ਕੇਂਦਰੀ ਰਾਜ ਮੰਤਰੀ (ਸੁਤੰਤਰ ਚਾਰਜ) ਵਿਗਿਆਨ ਅਤੇ ਟੈਕਨੋਲੋਜੀ; ਰਾਜ ਮੰਤਰੀ (ਸੁਤੰਤਰ ਚਾਰਜ)  ਪ੍ਰਿਥਵੀ ਵਿਗਿਆਨ; ਪ੍ਰਧਾਨ ਮੰਤਰੀ ਦਫਤਰ, ਪ੍ਰਸੋਨਲ, ਲੋਕ ਸ਼ਿਕਾਇਤਾਂ, ਪੈਨਸ਼ਨਾਂ, ਪਰਮਾਣੂ ਊਰਜਾ ਅਤੇ ਪੁਲਾੜ ਵਿਭਾਗ ਦੇ ਮੰਤਰਾਲਿਆਂ ਵਿੱਚ ਰਾਜ ਮੰਤਰੀ ਡਾ: ਜਿਤੇਂਦਰ ਸਿੰਘ ਨੇ ਕਿਹਾ ਕਿ ਪੁਲਾੜ ਪ੍ਰੋਗਰਾਮ ਕਿਸੇ ਵੀ ਦੇਸ਼ ਦੇ ਵਿਕਾਸ ਕਾਰਜਾਂ ਦੇ ਵਿਭਿੰਨ ਖੇਤਰਾਂ ਵਿੱਚ ਲਾਭਦਾਇਕ ਸੇਵਾਵਾਂ ਪ੍ਰਦਾਨ ਕਰਦਾ ਹੈ। ਪੁਲਾੜ ਪ੍ਰੋਗਰਾਮ ਦੇ ਚੁਣੇ ਹੋਏ ਖੇਤਰਾਂ ਵਿੱਚ ਭਾਰਤ ਦੀ ਆਪਣੀ ਤਰਜੀਹ ਹੈ ਅਤੇ ਉਹ ਆਪਣੇ ਪੁਲਾੜ ਪ੍ਰੋਗਰਾਮਾਂ ਵਿੱਚ ਮੁਕਾਬਲਤਨ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਹੈ I ਅੱਜ ਲੋਕ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ, ਉਨ੍ਹਾਂ ਕਿਹਾ, ਪੁਲਾੜ ਖੇਤਰ ਦੇ ਸੁਧਾਰ ਨਿੱਜੀ ਕੰਪਨੀਆਂ ਨੂੰ ਬਰਾਬਰ ਖੇਡਣ ਦੇ ਖੇਤਰ ਪ੍ਰਦਾਨ ਕਰਨ ਦੇ ਇਰਾਦੇ ਨਾਲ ਕੀਤੇ ਗਏ ਸਨ ਅਤੇ ਉਨ੍ਹਾਂ ਨੂੰ ਅੰਤ ਤੋਂ ਅੰਤ ਤੱਕ ਪੁਲਾੜ ਗਤੀਵਿਧੀਆਂ ਕਰਨ ਦੇ ਯੋਗ ਬਣਾਇਆ ਗਿਆ ਸੀ। 

ਭਾਰਤ ਵਿੱਚ ਇੱਕ ਪੁਲਾੜ ਉਦਯੋਗ ਈਕੋਸਿਸਟਮ ਬਣਾਉਣ ਲਈ ਭਾਰਤ ਸਰਕਾਰ ਵੱਲੋਂ ਕਈ ਕਦਮ ਚੁੱਕੇ ਗਏ ਹਨ ਜਿਵੇਂ ਕਿ ਹੇਠਾਂ ਦੱਸਿਆ ਗਿਆ ਹੈ:

ਇੱਕ ਰਾਸ਼ਟਰੀ ਪੱਧਰ ਦੀ ਖੁਦਮੁਖਤਿਆਰ ਨੋਡਲ ਏਜੰਸੀ ਅਰਥਾਤ ਇੰਡੀਅਨ ਨੈਸ਼ਨਲ ਸਪੇਸ ਪ੍ਰਮੋਸ਼ਨ ਐਂਡ ਅਥਾਰਟਾਈਜੇਸ਼ਨ ਸੈਂਟਰ (ਇਨ-ਸਪੇਸ) ਸਪੇਸ ਵਿਭਾਗ (ਡੀਓਐਸ) ਦੇ ਅਧੀਨ ਸਪੇਸ ਗਤੀਵਿਧੀਆਂ ਲਈ ਪ੍ਰਾਈਵੇਟ ਕੰਪਨੀਆਂ ਨੂੰ ਉਤਸ਼ਾਹਤ ਕਰਨ, ਸੰਭਾਲਣ, ਅਧਿਕਾਰਤ ਕਰਨ ਅਤੇ ਲਾਇਸੈਂਸ ਦੇਣ ਲਈ ਸਥਾਪਤ ਕੀਤੀ ਜਾ ਰਹੀ ਹੈ। 

ਡੀਓਐੱਸ ਸੁਵਿਧਾਵਾਂ ਤੱਕ ਪਹੁੰਚ ਅਤੇ ਮੁਹਾਰਤ ਨੂੰ ਪ੍ਰਾਈਵੇਟ ਇਕਾਈਆਂ ਨੂੰ ਉਨ੍ਹਾਂ ਦੀਆਂ ਪੁਲਾੜ ਗਤੀਵਿਧੀਆਂ ਦਾ ਸਮਰਥਨ ਕਰਨ ਲਈ ਵਿਸਥਾਰਤ ਕੀਤਾ ਗਿਆ ਹੈ। 

ਪੁਲਾੜ ਟੈਕਨੋਲੋਜੀ ਦੇ ਨਵੇਂ ਖੇਤਰਾਂ ਵਿੱਚ ਚੁਣੌਤੀਆਂ ਦੀ ਪੇਸ਼ਕਸ਼ ਕਰਦੇ ਹੋਇਆਂ ਮੌਕਿਆਂ ਦਾ ਐਲਾਨ ਕੀਤਾ ਗਿਆ ਸੀ। 

ਭਾਰਤ ਸਰਕਾਰ ਪੁਲਾੜ ਦੇ ਖੇਤਰ ਵਿੱਚ ਵਿਕਸਤ ਤਕਨਾਲੋਜੀਆਂ ਨੂੰ ਭਾਰਤੀ ਉਦਯੋਗਾਂ ਵਿੱਚ ਤਬਦੀਲ ਕਰਨ ਲਈ ਉਤਸ਼ਾਹਤ ਕਰ ਰਹੀ ਹੈ। 

ਇਸ ਤੋਂ ਇਲਾਵਾ, ਭਾਰਤ ਸਰਕਾਰ ਨਵੀਆਂ ਸੈਕਟਰ ਨੀਤੀਆਂ ਅਤੇ ਦਿਸ਼ਾ ਨਿਰਦੇਸ਼ ਲਿਆ ਰਹੀ ਹੈ ਅਤੇ ਮੌਜੂਦਾ ਨੀਤੀਆਂ ਵਿੱਚ ਵੀ ਸੋਧ ਕਰ ਰਹੀ ਹੈ। 

ਪੁਲਾੜ ਖੇਤਰ ਦੇ ਸੁਧਾਰਾਂ ਨਾਲ, ਅਕਾਦਮਿਕ ਸੰਸਥਾਵਾਂ, ਸਟਾਰਟ-ਅਪਸ ਅਤੇ ਉਦਯੋਗਾਂ ਸਮੇਤ ਪ੍ਰਾਈਵੇਟ ਸੈਕਟਰ ਤੋਂ ਰਾਸ਼ਟਰੀ ਪੁਲਾੜ ਆਰਥਿਕਤਾ ਦੇ ਵਿਸਥਾਰ, ਰੋਜ਼ਗਾਰ ਦੇ ਵਧੇਰੇ ਮੌਕੇ ਸਿਰਜਣ ਅਤੇ ਬਿਹਤਰ ਨਿਰਮਾਣ ਸਹੂਲਤਾਂ ਪੈਦਾ ਕਰਨ ਲਈ ਅੰਤ ਤੋਂ ਅੰਤ ਤੱਕ ਪੁਲਾੜ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਦੀ ਉਮੀਦ ਹੈ। 

------------------------ 

ਐੱਸ ਐੱਨ ਸੀ /ਟੀ ਐੱਮ/ਆਰ ਆਰ 

(Release ID: 1742492) Visitor Counter : 148