نئی دلّی ،28 /  کھگول شالہ چھوٹے سیاروں کی تلاش کی مہم ، 2021 کے تحت جواہر نوودیہ ودیالیہ  کے 16 طلباء کے ذریعہ تلاش کردہ 8 چھوٹے سیاروں کو ’ سیاروں کی تلاش کے بین الاقوامی اشتراک ‘ ( آئی اے ایس سی ) نے ’’ عبوری درجہ ‘‘ عطا کیا ہے ۔ کھگول شالہ چھوٹے سیاروں کی تلاش کی مہم  یا کے اے ایس سی ، جواہر نوودیہ ودیالیوں کے طلباء کو چھوٹے سیاروں کا پتہ لگانے کی تربیت دیتی ہے ۔ یہ مہم حکومتِ ہند  کے پرنسپل سائنسی مشیر کے دفتر اور اسپیس فاؤنڈیشن کی ایک پہل ہے ۔

کھگول شالہ کی تصویر : بشکریہ اسپیس فاؤنڈیشن

          ہارڈن – سمن یونیورسٹی میں قائم سیاروں کی تلاش کا بین الاقوامی اشتراک  ، آئی اے ایس سی نے  عبوری  دریافت  کی تصدیق  کرتے ہوئے مبارکباد دی ہے ۔ اگر چہ ان چھوٹے سیاروں کی دستاویز تیار کرنے اور دریافت کرنےوالوں  کے ذریعہ ، ان کا نام تجویز کرنے میں ابھی کئی  سال لگیں گے لیکن چھوٹے سیاروں کا پتہ لگانے میں کامیابی  ، نو جوان طلباء کے لئے ایک بڑا کارنامہ ہے ۔ اس پورے عمل میں طلباء کو خلاء کے سائنس دانوں اور فلکیات کے ماہرین سے گفتگو کرنے کے بھی کئی موقع ملیں گے ۔

  کسی چھوٹے سیارے کا پتہ لگانے اور اس کا نام رکھنے سے متعلق اقدامات مندرجہ ذیل ہیں :

ابتدائی دریافت : ایک نئے سیارے کا پہلی مرتبہ مشاہدہ کرنا ۔

عبوری درجہ : اس سیارے کو  7 سے 10 دن  کے اندر دوسری مرتبہ دیکھا گیا ہو ، اگر ایسا ہے تو اسے چھوٹے سیاروں کے مرکز ، ایم پی سی کے ذریعہ  عبوری درجہ دیا جاتا ہے ۔

چھوٹے سیارے کو کیٹلاگ میں شامل کرنا : عبوری درجے والے چھوٹےسیاروں کو ایم پی سی  کے ذریعہ کئی سال تک عبوری  درجہ میں ہی رکھا جاتا ہے ۔ یہاں تک کہ اس کا مدار میں کئی  مرتبہ مشاہدہ کیا جا چکا ہو ۔

چھوٹے سیارے  کا نام رکھنا : جن چھوٹے سیاروں کا پتہ لگایا گیا ہے ، ان کو دریافت کرنے والوں  کے ذریعہ نام دیا جاتا ہے ۔

          طلباء کو ’’ پین اسٹار ‘‘ ( دی پنورما سروے ٹیلسکوپ  اینڈ ریپڈ ریسپونز سسٹم ٹیلسکوپ ) کے ذریعے  ، جو ہوائی میں قائم ہے ، وقت پر اعداد و شمار  تک رسائی حاصل ہوتی ہے ۔ انہیں  ان نو  دریافت شدہ  چھوٹے  سیاروں کی تصاویر  اور جدید ترین ڈاٹا اینا لیٹک  بھی دستیاب کرائی جاتی ہیں ۔  یہ مہم ناسا کے ’’ زمین کے قریب  سیارے ‘‘ ( این ای او ) پروگرام  میں معاون  ہو رہی   ہے ، جو جیٹ پروپلژن لیبا ریٹری  ( پاسا ڈینا ، سی اے ) میں قائم ہے ۔

کے اے ایس سی ، 2021 میں عبوری دریافت کرنے والوں کی فہرست :

• 2021 بی اے 11 ، پی 11 سی بی ای 7 ، بی  داش ، ایس سنگھ ، جے این وی انوپ پور – 1 ، انڈیا پروویژنل  01 / 16 / 21 این ای ایچ 5432
• 2021 اے ڈبلیو 20 ، پی 11 بی ایل بی ایچ  ، اے ترپاٹھی ، بی دتاّ ، جے این وی انوپ پور – 2 ، انڈیا پروویژنل 01 / 09 / 21 ایس بی آر 0052
• 2021 ، 6 ، پی 11 ڈی جی  آئی ایس ، آئی شکلا ، جے این وی سون بھدرا ، انڈیا پروویژنل  02 / 12 / 21 ایس ایس آئی 1234
• سی اے 25 ، پی 11 سی سی ایکس ایف  ، ایس سنگھ ، اے شاردا ، ٹیم جے این وی ، اونا – 1 ، انڈیا پروویژنل  02 / 07 / 21 سی وی آر 2802
• 2021  سی ایف 30 ، پی 11 سی سی ایکس ایس  ، پی نندن ، ایچ سمیر  ، ٹیم ایل برادرس انڈیا پرو ویژنل  02 / 07 21  پی آر وائی 2021
• 2021 سی بی 18 ، پی 11 سی جے 2 زیڈ  ، اے کمار ، ایس  کمار ، ٹیم کوریئَس  مائنڈ انڈیا پرو ویژنل  02 / 08 21 اے کے ایس 9878
• 2021 سی وائی 25 ، پی 11 ڈی ایچ  ٹی ڈی ، ایس کرّے ، اے ساہو ، ٹیم شبھاش ، انڈیا پرو ویژنل  02 / 12 21  او او ایم 0000
• 2021 سی ایس 23 ، پی 11 ڈی جی جے 4 ، ایل گوڈا ، ٹیم آریہ بھٹ – 7 انڈیا پرو ویژنل 02 / 12 21 جے این وی 0010

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) 

U. No.  7132