سہولت  کسانوں کو سہولت کے ساتھ ساتھ دیگر رسد ؍بنیادی ڈھانچے جیسے ذخیرہ اندوزی اور لانے لے جانے وغیرہ کی دستیابی کو ذہن میں رکھتے ہوئے خرید مراکز کھولے جاتے ہیں۔موجودہ کاروباری منڈیوں اور ڈپوں ؍گوداموں کے علاوہ بڑی تعدادمیں عارضی خرید مراکز ہیں۔ کسانوں کو ان کی پیداوار کی وقت پر خرید کے لئے سہولت فراہم کرنے والے مقامات پر ہی انہیں قائم کیا گیا ہے۔
5. کسان براہ راست بھارت سرکار کے ذریعے اعلان شدہ ایم ایس پی حاصل کرتے ہیں اور کے ایم ایس 16-2015ء سے چاول کی خرید کے لیوی  نظام کو ختم کرنے کا فیصلہ کیا گیا ہے، جس سے دھان کی پوری خرید صرف ریاستی ایجنسیوں؍ ایف سی آئی کے ذریعے کی جاسکتی ہے۔
6. کسانوں کو ادائیگی  ریاستی ایجنسیوں؍ ایف ایس آئی کے ذریعے الیکٹرونک ذرائع سے کی جاتی ہے۔ خرید کے48 گھنٹے کے اندر کسانوں کو قیمت کی ادائیگی کی کوشش کی جارہی ہے۔
7. ایف سی آئی اور ریاستی سرکاروں نے اپنا آن لائن خرید سسٹم تیار کیا ہے، جو کسانوں کو حقیقی خرید کا مناسب رجسٹریشن اور نگرانی کے توسط سے شفافیت اور سہولت مہیا کرتی ہے۔
8. خرید ایجنسیوں کے ذریعے تعینات ای-پروکیورنگ ماڈیول کے توسط سے کسانوں کو اعلان شدہ ایم ایس پی، قریب ترین خرید مرکز ، کسان کو اپنی پیداوار خرید مرکز پر لانے کی تاریخ وغیرہ کے بارے میں جدید ترین معلومات ملتی ہیں۔اس سے نہ صرف انتظار کی مدت کم ہوجاتی ہے، بلکہ اسٹاک کی ڈلیوری کسانوں کو اپنی سہولت کے مطابق قریب ترین منڈی میں پہنچانے کا اہل بنا دیتاہے۔

************

ش ح۔ج ق۔ن ع

 

(U: 7690)

(Release ID: 1744582)