কেন্দ্রগী গৃহ মন্ত্রী শ্রী অমিত শাহনা ঙসি শিলোংদা তোঙান তোঙানবা প্রোজেক্তশিং শঙ্গাখ্রে অমসুং উরেপ-উয়ুং তমখ্রে। শ্রী অমিত শাহনা উমসাৱলীদা ক্রাইয়োজেনিক ওক্সিজেন প্লান্ত অমসুং পেদিএত্রিক ৱার্দ অমা শঙ্গাখ্রে। মহাক্না মৌয়োংদা ইন্তর-স্তেৎ বস তর্মিনেল অমসু শঙ্গাখ্রে। থৌরম অসিদা দোনর মন্ত্রী শ্রী জি. কিশন রেদ্দী, সাইন্স অমসুং তেক্নোলোজী অমদি স্পেসকী রাজ্য মন্ত্রী দা. জিতেন্দ্র সিংহ, দোনর মন্ত্রালয়গী রাজ্য মন্ত্রী, শ্রী বি.এল. ভর্মা, মেঘালয়গী মুখ্য মন্ত্রী শ্রী কোনরাদ সঙমা অমসুং কেন্দ্র অমদি রাজ্য সরকারগী মকোক থোংবা ওফিসিএলশিংসু শরুক য়াখ্রে।

থৌরম অসিদা ৱা ঙাংলদুনা শ্রী অমিত শাহনা হায় ২০১৪দা প্রধান মন্ত্রী শ্রী নরেন্দ্র মোদীনা সরকার পাইরবা মতুংদা অৱাং নোংপোক্কী লম্বী-থোংদা অহেনবা মীৎয়েং চংখি। ঐখোয়না অৱাং-নোংপোক থংবা রাজ্য পুম্নমক্কী কোনুংশিং অসি রেল অমসুং নোংথক্কী লম্বীনা শম্নহনগনি হায়না ফোঙদোকপা মতমদা ওপ্পোজিসন্দা লৈবা মীওইশিংনা ঐখোয়দা নোক্নখি – মসিদা কান্না লাক্কদৌরিবা? করিগীদমক? মহাক্না হায় মোদী সরকারগী পান্দম অসি ২০২৩-২৪গী মমাংদা অৱাং-নোংপোক্কী রাজ্য পুম্নমক্কী কোনুংশিং অসি রেল, লম্বী অমসুং এয়রপোর্তশিংগী শেম্নহনবা হায়বা অসিনি।

মহাক্না হায় ঙসি মসিদা পাইখৎলিবা থবক অসি চহি কয়াগী মমাংদা তৌফম থোকপনি অমসুং ঙসি ভারত সরকার অমসুং মেঘালয় সরকারগী মতেংগা লোইননা লুপা করোর ৫০গী শেনফম চংদুনা মফম অসিদা ইন্তর-স্তেৎ বস তর্মিনেল অমা শাখ্রে।

মহাক্না হায় মেঘালয়গী ওইনা ২০১৪দগী হৌজিক ফাওবদা মেঘালয় চাউখৎ-থৌরাংগী থবক খুমাং চাউশিনহন্নবা অমসুং মফম অসিগী মীয়ামবু শেন্মীৎলোনগা মরী থটম্নবা নরেন্দ্র মোদী সরকারনা কেন্দ্রদা থবক পাইখৎখ্রে। মহাক্না হায় নরেন্দ্র মোদীগী সরকারনা দলালি চাবা মীওইশিং লৌথোক্তুনা ফংফম থোকপা শেলশিং মীয়ামদা হকথেংননা মখোয়গী বেঙ্ক একাউন্তশিংদা ত্রান্সফর তৌবগী থবক পাইখৎখি।

মহাক্না হায় কেন্দ্রগী মতেংগা লোইননা মেঘালয় সরকারনা লুপা করোর ৭০০রোমগী প্রোজেক্ত ৬৭ লোইশিনখ্রে অমসুং লুপা করোর ৮০০গী প্রোজেক্ত ৩৮গীনা থবক চত্থরি।

শ্রী অমিত শাহনা হায় নরেন্দ্র মোদী সরকারনা জেকফ্রুৎ মিসন, মশরুম মিসন, সিল্ক অমদি মিল্ক মিসনশিং অমসুং ফিশরীজ তোঙান তোঙানবা মখলশিংগীদমক লুপা করোর ৬৫০ পীথখ্রে।

কেন্দ্রগী গৃহ মন্ত্রীনা হায় অপুনবা অৱাং-নোংপোক থংবা লমদমদা মোদী সরকারনা হীরম অহুমদা মরু ওইবা মীৎয়েং থমদুনা মাংদা চংশিল্লি- অহানবদা, দাইলেক্তশিং, লোলশিং, জগোই, ঈশৈ-নোংমাই, চিঞ্জাক, কলচর অসি ঙাকশেনবা অমসুং য়োকখৎপা অমসুং মসিদা ভারত পুম্বদগী মীৎয়েং চংহন্নবা হোৎনবা। অনিশুবদা, অৱাং-নোংপোক্কী চয়েৎনবা পুম্নমক লোইশিন্দুনা শান্তি লৈবা মফম অমা ওইহনবা, অমসুং অহুমশুবদা, লমদম অসি চাউখৎহন্দুনা নীংতম্বা ফংদ্রিঙৈ মমাংদা অৱাং-নোংপোক্না জি.দি.পি.দা শরুক তম্লম্বা থাক অদু অমুক হন্না পুরকপা মহাক্না হায় ঐখোয়না মসি ফংগদবা খজিক্তং ঙাইরে অমসুং ঐখোয় পুম্বনা পুন্না হোৎনদুনা চহি খরা অসিদা ঐখোয়না পান্দম অসি ফংলগনি। মহাক্না হায় লমদম অসিগী জি.দি.পি.দা লমদম অসিনা শরুক তম্বা চাদা ২০ হেল্লকপা নুমিৎ অদুদা লায়রবা, থবক ফংদবা অমসুং তংদু লৈতাদবগী মমি অমত্তা তাররোই।

কেন্দ্রগী গৃহ মন্ত্রীনা হায় অৱাং নোংপোক লমদম অসি লৈবাক অসিগী কন্নেক্তিবিতী য়াম্না মথৌ তাবা মফমশিংগী মরক্তা অমনি। মহাক্না হায় কন্নেক্তিবিতী য়াওদনা লৈবাক অসিগী মফম অসিগী সিক্যুরিতী ফংহনবা নত্রগা মফম অসিগী গোল্দন ইরা অমুক হন্না পুরকপা ঙম্লোই অমসুং মফম অসিদা চাউখৎ থৌরাং হেনগৎহনবা ঙম্লোই। শ্রী অমিৎ শাহনা হায় মসিগী গিওগ্রাফিকেল ওইনা মনুং হঞ্জিনবা মফম অসিদা কন্নেক্তিবিতী মখল খুদিংমক ফংহল্লবা মতুংদতা চাউখৎ থৌরাং পুরকপা ঙমগনি।  

কেন্দ্রগী গৃহ মন্ত্রীনা হায় মসিগী বস তর্মিনেল অসিনা অতোপ্পা রাজ্যশিংগা কন্নেক্তিবিতী হেনগৎহনবতা নত্তনা শেন্মীৎলোনগী থবক থৌরমশিং হেনগৎহল্লগনি।

মহাক্না হায় মালেম পুম্বদা খ্বাইদগী ৱাংবা কলচর লৈবা মফম অসি ঐখোয়গী অৱাং নোংপোক লমদম অসিনি। রাজ্য নিপান্না এক্সচেঞ্জগী খুত্থাদং অমনা অমবু থাগৎপা ফোঙদোক্নবা মফম অসিগী লোল কয়ামরুম, কলচরশিং, ম্যুজিকেল ইন্সত্রুমেন্তশিং অমসুং দিস্ত্রিক কলচরেল আইদেন্তিতীশিং ঙাক্না থম্লি।

শ্রী অমিৎ শাহনা হায় করিগুম্বা কন্নেক্তিবিতী লৈত্রবদি মসিগী কলচর অসি মতম কুইনা ঙাক্তুনা থম্বা ঙম্লোই। মহাক্না হায় অৱাং নোংপোক লমদমগী কলচরগী দাইভর্সিতী, লোনশিং, ম্যুজিক, জগোই, চিঞ্জাক অমসুং দ্রিঙ্কশিং অসি অৱাং নোংপোক লমদমগী মনি খক্তা নত্তে ভারত পুম্বগীনি অমসুং মসিবু য়োকখৎপা হায়বসি ভারত পুম্বগীনি অৱাং নোংপোক লমদম খক্তগী নত্তে।

কেন্দ্রগী গৃহ মন্ত্রীনা আই.তি. কন্নেক্তিবিতীগী খুত্থাংদা সরকারনা নাগরিকশিংগী চাওখৎপা পুরক্নবা অমসুং সর্ভিসশিং ফংহন্নবা খোঙথাং কয়ামরুম লৌখৎলি হায়না ফোঙদোকখি। মহাক্না হায় ঙসিদি কম্মন সর্ভিস সেন্তরশিংদগী দোক্যুমেন্ত রিন্যু তৌবা অমসুং ফংহনবা অসি লাইনা পাংথোকপা ঙম্লে। দ্রাইবিং লাইসেন্সকী দিজিতেল কোপীগুম্বা খুদোংচাবা কয়ামরুম য়ুমদা ফম্না ফম্না ফংবা ঙম্লে।

মহাক্না হায় নোর্থ ইস্তর্ন কাউন্সিলনা পান্দম অমগা লোইননা পাংথোক্লিবা থবকশিং অসিনা অৱাং নোংপোক্কী মফম খুদিংমক্তা কান্নবা পীগনি। মহাক্না হায় মেঘালয়গী য়ুমথোং লাখ তরুক মখাই রোমগী বেঙ্ক একাউন্তশিং লৈরমদে অদুবু ঙসিদি জন-ধন য়োজনাগী মখাদা য়ুমথোং খুদিংমক্না মখোয় মশাগী একাউন্ত হাংজবা য়ারগনি। ঙসিদি মেঘালয়দা অমাংশঙ লৈতবা য়ুমথোং অমত্তা লৈত্রে। মেঘালয়গী মমিং অসি ও.দি.এফ. ১০০% লৈবা রাজ্যশিংগী মনুংদসু চল্লে।   

মেঘালয়দা তোতী ঈশিং ফংদবা য়ুমথোং লাখ ৩.৩৯ লৈরি। মসিগী য়ুমথোং খুদিংমক্তা অশেংবা থক্নবা ঈশিং ফংহন্নবা ঐখোয়না পান্দম অমা থম্লে হায়না মহাক্না ফোঙদোকখি। 

কেন্দ্রগী গৃহ মন্ত্রীনা হায় মেঘালয়দা একলাভ্য রেসিদেন্সিএল মোদেল স্কুল ৩৯ হৌদোকখ্রে।

ইভেন্ত লিঙ্ক –

*****