ڈاکٹر (پروفیسر) ہریش ہیرانی، ڈائرکٹر، سی ایس آئی آر- سنٹرل مکینیکل انجینئرنگ ریسرچ انسٹی ٹیوٹ، درگا پور نے پنجاب کے لدھیانہ میں ”قدرتی طور پر ہوا دار پولی ہاؤس سہولت“ کا افتتاح کیا اور ”ریٹریکٹیبل روف پولی ہاؤس“ کا سنگ بنیاد رکھا۔

ٹکنالوجی کے بارے میں بتاتے ہوئے پروفیسر ہیرانی نے کہا کہ کسانوں کو بہت سے مسائل کا سامنا کرنا پڑتا ہے جیسے کہ ضرورت سے زیادہ یا ناکافی سردی، گرمی، بارش، ہوا اور ناکافی اخراج بخارات سے وابستہ دیگر عوامل، اور کیڑے مکوڑوں کی وجہ سے بھارت میں فصلوں کا نقصان فی الحال تقریباً 15 فیصد ہے اور یہ نقصان بڑھ سکتا ہے کیونکہ موسمیاتی تبدیلی کیڑے مکوڑوں کے خلاف پودوں کے دفاعی نظام کو کم کرتی ہے۔ کسی حد تک روایتی پولی ہاؤس کے ذریعے ان مسائل پر قابو پایا جا سکتا ہے۔ روایتی پولی ہاؤس میں موسم کی بے ضابطگیوں اور کیڑوں کے اثر کو کم کرنے کے لیے ایک مستحکم چھت ہوتی ہے۔ تاہم، چھت کے ڈھکنے کی وجہ سے اب بھی نقصانات ہیں جو بعض اوقات ضرورت سے زیادہ گرمی، اور ناکافی روشنی (صبح سویرے) کا باعث بنتے ہیں۔ کھلے میدان اور روایتی پولی ہاؤس کے حالات کا مجموعہ موسمیاتی تبدیلی سے نمٹنے اور مستقبل میں مسائل کو جوڑنے کا ایک زیادہ مضبوط طریقہ ہے۔

 

 

ڈاکٹر ہریش ہیرانی نے یہ بھی انکشاف کیا کہ سی ایم ای آر آئی ایکسٹینشن سنٹر، لدھیانہ ایک ”ریٹریکٹیبل روف پولی ہاؤس ٹیکنالوجی“ نصب کر رہا ہے۔ اس تمام موسمی ڈھانچے میں ایک خود کار طریقے سے پیچھے ہٹنے والی چھت ہوگی جسے موسمی حالات اور فصل کی ضروریات کی بنیاد پر PLC سافٹ ویئر کا استعمال کرتے ہوئے مشروط ڈیٹا بیس سے چلایا جائے گا۔ یہ جاری ترقی کسانوں کو موسمی اور غیر موسمی دونوں فصلوں کی کاشت کرنے میں مدد دے گی جو روایتی کھلے میدانی سرنگوں اور قدرتی طور پر ہوا دار پولی ہاؤس کے مقابلے میں زیادہ سے زیادہ انڈور مائیکرو آب و ہوا کے حالات پیدا کرکے زیادہ پیداوار، مضبوط اور اعلی شیلف لائف پیداوار حاصل کر سکتی ہے۔ یہ نامیاتی کاشت کے لیے بھی قابل عمل ٹکنالوجی ہے۔

اس ٹکنالوجی کی ترقی پر ریسرچ ٹیم کی قیادت کرنے والے جناب جگدیش مانک راؤ نے وضاحت کی کہ پیچھے ہٹنے والی چھت سورج کی روشنی کی مقدار، معیار اور دورانیے، پانی کے دباؤ، نمی، کاربن ڈائی آکسائیڈ کی سطح، اور فصل اور مٹی کے درجہ حرارت سے بخوبی نمٹنے کے لیے استعمال کی جائے گی۔ ڈاکٹر پردیپ راجن، سینئر پرنسپل سائنسداں، ہیڈ، فارم مشینری اور پریسیزن زراعت نے مزید وضاحت کی کہ یہ ڈھانچہ CSIR-IHBT، پالمپور کے تعاون سے تیار کیا جا رہا ہے۔

ڈائریکٹر نے یہ بھی بتایا کہ چونکہ نئے پولی ہاؤس سسٹم کے فوائد کے بارے میں سائنسی تجرباتی اعداد و شمار کا فقدان ہے، اس لیے باغبانی کی فصلیں قدرتی طور پر ہوا دار پولی ہاؤس اور ریٹریکٹیبل چھت پولی ہاؤس دونوں میں کاشت کی جائیں گی تاکہ فصل کی پیداوار اور معیار کا موازنہ کیا جا سکے۔ قدرتی طور پر ہو دار پولی ہاؤس اور پیچھے ہٹنے والی چھت پولی ہاؤس کی تنصیب کے ساتھ، ہم مطلوبہ سائنسی ڈیٹا حاصل کر سکتے ہیں اور نتائج کا تجزیہ کرکے پیداواری صلاحیت کو بڑھا سکتے ہیں۔

                                               **************

 

ش ح۔ ف ش ع-ک ا   

U: 7303

(Release ID: 1741213) Visitor Counter : 246