ఆహార ప్రాసెసింగ్ పరిశ్రమల మంత్రిత్వ శాఖ (ఎంఓఎఫ్‌పిఐ) 2016-17 నుండి వ్యవసాయ ఉత్పత్తుల ప్రాసెసింగ్ మరియు ఆదాయాన్ని పెంచడంతో పాటుగా ఆహార ప్రాసెసింగ్ రంగానికి సంబంధించిన వృద్ధి మరియు అభివృద్ధి కోసం సెంట్రల్ సెక్టార్ పథకం- ప్రధాన మంత్రి కిసాన్ సంపద యోజన (పిఎంకెఎస్‌వై)ను అమలు చేస్తోంది. పిఎంకెఎస్‌వై యొక్క కాంపోనెంట్ స్కీమ్‌లు - (i) మెగా ఫుడ్ పార్క్, (ii) ఇంటిగ్రేటెడ్ కోల్డ్ చైన్ మరియు వాల్యూ యాడ్ ఇన్‌ఫ్రాస్ట్రక్చర్, (iii) ఫుడ్ ప్రాసెసింగ్ & ప్రిజర్వేషన్ సామర్ధ్యాల ఏర్పాటు /విస్తరణ, (iv) వ్యవసాయ ప్రాసెసింగ్ క్లస్టర్‌ల కోసం మౌలిక సదుపాయాలు, (v)  వెనుకబడిన & ఫార్వర్డ్ లింకేజీల సృష్టి, (vi) ఆహార భద్రత మరియు నాణ్యత భరోసా మౌలిక సదుపాయాలు, (vii) మానవ వనరులు మరియు సంస్థలు, (viii) ఆపరేషన్ గ్రీన్స్. పిఎంకెఎస్‌వై కాంపోనెంట్ స్కీమ్‌ల కింద ఆహార ప్రాసెసింగ్ పరిశ్రమల మంత్రిత్వ శాఖ  ఎక్కువగా క్రెడిట్ లింక్డ్ ఫైనాన్షియల్ అసిస్టెన్స్ (క్యాపిటల్ సబ్సిడీ) ని గ్రాంట్-ఇన్-ఎయిడ్ రూపంలో ఫుడ్ ప్రాసెసింగ్ / ప్రిజర్వేషన్ పరిశ్రమల ఏర్పాటు కోసం అందిస్తుంది. పిఎంకెఎస్‌వై అనేది ప్రాంతం లేదా రాష్ట్ర నిర్దిష్టమైనది కాదు. ఇది డిమాండ్ ఆధారితమైనది మరియు తమిళనాడు గ్రామీణ ప్రాంతాలతో సహా దేశవ్యాప్తంగా అమలు చేయబడుతుంది. ఇప్పటివరకు, మంత్రిత్వ శాఖ 41 మెగా ఫుడ్ పార్కులు, 353 కోల్డ్ చైన్ ప్రాజెక్ట్‌లు, 63 ఆగ్రో ప్రాసెసింగ్ క్లస్టర్‌లు, 292 ఫుడ్ ప్రాసెసింగ్ యూనిట్లు, 63 బ్యాక్‌వర్డ్ & ఫార్వర్డ్ లింకేజీ ప్రాజెక్ట్‌లు & 6 ఆపరేషన్ గ్రీన్ ప్రాజెక్ట్‌లను పిఎంకెఎస్‌వైకు చెందిన కాంపోనెంట్ స్కీమ్‌ల కింద ఆమోదించింది. వీటిలో 1 మెగా ఫుడ్ పార్క్ ప్రాజెక్ట్, 17 కోల్డ్ చైన్ ప్రాజెక్ట్‌లు, 10 ఆగ్రో ప్రాసెసింగ్ క్లస్టర్‌లు, 22 ఫుడ్ ప్రాసెసింగ్ యూనిట్లు, 9 బ్యాక్‌వర్డ్ & ఫార్వర్డ్ లింకేజీ ప్రాజెక్ట్‌లు & 20 ఫుడ్ టెస్ట్ లాబొరేటరీ ప్రాజెక్ట్‌లను తమిళనాడులో పిఎంకెఎస్‌వై సంబంధిత కాంపోనెంట్ స్కీమ్‌ల కింద మంత్రిత్వ శాఖ ఆమోదించింది.

పిఎంకెఎస్‌వై కాంపోనెంట్ స్కీమ్‌ల కింద దేశవ్యాప్తంగా మంజూరు చేయబడిన ప్రాజెక్టులు పూర్తయిన తర్వాత దాదాపు 34 లక్షల మందికి ప్రయోజనం చేకూరుస్తాయని అంచనా. 2020 సంవత్సరంలో ఎం/ఎస్‌ నాబార్డ్ కన్సల్టెన్సీ లిమిటెడ్ (నాబ్‌కాన్స్‌) నిర్వహించిన ఇంటిగ్రేటెడ్ కోల్డ్ చైన్ మరియు వాల్యూ యాడ్ ఇన్‌ఫ్రాస్ట్రక్చర్ స్కీమ్  మూల్యాంకన అధ్యయనంలో ఈ పథకం కింద క్యాప్టివ్ ప్రాజెక్టులు 12.38 % వ్యవసాయ గేట్ ధరలను పెంచాయని అంచనా వేయబడింది. మరియు ప్రతి ప్రాజెక్ట్ 9500 మందికి పైగా రైతులకు ప్రయోజనం చేకూరుస్తుందని అంచనా.

అలాగే ఆత్మనిర్భర్ భారత్ చొరవలో భాగంగా ఎంఓఎఫ్‌పిఐ 2 లక్షల మైక్రో ఫుడ్ ప్రాసెసింగ్ ఎంటర్‌ప్రైజ్‌లను ఏర్పాటు చేయడానికి లేదా అప్‌గ్రేడ్ చేయడానికి ఆర్థిక, సాంకేతిక మరియు వ్యాపార మద్దతును అందించడానికి మైక్రో ఫుడ్ ప్రాసెసింగ్ ఎంటర్‌ప్రైజెస్ స్కీమ్ (పిఎంఎఫ్‌ఎంఈ) యొక్క కేంద్ర ప్రాయోజిత పథకమైన పిఎం ఫార్మలైజేషన్‌ను క్రెడిట్ లింక్డ్ సబ్సిడీ 2020-21 నుండి 2024-25 వరకు ఐదు సంవత్సరాలలో రూ .10,000 కోట్లతో  అమలు చేస్తోంది. ఇందులో మొత్తం 12128 యూనిట్లు ఐదేళ్లలో తమిళనాడుకు రూ .572.71 కోట్ల తాత్కాలిక వ్యయంతో కేటాయించబడ్డాయి.

ఈ సమాచారాన్ని ఫుడ్ ప్రాసెసింగ్ ఇండస్ట్రీస్ మంత్రిత్వశాఖ సహాయమంత్రి శ్రీ ప్రహ్లాద్ సింగ్ పటేల్ ఈరోజు లోక్ సభలో లిఖితపూర్వకంగా ఇచ్చారు.

 

*****