ଜାତୀୟ ଶିକ୍ଷାନୀତି ୨୦୨୦ ଘୋଷଣାର ଏକ ବର୍ଷ ପୂରଣ ହୋଇଛି । ଏହି ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି (Date: 29-07-2021) ଶିକ୍ଷା ଓ କୌଶଳ ବିକାଶର ନୀତିନିର୍ଦ୍ଧାରକ, ଛାତ୍ରଛାତ୍ରୀ, ଶିକ୍ଷକ ଓ ଶିକ୍ଷୟିତ୍ରୀମାନଙ୍କୁ ଭିଡିଓ କନଫରେନ୍ସିଂ ଜରିଆରେ ସମ୍ବୋଧନ କରିବେ । ଶିକ୍ଷା କ୍ଷେତ୍ରରେ ସେ କେତେକ ପଦକ୍ଷେପ ସମ୍ପର୍କରେ ମଧ୍ୟ ଘୋଷଣା କରିବାର କାର୍ଯ୍ୟକ୍ରମ ରହିଛି ।

ପ୍ରଧାନମନ୍ତ୍ରୀ ଶୈଖିକ ବ୍ୟାଙ୍କ ଅଫ କ୍ରେଡିଟ୍‌ର ଶୁଭାରମ୍ଭ କରିବେ, ଯାହା ଉଚ୍ଚଶିକ୍ଷା କ୍ଷେତ୍ରରେ ଏକାଧିକ ପ୍ରବେଶ ଓ ପ୍ରସ୍ଥାନ ପାଇଁ ଛାତ୍ରଛାତ୍ରୀଙ୍କ ନିମନ୍ତେ ସହାୟକ ହେବ । ଆଞ୍ଚଳିକ ଭାଷାରେ ପ୍ରଥମ ବର୍ଷ ଯାନ୍ତ୍ରିକ ଶିକ୍ଷା କାର୍ଯ୍ୟକ୍ରମ ଏବଂ ଉଚ୍ଚଶିକ୍ଷାର ବୈଶ୍ୱୀକରଣ ନିମନ୍ତେ ମାର୍ଗଦର୍ଶିକା ମଧ୍ୟ ପ୍ରକାଶ କରିବେ ।

ଅନ୍ୟାନ୍ୟ ପଦକ୍ଷେପ ମଧ୍ୟରେ ଗ୍ରେଡ-ୱାନ ଛାତ୍ରଛାତ୍ରୀଙ୍କ ନିମନ୍ତେ ବିଦ୍ୟା ପ୍ରବେଶ ଏକ ତ୍ରୈମାସିକ ଖେଳଭିତ୍ତିକ ଶିକ୍ଷା ମୋଡୁଲ, ମାଧ୍ୟମିକ ସ୍ତରରେ ଭାରତୀୟ ସାଇନ ଲାଙ୍ଗୁଏଜ୍‌ର ଏକ ବିଷୟ । ଏନସିଇଆରଟି ଦ୍ୱାରା ପ୍ରସ୍ତୁତ ଶିକ୍ଷକମାନଙ୍କ ତାଲିମ ନେଇ ଏକ ସମନ୍ୱିତ କାର୍ଯ୍ୟକ୍ରମ (NISHTHA 2.0) ସଫଳ (Structured Assessment For Analyzing Learning Levels) ଗ୍ରେଡ, ୩,୫,ଓ ୮ CBSE  ସ୍କୁଲ ପାଇଁ ଏକ ଦକ୍ଷତାଯୁକ୍ତ ଆକଳନ ପଦ୍ଧତି ଓ କୃତିମ ମେଧା ପାଇଁ ଏକ ଉତ୍ସର୍ଗୀକୃତ ଏକ ୱେବସାଇଟ୍ ।

ଏହାଛଡା ଜାତୀୟ ସାଂକ୍ଷିକ ଶିକ୍ଷା ସ୍ଥପତି (NDEAR) ଓ ଜାତୀୟ ଶିକ୍ଷା ବୈଷୟିକ ମଞ୍ଚ(NEDF)ର ମଧ୍ୟ ଶୁଭାରମ୍ଭ କରାଯିବ ।

ଏହି କାର୍ଯ୍ୟକ୍ରମଗୁଡିକ ଯୋଗୁଁ ଜାତୀୟ ଶିକ୍ଷାନୀତି ୨୦୨୦ର ମୂଳଲକ୍ଷ୍ୟ ସାଧିତ ହେବା ସହ ଶିକ୍ଷା କ୍ଷେତ୍ର ଅଧିକ ଜୀବନ୍ତ ଓ ସମସ୍ତଙ୍କ ପାଇଁ ସହଜ ଲଭ୍ୟ ହୋଇପାରିବ ।

ଜ୍ଞାନ ଆହରଣ ଦୃଶ୍ୟପଟରେ ନୂତନ ଶିକ୍ଷାନୀତି ୨୦୨୦ ଏକ ମହାନ ଦିଗ୍‌ଦର୍ଶନ ଦେବ । ଏକ ଆତ୍ମନିର୍ଭର ଭାରତ ପାଇଁ ମଜବୁତ ଭିତ୍ତିଭୂମି ସ୍ଥାପନ ପାଇଁ  ଶିକ୍ଷା ସ୍ୱୟଂ ସମ୍ପୂର୍ଣ୍ଣ ହେବ ।

ଏକବିଂଶ ଶତାବ୍ଦୀରେ ଏହା ପ୍ରଥମ ଶିକ୍ଷାନୀତି ଓ ୧୯୮୬ମସିହାର ପ୍ରଣୀତ ୩୪ବର୍ଷର ପୁରୁଣା ଶିକ୍ଷାନୀତିକୁ ଏହା ପ୍ରତ୍ୟାଖ୍ୟାନ କରିଛି । ଗୁଣାବତା, ସମାନତା, ସହଜ ପ୍ରବେଶ ଓ କମ୍ ଖର୍ଚ୍ଚ ଭଳି ଚାରିଟି ମଜବୁତ ସ୍ତମ୍ଭକୁ ନେଇ ଏକ ଶିକ୍ଷାନୀତିର ମୂଳଦୁଆ ଗଠିତ । ଦେଶର ୨୦୩୦ ଲକ୍ଷ୍ୟ ସ୍ଥାୟୀ ଓ ନିରନ୍ତର ବିକାଶ ଓ ଭାରତକୁ  ଏକ ଜ୍ଞାନର ମହାଶକ୍ତି ଭାବେ ଛିଡା କରାଇବା ପାଇଁ ଏହିଭଳି ନୀତି ଏକବିଂଶ ଶତାବ୍ଦୀ ନିମନ୍ତେ ଜରୁରୀ ।

କେନ୍ଦ୍ର ଶିକ୍ଷାମନ୍ତ୍ରୀ ମଧ୍ୟ ଏହି ଅବସରରେ ଉପସ୍ଥିତ ରହିବେ ।

*****

SM / SLP