سڑک ٹرانسپورٹ اور شاہراہوں کے مرکزی جناب نتن گڈکری نے کہا کہ سرکاری ، نجی اشتراک اور  لگاتار کوششوں سے  ملک  میں سڑک حادثات کو کم کرنے میں مدد ملے گی اور  سڑک  کے تحفظ کو بہتر بنایا جاسکے گا۔  سڑک تحفظ کے لئے  نجی سرمایہ کاری پر ایک ویبنار سے خطاب کرتے ہوئے انہوں نے نجی سیکٹر سے کہاکہ وہ  سڑک تحفظ کے لئے سماجی بیداری اور سماجی ذمہ داری کے علاوہ سماجی شعور پیدا کرنے میں تعاون کریں اور اپنے کارپوریٹ سماجی ذمہ داری سی ایس آر فنڈ کااستعمال کریں تاکہ سڑک تحفظ سے  متعلق تمام تشویش کو دور کیا جاسکے۔  جناب گڈکری نے 2025 تک سڑک اموات کو 50 فیصد تک کم کرنے کے نشانے کو حاصل کرنے کے عزم کو دہرایا اور کہا کہ 2030 تک ملک میں  حادثات سے متعلق اموات صفر تک لائی جاسکیں گی۔

 

 

وزیرموصوف نے کہا کہ سڑک حادثات معاشرے اور پورے ملک پر سماجی اقتصادی بوجھ ڈالتے ہیں ۔ انہوں نے پرائیویٹ سیکٹر کی کمپنیوں سے اپیل کی کہ وہ سماجی رشتوں کے فروغ کے لئے آگے آئے۔ انہوں نے کہا کہ سماجی تعاون کے ساتھ  حاصل کئے گئے خزانہ کا قومی سطح پر دیگرسڑک تحفظ حکمت عملیوں اور زیر اموات جیسے پروجیکٹوں پر پیسہ لگانے کے لئے موثر طور پر استعمال کیا جائے گا۔

 

******

 

( ش ح ۔ح ا۔ف ر)

U- 7673

(ریلیز آئی ڈی: 1744351) وزیٹر کاؤنٹر : 218