وزارت آیوش
آیوش ادویات کا نظام کئی ملکوں میں مقبول ہوا ہے
Posted On:
30 JUL 2021 4:57PM by PIB Delhi
نئی دلّی ، 30 جولائی/ صحت ، فٹنیس اور تبدیل ہوتی ہوئی طرز زندگی کے بارے میں بڑھتی ہوئی بیداری کے ساتھ آیوش کے نظام ، خاص طور پر آیور وید اور یوگا کی مانگ میں بین الاقوامی سطح پر زبردست اضافہ ہوا ہے ۔ اقوام متحدہ کے ذریعے 21 جون کو یوگا کا بین الاقوامی دن قرار دیئے جانے سے آیوش نظام عالمی برادری میں صحت و تندرستی کو یقینی بنانے کے لئے ایک اہم اقدام کے طور پر زبردست اہمیت حاصل کر رہا ہے ۔ آیور وید کو نیپال ، سری لنکا ، پاکستان ، بنگلہ دیش ، متحدہ عرب امارات ، عمان ، سعودی عرب ، بحرین ، ملیشیا ، ماریشس ، ہنگری ، سربیا ، تنزانیہ ، سوئٹزر لینڈ ، کیوبا ، برازیل ، رومانیا ، ہنگری ، لیٹویا اور سلووینیا اور یوروپی یونین کے پانچ ملکوں میں دواؤں کے ایک نظام کے طور پر تسلیم کیا گیا ہے ، جہاں آیور وید کی پریکٹس کو منضبط کیا گیا ہے ۔ یونانی نظام کو بنگلہ دیش ، سری لنکا ، ملیشیا ، پاکستان ، بحرین ، یو اے ای اور تنزانیہ میں تسلیم کیا گیا ہے ۔ سدھا نظام کو سری لنکا اور ملیشیا میں تسلیم کیا گیا ہے ۔ سووا رِگپا نظام کو بھوٹان اور منگولیا میں منظوری دی گئی ہے ۔ ہومیو پیتھی نظام کو سری لنکا ، بنگلہ دیش ، پاکستان ، عمان ، یو اے ای ، روس اور تنزانیہ میں تسلیم کیا گیا ہے ۔ اسے گھانا ، چلی ، کولمبیا ، رومانیہ ، ترکی ، اونٹاریو ( کناڈا ) میں بھی منضبط کیا گیا ہے اور اسے برطانیہ کی قومی صحت پالیسی سے مربوط کیا گیا ہے ۔ آیوش کی مصنوعات دواؤں اور تغذیہ بخش خوراک کے طور پر 100 سےزیاہ بیرونی ملکوں کو برآمد کی جا رہی ہیں ۔
آیو ش کی وزارت ، آیوش کے نظام کو بین الاقوامی سطح پر فروغ دینےاور تشہیر کے لئے مختلف ملکوں میں اقدامات کر رہی ہے اور تجارت میں آسانی ، آیوش نظام کو تسلیم کئے جانے اور آیوش ایکسپورٹ پرموشن کونسل قائم کرنے سمیت کئی اقدامات کر رہی ہے ۔
اب تک ملک میں آیوش کے ہر شعبے کے لئے علیحدہ علیحدہ یونیورسٹیاں قائم کرنے کا کوئی منصوبہ نہیں ہے ۔ البتہ ، آیوش کی وزارت کے تحت جے پور میں نیشنل انسٹی ٹوٹ آف آیور وید ( این آئی اے ) کو یو جی سی کے ذریعے ڈیمڈ یونیورسٹی کی حیثیت دی گئی ہے ۔
آیوش کے مختلف شعبوں میں مختلف مقامات پر 12 قومی ادارے پہلے ہی کام کر رہے ہیں ۔ اس کے علاوہ ، ان قومی اداروں کے چار چھوٹے ادارے بھی قائم کئے گئے ہیں ۔
- غازی آباد میں نیشنل انسٹی ٹیوٹ آف یونانی میڈیسن کا ذیلی ادارہ ۔
- گوا میں گوا انسٹی ٹیوٹ آف مینجمنٹ میں آل انڈیا انسٹی ٹیوٹ آف آیور وید کا ذیلی ادارہ ۔
- پنچکولہ ( ہریانہ ) میں نیشنل انسٹی ٹیوٹ آف آیور وید کا ذیلی ادارہ ۔
- نریلہ ( دلّی ) میں نیشنل انسٹی ٹیوٹ آف ہومیو پیتھی کا ذیلی ادارہ ۔
حکومتِ ہند تمام عمرکےلوگوں ، خاص طور پر ملک کے نو جوانوں میں مختلف اقدامات کے ذریعے آیوش کے تمام شعبوں کو مقبول بنانے کے لئے سرگرم اقدامات کر رہی ہے ۔ ان اقدامات میں یوگا کے قومی اور بین الاقوامی دن کا جشن ، آیور وید ، ہومیو پیتھی اور یونانی وغیرہ کے قومی دن منانا۔ قومی / ریاستی سطح پر سواستھ رکشن پروگرام ، آروگیہ میلہ ، ہیلتھ کیمپ ، نمائشیں ، آیو سَمواد مہم پروگرام وغیرہ شامل ہیں ۔ اس کے علاوہ ، آیوش کی تعلیمی اور خدمات اور مصنوعات کےسیکٹر کو فروغ دینے کے لئے ملک میں 1250 آیوش ہیلتھ اور ویلنیس سینٹر کام کر رہے ہیں ۔ اس کے علاوہ ، سوشل میڈیا ، جیسے فیس بُک ، ٹوئیٹر ، یو ٹیوب ، پرنٹ میڈیا اور ٹی وی شو وغیرہ میں آیوش کےنظام کے بارے میں معلومات فراہم کی جاتی ہے ۔
یہ معلومات آیوش کے وزیر مملکت جناب سربانند سونووال نے آج لوک سبھا میں ایک تحریری جواب میں پیش کیں ۔
۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔ ۔ ۔ ۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔ ۔ ۔ ۔ ۔
( ش ح ۔ و ا ۔ ع ا ۔ 30.07.2021 )
U.No. 7235
(Release ID: 1740846)
Visitor Counter : 176