आरोग्य आणि कुटुंब कल्याण मंत्रालय

कोविड-19 लसीकरणाविषयी अद्ययावत माहिती

राज्ये आणि केंद्रशासित प्रदेशांना कोविड प्रतिबंधक लसीच्या आतापर्यंत 50 कोटी 37 लाखांहून अधिक मात्रा पुरविण्यात आल्या

राज्ये आणि केंद्रशासित प्रदेश सरकारे तसेच खासगी रुग्णालयांकडे 2 कोटी 60 लाखांहून अधिक मात्रा अजूनही शिल्लक आणि पुढील काळातील लसीकरणासाठी उपलब्ध

Posted On: 04 AUG 2021 9:38AM by PIB Mumbai

नवी दिल्ली 04 ऑगस्ट 2021


संपूर्ण देशात कोविड-19 प्रतिबंधक लसीकरण मोहिमेचा वेग वाढवत नेऊन मोहिमेच्या व्याप्तीचा विस्तार करण्यासाठी केंद्र सरकार कटिबद्ध आहे. देशात 21 जून 2021 पासून या लसीकरण मोहिमेच्या सार्वत्रिकीकरणाचा नवा टप्पा सुरु झाला. लसीच्या अधिक मात्रांची उपलब्धता, राज्ये आणि केंद्रशासित प्रदेशांना लसीकरणाचे उत्तम नियोजन करता यावे यासाठी त्यांच्याकरिता उपलब्ध असलेल्या लसीच्या मात्रांची आगाऊ स्वरुपात माहिती आणि लस पुरवठा साखळीचे प्रवाहित मार्गीकरण या माध्यमातून लसीकरण मोहिमेचा वेग वाढविण्यात येत आहे.

राष्ट्रव्यापी लसीकरण मोहिमेचा एक भाग म्हणून भारत सरकार सर्व राज्ये आणि केंद्रशासित प्रदेशांना कोविड प्रतिबंधक लसीचा मोफत पुरवठा करून त्यांना मदत करीत आहे. कोविड-19 प्रतिबंधक लसीकरण मोहिमेच्या सार्वत्रिकीकरणाच्या या नव्या टप्प्यात केंद्र सरकार, देशातील लस निर्मात्यांनी उत्पादित केलेल्या लसीच्या साठ्यापैकी 75% साठ्याची खरेदी करून त्याचा पुरवठा सर्व राज्ये आणि केंद्रशासित प्रदेशांना करणार आहे.

 

 

VACCINE DOSES

 

(As on 4 August 2021)

 

SUPPLIED

 

50,37,22,630

 

IN PIPELINE

 

49,19,780

 

CONSUMPTION

 

48,19,75,798

 

BALANCE AVAILABLE

 

 

2,60,17,573




सर्व उपलब्ध मार्गांनी मिळवलेल्या कोविड प्रतिबंधक लसीच्या मात्रांपैकी केंद्र सरकारने सर्व राज्ये आणि केंद्रशासित प्रदेशांना आतापर्यंत एकूण 50 कोटी 37 लाखांहून अधिक (50,37,22,630) मात्रांचा पुरवठा केला आहे आणि आणखी 49,19,780 मात्रांचा पुरवठा करण्याची प्रक्रिया प्रगतीपथावर आहे.

या मात्रांपैकी वाया गेलेल्या मात्रांची आकडेवारी जमेस धरून (आज सकाळी 8 वाजेपर्यंत उपलब्ध आकडेवारीनुसार) आतापर्यंत एकूण 48,19,75,798 मात्रांचा वापर करण्यात आला आहे.


राज्ये आणि केंद्रशासित प्रदेश सरकारांकडे तसेच खासगी रुग्णालयांकडे पुढील काळातील लसीकरणासाठी कोविड प्रतिबंधक लसीच्या 2 कोटी 60 लाखांहून अधिक (2,60,17,573) मात्रा अजूनही उपलब्ध आहेत.

 

****


STupe/SChitnis/Cyadav

सोशल मिडियावर आम्हाला फॉलो करा: @PIBMumbai   Image result for facebook icon /PIBMumbai    /pibmumbai  pibmumbai@gmail.com



(Release ID: 1742173) Visitor Counter : 104