ਭਾਰਤ ਸਰਕਾਰ ਦੇਸ਼ ਵਿੱਚ ਵਿਸ਼ਵ ਪੱਧਰ ਨੂੰ ਪ੍ਰਾਪਤ ਕਰਨ ਲਈ ਉੱਚ ਸਿੱਖਿਆ ਸੰਸਥਾਵਾਂ ਦੇ ਸ਼ਕਤੀਕਰਣ ਲਈ ਵਚਨਬੱਧ ਹੈ । ਇਸ ਸੰਦਰਭ ਵਿੱਚ ਸਾਲ 2017 ਵਿੱਚ ਵਿਸ਼ਵ ਸ਼੍ਰੇਣੀ ਸੰਸਥਾਵਾਂ ਸਕੀਮ ਲਾਂਚ ਕੀਤੀ ਗਈ ਸੀ ਤਾਂ ਜੋ 10 ਸੰਸਥਾਵਾਂ , ਹਰੇਕ ਨਿਜੀ ਅਤੇ ਜਨਤਕ ਸ਼੍ਰੇਣੀ ਵਿੱਚੋਂ ਵਿਸ਼ਵ ਪੱਧਰੀ ਅਕਾਦਮਿਕ ਅਤੇ ਖੋਜ ਸਹੂਲਤਾਂ ਵਾਲੀ ਅਤੇ ਉਹਨਾਂ ਨੂੰ ਇੰਸਟੀਚਿਊਸ਼ਨ ਆਫ ਐਮੀਨੈਂਸ (ਆਈ ਓ ਈ) ਦਾ ਰੁਤਬਾ ਦਿੱਤਾ ਜਾ ਸਕੇ । ਹੁਣ ਤੱਕ 12 ਸੰਸਥਾਵਾਂ (8 ਜਨਤਕ ਤੇ 4 ਨਿਜੀ) ਨੂੰ ਇਸ ਸਕੀਮ ਤਹਿਤ ਮਨਜ਼ੂਰੀ ਦਿੱਤੀ ਗਈ ਹੈ । ਇਹਨਾਂ ਸੰਸਥਾਵਾਂ ਨੂੰ ਨਿਯੰਤਰੀ ਢਾਂਚੇ ਤਹਿਤ ਅਕਾਦਮਿਕ , ਪ੍ਰਸ਼ਾਸਨਿਕ ਅਤੇ ਮਾਲੀ ਮਾਮਲਿਆਂ ਵਿੱਚ ਮਹੱਤਵਪੂਰਨ ਖੁਦਮੁਖਤਿਆਰੀ ਦਿੱਤੀ ਗਈ ਹੈ ਤਾਂ ਜੋ ਉਹ ਵਿਸ਼ਵੀ ਸਿੱਖਿਆ ਸੰਸਥਾਵਾਂ ਵਜੋਂ ਉਭਰ ਸਕਣ । ਸਰਕਾਰ ਜਨਤਕ ਇੰਸਟੀਚਿਊਸ਼ਨ ਆਫ ਐਮੀਨੈਂਸ ਹਰੇਕ ਨੂੰ 1,000 ਕਰੋੜ ਰੁਪਏ ਤੱਕ (ਪੰਜ ਸਾਲਾਂ ਲਈ) ਵਿੱਤੀ ਸਹਾਇਤਾ ਕਰ ਰਹੀ ਹੈ । ਸਕੀਮ ਵਿੱਚ ਕਲਪਨਾ ਕੀਤੀ ਗਈ ਹੈ ਕਿ ਆਈ ਓ ਈ ਵਜੋਂ ਚੋਣ ਤੋਂ ਬਾਅਦ 10 ਸਾਲਾਂ ਦੇ ਸਮੇਂ ਵਿੱਚ ਚੁਣੀਆਂ ਹੋਈਆਂ ਸੰਸਥਾਵਾਂ ਦੀ ਗਿਣਤੀ ਸਰਵੋਤਮ 500 ਵਿਸ਼ਵੀ ਸਿੱਖਿਆ ਸੰਸਥਾਵਾਂ ਵਿੱਚ ਹੋਵੇ ਅਤੇ ਵਿਸ਼ਵ ਦੇ ਜਾਨੇਮਾਨੇ ਰੈਂਕਿੰਗ ਢਾਂਚੇ ਵਿੱਚ ਸਰਵੋਤਮ 100 ਵਿਸ਼ਵੀ ਸੰਸਥਾਵਾਂ ਦੀ ਸੂਚੀ ਵਿੱਚ ਆਉਣ ਲਈ ਸੁਧਾਰ ਕਰਨ ।

ਇਹ ਜਾਣਕਾਰੀ ਕੇਂਦਰੀ ਸਿੱਖਿਆ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ ਹੈ ।
 

***********

ਐੱਮ ਜੇ ਪੀ ਐੱਸ / ਏ ਕੇ

(Release ID: 1742976) Visitor Counter : 90