মন্ত্রীমন্দল

কেন্দ্রগী মন্ত্রীমন্দলনা হেন্না মপাঙ্গল লৈবা স্তীলগীদমক প্রদক্সন-লিঙ্কেদ ইন্সেন্তিব (পি.এল.আই.) স্কীমগী অয়াবা পীখ্রে

হায়রিবা পোত্থোক অসি ভারত্তা শুংনবা লুপা কোতি ৬,৩২২গী ইন্সেন্তিব চহি মঙাগী পীরগনি

লুপা কোতি ৪০,০০০ রোমগী অহেনবা শেন্থংগী পুক্নিং চিংশিন্নবা স্কীম;

লাক্কদৌরিবা চহি ৫দা হকথেংননা থবক্কী খুদোংচাবা ৬৮,০০০ হেন্না পীনবা স্কীম

Posted On: 22 JUL 2021 3:49PM by PIB Imphal

প্রধান মন্ত্রী, শ্রী নরেন্দ্র মোদীনা ময়াই তাংবল লৌবা, কেন্দ্রগী মন্ত্রীমন্দলনা, ভারতকী শেন্মীৎলোন্দা স্তীল সেক্তরনা চাওখৎ থৌরাংদা মরুওইনা অমা ওইনা লৌদুনা, ঙসি হেন্না মপাঙ্গল লৈবা স্তীলগীদমক প্রদক্সন-লিঙ্কেদ ইন্সেন্তিব (পি.এল.আই.) স্কীমগী অয়াবা পীখ্রে। স্কীম অসিনা লৈবাক অসিদা অৱাংবা থাক্কী গ্রেদ ওইবা হেন্না মপাঙ্গল লৈবা স্তীল পুথোকপদা মতেং ওইরগনি। মখা তানা মসিনা মপাল লমদা থাদোকপা হেনগৎহল্লগনি অমসুং হায়-এন স্তীলগীদমক মীপাল তাংবা হন্থরগনি। স্কীম অসিনা চাওরাক্না কোতি ৪০,০০০গী শেন্থং অমসুং মেত্রিক তন ২৫ অহেনবা লাক্লবা য়াই হায়না পারি। স্কীম অসি ২০২৩-২৪দগী হৌদুনা ২০২৭-২৮ ফাওবদা চহি মঙা (০৫) ওইগনি।

লুপা কোতি ৬৩২২গী বদজেৎ পুথোক্তুনা, পি.এল.আই. স্কীম অসিনা কোতেৎ/প্লাতেৎ স্তীলগী পোত্থোকশিং, হায় স্ত্রেং/ৱিয়র রেজিস্তেন্ত স্তীল; হেন্না মপাঙ্গল লৈবা রেলস; এলোয় স্তীলগী পোত্থোকশিং, স্তীলগী ৱায়র অমসুং ইলেক্ত্রীকেল স্তীল কোনশিল্লি। হায়রিবা স্তীলগী পোত্থোকশিং অসি স্ত্রাতেজিক ওইবা অমসুং স্ত্রাতেজিক ওইদবা অনিমক্কী মখল কয়া অমদা শিজিন্নগনি অমসুং হায়রিবা অসিদা হ্বাইত গুদস, ওতোমোবাইলগী পার্ত অমসুং মচাকশিং, থাউ অমসুং গ্যাস পুনবগী পাইপশিং, বোইলরস, দিফেন্স এপ্লিকেসন্দা শিজিন্নবা বালিস্তিক অমসুং খুলায়গী শীতশিং, খোঙজেল য়াংবা রেলৱে লাইনশিং, তর্বাইন মচাকশিং, পাৱর পুনবা ইলেক্ত্রীকেল স্তীল অমসুং ইলেক্ত্রীক ভেহিকলশিং য়াওরি।

ভারতনা হৌজিক্কী ওইনা স্তীল সেক্তরদা ভেল্যু চেন অনেম্বা থাক্তা শিজিন্নরি। গ্রেদ হেন্না ফবা স্তীলশিং ভারত্তা মপাল লমদগী পুশিল্লক্লি। হায়রিবা অসি স্তীল ইন্দস্ত্রীনা তন্দা য়ু.এস.দি. ৮০-১০০দা লৈবা, লোজিস্তিক অমসুং ইনফ্রা কোস্ততা হেনগৎপা, অহেনবা পাৱর অমসুং কেপিতেল কোস্ত অমসুং তেক্সেস অমসুং মথৌশিং হাপ্পা ঙমদবগীনি।

হেন্না মপাঙ্গল লৈবা স্তীলগীদমক পি.এল.আই. স্কীমগী পান্দম অসি লৈবাক অসিদা মপাঙ্গল লৈবা স্তীল পুথোকপা ঙম্নবনি। অয়াবা লৈরবা মেনুফেকচররশিংদা ইন্সেন্তিব ৪%দগী ১২% ফাওবা ইনক্রিমেন্তেল প্রদকসন্দা হৌননবা হায়রি। পি.এল.আই. ইন্সেন্তিবনা তেক্নোলোজীদা ইন্দিয়ন স্তীল ইন্দস্ত্রীবু মপুং ফাহনবদা মতেং পীগনি অমসুং ভেল্যু চেন্দা পুখৎকনি।

শকখংলবা ‘স্পেসিএলিতী স্তীল’দা মেনুফেকচর তৌরিবা ভারত্তা মিং চল্লবা কম্পনী অমনা স্কীম অসিদা শরুক য়াবা য়াগনি। হায়রিবা অসিদা ‘স্পেসিএলিতী স্তীল’ অসি শেম্বদা শৌদোকহনবা অমসুং হৈবা অসি প্রধান মন্ত্রীগী আত্মানির্ভর ভারতকী মিয়েংদা হৌবদগী লোইবা ফাওবা লৈবাক অসিদা শোইদনা শাগনি।

স্পেসিএলিতী স্তীলগী পি.এল.আই. স্কীম অসিনা দোমেস্তিক স্তীল ভেল্যু চেন মপাঙ্গল কনখৎহনবদা মরুওইবা থৌদাং লৌগনি অমসুং ভেল্যু হেনবা স্তীল পুথোক্তুনা মালেমগী ওইবা ভেল্যু চেন্দা পীদুনা তেক্নোলোজী কেপাবিলিতী শাগৎপদা স্তীল সেক্তরদা মথৌ হৌগনি। অহেনবা পোত্থোক অমসুং শেন্থংগী মিয়েং অমদা, স্কীম অসিনা চাওরাক্না লাখ ৫.২৫তা ৬৮,০০০ অমনা হকথেংননা অমসুং লৈহৌরিবা অতৈনা নাকোইননা থবক পীবা য়ানা লৈরি।

*******



(Release ID: 1737852) Visitor Counter : 61