نئی دلّی ،27 /  وزارت نے 12 فروری ، 2014 ء کو ایک  گزٹ نوٹفکیشن  کے ذریعے غیر نوٹیفائیڈ اور خانہ بدوش اور نیم خانہ بدوش قبائلیوں  (این سی  ڈی این ٹی  ) قائم کیا تھا ، جس کی مدت نوٹفکیشن کی تاریخ سے 3 سال تھی ۔ حکومت نے  ڈی این ٹی کے فوائد کے لئے  اب تک مندرجہ ذیل اسکیمیں شروع کی ہیں :

1. ڈی این ٹی لڑکوں اور لڑکیوں کے لئے میٹرک سے پہلے اور میٹرک کے بعد کی ڈاکٹر امبیڈکر اسکالر شپ ۔
2. ڈی این ٹی لڑکوں اور لڑکیوں کے لئے ہاسٹل تعمیر کرنے کی نانا جی دیشمکھ اسکیم ۔

غیر نوٹیفائیڈ ، خانہ بدوش اور نیم خانہ بدوش برادریوں کے لئے  ایک ترقیاتی اور فلاحی بورڈ ( ڈی ڈبلیو بی ڈی این سی ) 21 فروری ، 2019 ء کو تشکیل دیا گیا تھا  اور غیر  نوٹیفائیڈ ، خانہ بدوش اور نیم خانہ بدوش برادریوں کی نشاندہی کا عمل پورا کرنے کے لئے نیتی آیوگ کے ذریعے  ایک کمیٹی قائم کی گئی تھی ۔ ڈی این ٹی برادریون کی نشاندہی اور  انہیں  ایس سی / ایس ٹی / او بی سی کے زمرے میں  رکھنے کے لئے سروے کا کام نیتی آیوگ اور  اینھترو پولوجیکل سروے آف انڈیا ( اے این ایس آئی ) کے تحت کیا جا رہا ہے ۔ محکمے نے ڈی این ٹی برادریوں کے اقتصادی تفویضِ اختیارات کی اسکیم  ( ایس ای ای ڈی ) نامی ایک خصوصی اسکیم کو بھی منظوری دی ہے ، جس کے چار  عناصر ہیں ۔

1. ڈی این ٹی امید واروں کو اچھے معیار کی کوچنگ  فراہم کرنا تاکہ وہ مقابلہ جاتی امتحانوں میں شامل ہو سکیں ۔
2. انہیں صحت انشورنس فراہم کرنا ۔
3. کمیونٹی کی سطح پر  روز گار کے اقدامات میں سہولت پیدا کرنا  اور
4. ان برادریوں کے ارکان کے لئے مکانوں کی تعمیر کی خاطر مالی امداد فراہم  کرنا ۔

 

مذکورہ معلومات سماجی انصاف اور تفویض اختیارات کی وزیر مملکت محترمہ پرتیما بھومک نے آج لوک سبھا میں  ایک سوال کے تحریری جواب میں فراہم کیں ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) (27-07-2021)

U. No.  7076

 

(Release ID: 1739726) Visitor Counter : 235