نئی  دلّی ، 23 جولائی/ سر دست ممبئی -  احمد آباد ہائی اسپیڈ ریل ( ایم اے ایچ  ایس آر ) پروجیکٹ   ملک میں تیز رفتار   ریل  ( ایچ ایس آر ) کا واحد  منظور شدہ پروجیکٹ ہے   ، جس پر  حکومت جاپان  کی  مالی اور تکنیکی امداد  سے کام کیا جا رہا ہے ۔ اس پروجیکٹ کو نافذ کرنے کے لئے ایک خصوصی  کمپنی  ، نیشنل ہائی اسپیڈ ریل  کارپوریشن لمیٹیڈ ( این ایچ ایس آر سی ایل ) قائم کی گئی ہے ۔

          ممبئی – احمد آباد ہائی اسپیڈ ریل  ( ایم اے ایچ ایس آر ) پروجیکٹ کی موجودہ  صورتِ حال  مندرجہ ذیل ہے :

1. آخری لوکیشن سروے  اور جغرافیائی تکنیکی تحقیقات مکمل کر لی گئی ہیں اور الائنمنٹ کو قطعی شکل دے دی گئی ہے ۔
2. جنگلات  ،  ساحلی  ریگولیشن زون اور جنگلی حیات  سے متعلق قانونی منظوریاں حاصل کر لی گئی ہیں ۔
3. کل ضروری  اراضی  میں 1396 ہیکٹر کے لئے رضامندی  یا ریگولر ایوارڈ حاصل کر لیا گیا ہے ۔
4. 1651 افادیتی اکائیوں میں سے  1342 کو منتقل کر دیا گیا ہے ۔
5. پورے پروجیکٹ کے کام کو  27 کنٹریکٹ پیکجوں میں تقسیم  کیا گیا ہے ۔ سر دست ، 7 پیکیج کا ٹھیکہ دے دیا گیا ہے اور 10 کے لئے بولیاں طلب کی گئی ہیں ۔

 

ایم اے ایچ ایس آر پروجیکٹ پر  جون ، 2021 ء تک تقریباً 13483 کروڑ روپئے خرچ کئے جا چکے ہیں ۔  پروجیکٹ میں کووڈ – 19 وباء اور مہاراشٹر میں زمین تحویل میں لینے   میں سست روی کی وجہ سے پروجیکٹ میں تاخیر ہوئی ہے ۔

ریلوے کی وزارت نے  7 ہائی اسپیڈ ریل   راہداریوں کی تفصیلی پروجیکٹ رپورٹ تیار کرنے اور سروے کرنے کا کام  نیشنل  ہائی اسپیڈ ریل  کارپوریشن لمیٹیڈ ( این ایچ ایس  آر سی ایل )   کو دیا ہے   ۔ اس میں  چنئی – بنگلور – میسور  اور ممبئی – پونے – حیدر آباد کے جنوبی ہند کے روٹ شامل ہیں ۔

یہ معلومات آج راجیہ سبھا میں ریلوے  ، مواصلات  ، الیکٹرانکس اور اطلاعاتی ٹیکنا لوجی  کے وزیر  جناب اشونی  ویشنو نے  ایک تحریری سوال کے جواب میں فراہم کی ۔

 

۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔ ۔ ۔ ۔۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔۔۔۔۔۔۔۔۔۔۔۔۔ ۔ ۔ ۔ ۔

( ش ح ۔ و ا ۔ ع ا  ۔   23.07.2021 )

U.No. 6914

(Release ID: 1738451) Visitor Counter : 203