ਸਰਕਾਰ ਦੇਸ਼ ਵਿਚ ਨੈਨੋ ਖਾਦ ਦੇ ਉਤਪਾਦਨ ਨੂੰ ਉਤਸ਼ਾਹਤ ਕਰ ਰਹੀ ਹੈ। ਖੇਤੀਬਾੜੀ ਵਿਭਾਗ, ਸਹਿਕਾਰਤਾ ਅਤੇ ਕਿਸਾਨ ਭਲਾਈ ਵਿਭਾਗ ਦੇ ਨੋਟੀਫਿਕੇਸ਼ਨ ਨੰਬਰ ਐਸ.ਓ .884 (ਈ) ਮਿਤੀ 24 ਫਰਵਰੀ 2021 ਅਨੁਸਾਰ ਖਾਦ ਕੰਟਰੋਲ ਆਰਡਰ (ਐਫਸੀਓ) ਵਿਚ ਕਿਸੇ ਵੀ ਨੈਨੋ ਖਾਦ ਨੂੰ ਸ਼ਾਮਲ ਕਰਨ ਲਈ ਨੋਟੀਫਾਈਡ ਕੀਤਾ ਗਿਆ ਸੀ, ਜੋ ਜ਼ਰੂਰੀ ਤੌਰ 'ਤੇ ਨੋਟੀਫਿਕੇਸ਼ਨ ਵਿਚ ਨਿਰਧਾਰਤ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰੇਗਾ। ਇਸ ਤੋਂ ਇਲਾਵਾ, ਖਾਦ ਕੰਟਰੋਲ ਆਰਡਰ (ਐਫਸੀਓ) ਦੀ ਧਾਰਾ 20 ਡੀ ਦੀ ਪਾਲਣਾ ਕਰਦਿਆਂ, ਖੇਤੀਬਾੜੀ, ਸਹਿਕਾਰਤਾ ਅਤੇ ਕਿਸਾਨ ਭਲਾਈ ਵਿਭਾਗ, ਨੋਟੀਫਿਕੇਸ਼ਨ ਨੰਬਰ ਐਸ.ਓ .885 (ਈ) ਦੀ ਮਿਤੀ 24 ਫਰਵਰੀ 2021 ਨੂੰ “ਨੈਨੋ ਯੂਰੀਆ (ਤਰਲ) ਖਾਦ" ਦੇ ਸੰਬੰਧ ਵਿਚ ਸਪੇਸੀਫਿਕੇਸ਼ਨ ਨੋਟੀਫਾਈ ਕੀਤੀ ਗਈ ਹੈ ਕਿ ਇਹ ਖਾਦ ” ਮੇਸਰਜ ਇੰਡੀਅਨ ਫਾਰਮਰਜ਼ ਫਰਟਲਾਈਜ਼ਰ ਕੋਆਪਰੇਟਿਵ (ਇਫਕੋ) ਵੱਲੋਂ ਭਾਰਤ ਵਿੱਚ ਤਿੰਨ ਸਾਲਾਂ ਦੇ ਅਰਸੇ ਲਈ ਤਿਆਰ ਕੀਤੀ ਜਾਵੇਗੀ।  

 

ਇਫਕੋ ਨੇ ਨੈਨੋ ਟੈਕਨੋਲੋਜੀ ਤੇ ਅਧਾਰਤ ਨੈਨੋ ਯੂਰੀਆ (ਤਰਲ) ਖਾਦ ਤਿਆਰ ਕੀਤੀ ਹੈ, ਜਿਸਦਾ ਉਦੇਸ਼ ਰਵਾਇਤੀ ਯੂਰੀਆ ਦੀ ਅਸੰਤੁਲਿਤ ਅਤੇ ਬਹੁਤ ਜ਼ਿਆਦਾ ਵਰਤੋਂ ਦਾ ਹੱਲ ਕੱਢਣਾ ਹੈ। ਇਸ ਤੋਂ ਇਲਾਵਾ ਇਸਦਾ ਹੋਰ ਉਦੇਸ਼ ਫਸਲਾਂ ਦੀ ਉਤਪਾਦਕਤਾ, ਮਿੱਟੀ ਦੀ ਸਿਹਤ ਅਤੇ ਉਤਪਾਦ ਦੀ ਪੌਸ਼ਟਿਕ ਗੁਣਵਤਾ ਵਿੱਚ ਸੁਧਾਰ ਲਿਆਉਣਾ ਹੈ। 

 

ਇਹ ਜਾਣਕਾਰੀ ਕੇਂਦਰੀ ਰਸਾਇਣ ਅਤੇ ਖਾਦ ਮੰਤਰੀ ਸ੍ਰੀ ਮਨਸੁੱਖ ਮਾਂਡਵੀਯਾ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

-------------------------- 

ਐਸਐਸ / ਏ ਕੇ

(Release ID: 1737375) Visitor Counter : 151