ਭਾਰਤ ਸਰਕਾਰ ਨੇ 11 ਸ਼ਹਿਰਾਂ ਨੂੰ ਭਾਰਤ ਦੇ ਚੋਟੀ ਦੇ 11 ਸਾਈਕਲਿੰਗ ਅਗਰਦੂਤ ਹੋਣ ਦੇ ਖ਼ਿਤਾਬ ਨਾਲ ਸਨਮਾਨਿਤ ਕੀਤਾ। ਇਹ ਪੁਰਸਕਾਰ ਇੰਡੀਆ ਸਾਈਕਲਜ਼4ਚੇਂਜ ਚੁਣੌਤੀ ਦੇ ਪਹਿਲੇ ਸੀਜ਼ਨ ਦੇ ਅਗਲੇ ਪੜਾਅ ਦੀ ਸ਼ੁਰੂਆਤ ਦਾ ਸੰਕੇਤ ਦਿੰਦਾ ਹੈ, ਜਿਥੇ ਦੇਸ਼ ਭਰ ਦੇ 107 ਸ਼ਹਿਰ ਵੱਖ-ਵੱਖ ਸਾਈਕਲਿੰਗ-ਦੋਸਤਾਨਾ ਪਹਿਲਕਦਮੀਆਂ ਦੇ ਟੈਸਟ, ਸਿਖਲਾਈ ਅਤੇ ਭਾਰਤ ਦੇ ਸਾਈਕਲਿੰਗ ਇਨਕਲਾਬ ਦੀ ਸ਼ੁਰੂਆਤ ਕਰਨ ਲਈ ਇਕੱਠੇ ਹੋਏ ਸਨ। ਇਸ ਸਾਲ ਦੇ ਸ਼ੁਰੂ ਵਿੱਚ ਸੂਚੀਬੱਧ ਕੀਤੇ ਗਏ ਚੋਟੀ ਦੇ 25 ਸ਼ਹਿਰਾਂ ਵਿਚੋਂ, ਪ੍ਰਸਿੱਧ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਟ੍ਰਾਂਸਪੋਰਟ ਮਾਹਰਾਂ ਦੀ ਇੱਕ ਜਿਊਰੀ ਨੇ ਚੋਟੀ ਦੇ 11 ਸ਼ਹਿਰਾਂ ਦੀ ਚੋਣ ਕੀਤੀ, ਜਿਨ੍ਹਾਂ ਨੂੰ ਸਾਈਕਲ ਚਲਾਉਣ ਦੀਆਂ ਪਹਿਲਕਦਮੀਆਂ ਲਈ ਹਰੇਕ ਨੂੰ ਇੱਕ ਕਰੋੜ ਰੁਪਏ ਦਾ ਪੁਰਸਕਾਰ ਮਿਲੇਗਾ। ਸਮਾਗਮ ਦੌਰਾਨ, ਚਾਰ ਸ਼ਹਿਰਾਂ ਨੂੰ ਚੁਣੌਤੀ ਦੇ ਹਿੱਸੇ ਵਜੋਂ ਪਾਇਲਟ ਪਹਿਲਕਦਮੀਆਂ ਦੀ ਪਰਖ ਕਰਨ ਦੇ ਉਨ੍ਹਾਂ ਦੇ ਯਤਨਾਂ ਲਈ ਵਿਸ਼ੇਸ਼ ਤੌਰ 'ਤੇ ਜ਼ਿਕਰ ਕੀਤਾ ਗਿਆ। ਜਿਊਰੀ ਵਲੋਂ ਮੁਲਾਂਕਣ ਕੀਤੇ ਗਏ ਸਾਰੇ ਚੋਟੀ ਦੇ 25 ਸ਼ਹਿਰਾਂ ਦੀ ਸੂਚੀ ਅਨੁਬੰਧ  1 ਵਿੱਚ ਹੈ।

28 ਜੁਲਾਈ 2021 ਨੂੰ ਆਯੋਜਿਤ ਇੱਕ ਔਨਲਾਈਨ ਪ੍ਰੋਗਰਾਮ ਦੇ ਜ਼ਰੀਏ, ਸ਼੍ਰੀ ਦੁਰਗਾ ਸ਼ੰਕਰ ਮਿਸ਼ਰਾ, ਸੱਕਤਰ, ਹਾਊਸਿੰਗ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ ਨੇ ਚੋਟੀ ਦੇ 11 ਜੇਤੂ ਸ਼ਹਿਰਾਂ ਦਾ ਐਲਾਨ ਕੀਤਾ। ਇਸ ਸਮਾਰੋਹ ਵਿੱਚ ਕੇਂਦਰ ਅਤੇ ਰਾਜ ਸਰਕਾਰਾਂ ਦੇ ਅਧਿਕਾਰੀ ਅਤੇ ਸਾਰੇ ਸ਼ਹਿਰਾਂ ਦੇ ਹੋਰ ਹਿਤਧਾਰਕ ਜੋ ਭਾਰਤ ਸਾਈਕਲ 4 ਚੇਂਜ ਚੈਲੇਂਜ ਵਿੱਚ  ਭਾਗ ਲੈ ਰਹੇ ਸਨ, ਸ਼ਾਮਲ ਹੋਏ। ਇਸ ਪ੍ਰੋਗਰਾਮ ਵਿੱਚ ਪਹਿਲੀ ਚੁਣੌਤੀ ਰਿਪੋਰਟ ਦੇ ਜਾਰੀ ਹੋਣ ਅਤੇ ਸ਼ਹਿਰ ਦੀ ਸਾਈਕਲਿੰਗ ਯਾਤਰਾ ਨੂੰ ਪ੍ਰਦਰਸ਼ਤ ਕਰਨ ਵਾਲੀ ਇੱਕ ਔਨਲਾਈਨ ਪ੍ਰਦਰਸ਼ਨੀ ਵੀ ਸ਼ਾਮਲ ਹੈ। ਮੰਤਰਾਲੇ ਨੇ ਚੁਣੌਤੀ ਦੇ ਦੂਜੇ ਸੀਜ਼ਨ ਦੀ ਅਗਸਤ, 2021 ਤੋਂ ਸ਼ੁਰੂਆਤ ਦਾ ਐਲਾਨ ਕੀਤਾ, ਜਿਸ ਵਿੱਚ ਸਾਰੇ ਸਮਾਰਟ ਸ਼ਹਿਰਾਂ, ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਰਾਜਧਾਨੀ ਸ਼ਹਿਰਾਂ ਅਤੇ ਉਨ੍ਹਾਂ ਸ਼ਹਿਰਾਂ ਤੋਂ ਤਾਜ਼ਾ ਅਰਜ਼ੀਆਂ ਮੰਗੀਆਂ ਜਾਣਗੀਆਂ, ਜਿੱਥੇ ਨਗਰ ਨਿਗਮ ਹੈ।

Key highlights of the Top 25 Cycling Pioneers

https://drive.google.com/drive/u/0/folders/1p4B6mLlwRjNAEPKxwfTuI4R7KfZTlWpA

https://pib.gov.in/PressReleasePage.aspx?PRID=1739905

****

ਵਾਈਬੀ / ਐੱਸ