ਮੁੱਖ ਕਿਰਤ ਕਮਿਸ਼ਨਰ ਅਤੇ ਡਾਇਰੈਕਟਰ ਜਨਰਲ ਕਿਰਤ ਬਿਉਰੋ ਸ਼੍ਰੀ ਡੀ ਪੀ ਐੱਸ ਨੇਗੀ ਨੇ ਅੱਜ ਜ਼ੋਜ਼ਿਲਾ ਪਾਸ ਤੇ ਕਾਰਗਿਲ ਵਿੱਚ ਕਿਰਤ ਕਾਨੂੰਨਾਂ ਅਤੇ ਕਿਰਤ ਕੋਡਜ਼ ਨੂੰ ਲਾਗੂ ਕਰਨ ਅਤੇ ਸਥਿਤੀ ਦੀ ਸੰਵੇਦਨਸ਼ੀਲਤਾ ਬਾਰੇ ਸਮੀਖਿਆ ਕੀਤੀ । ਬੀ ਆਰ ਓ ਅਤੇ ਐੱਨ ਐੱਚ ਆਈ ਡੀ ਸੀ ਐੱਲ ਦੇ ਪ੍ਰਾਜੈਕਟ ਅਧਿਕਾਰੀਆਂ ਨਾਲ ਵੱਖ ਵੱਖ ਮੀਟਿੰਗਾਂ ਵਿੱਚ ਸ਼੍ਰੀ ਨੇਗੀ ਨੇ ਉਹਨਾਂ ਦੇ ਪ੍ਰਾਜੈਕਟ ਸਥਾਨਾਂ ਤੇ ਮੌਜੂਦਾ ਕਿਰਤ ਮੁੱਦਿਆਂ ਬਾਰੇ ਪੁੱਛਿਆ । ਉਹਨਾਂ ਨੇ ਵੱਖ ਵੱਖ ਕੀਤੀਆਂ ਗਈਆਂ ਗਤੀਵਿਧੀਆਂ ਦਾ ਅਧਿਅਨ ਵੀ ਕੀਤਾ ।



ਸ਼੍ਰੀ ਨੇਗੀ ਨੇ ਜ਼ੋਜ਼ਿਲਾ ਸੁਰੰਗ ਸਥਾਨ ਤੇ ਕਾਮਿਆਂ ਨਾਲ ਮੁਲਾਕਾਤ ਕੀਤੀ ਤੇ ਉਹਨਾਂ ਦੀਆਂ ਸਿ਼ਕਾਇਤਾਂ ਨੂੰ ਸੁਣਿਆ । ਉਹਨਾਂ ਨੇ ਦੇਸ਼ ਦੇ ਦੂਰ ਦੁਰਾਢੇ ਖੇਤਰਾਂ ਵਿੱਚ ਕੰਮ ਕਰਨ ਵਾਲਿਆਂ ਦੀਆਂ ਮੁਸ਼ਕਲਾਂ ਦਾ ਵੀ ਨੋਟਿਸ ਲਿਆ । ਸ਼੍ਰੀ ਨੇਗੀ ਨੇ ਭਾਰਤ ਸਰਕਾਰ ਦੀਆਂ ਸੰਗਠਿਤ ਅਤੇ ਗੈਰ ਸੰਗਠਿਤ ਦੋਨਾਂ ਖੇਤਰਾਂ ਵਿੱਚ ਕਾਮਿਆਂ ਦੇ ਫਾਇਦੇ ਲਈ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ । ਸ਼੍ਰੀ ਨੇਗੀ ਨੇ ਕਿਰਤ ਕਾਨੂੰਨਾਂ ਅਤੇ ਨਵੇਂ ਕਿਰਤ ਕੋਡਾਂ ਨੂੰ ਲਾਗੂ ਕਰਨ ਦੇ ਮਹੱਤਵ ਬਾਰੇ ਅਧਿਕਾਰੀਆਂ ਅਤੇ ਠੇਕੇਦਾਰਾਂ ਨੂੰ ਜਾਣਕਾਰੀ ਦਿੱਤੀ । ਉਹਨਾਂ ਨੇ ਨਵੇਂ ਕਿਰਤ ਕੋਡਾਂ ਦੀ ਪਾਲਣਾ ਕਰਨ ਨਾਲ ਕਿਵੇਂ ਇਹ ਦੋਨਾਂ ਮੁਲਾਜ਼ਮਾਂ ਅਤੇ ਮੁਲਾਜ਼ਮਤ ਦੇਣ ਵਾਲਿਆਂ ਲਈ ਜਿੱਤ ਵਾਲੀ ਸਥਿਤੀ ਹੈ, ਬਾਰੇ ਖੁੱਲ੍ਹ ਕੇ ਦੱਸਿਆ ।
ਸ਼੍ਰੀ ਨੇਗੀ ਨੇ ਕਾਮਿਆਂ ਨੂੰ ਆਪਣੇ ਕਿਰਤ ਕਾਰਡ ਬਣਾਉਣ ਅਤੇ ਇਸ ਲਈ ਅਰਜ਼ੀ ਦੇਣ ਦੇ ਨਾਲ ਨਾਲ ਆਪਣੇ ਆਪ ਨੂੰ ਐੱਨ ਡੀ ਯੂ ਡਬਲਯੁ ਪੋਰਟਲ ਤੇ ਪੰਜੀਕ੍ਰਿਤ ਕਰਾਉਣ ਲਈ ਵੀ ਬੇਨਤੀ ਕੀਤੀ, ਜਿਸ ਨੂੰ ਭਾਰਤ ਸਰਕਾਰ ਦਾ ਕਿਰਤ ਮੰਤਰਾਲਾ ਜਲਦੀ ਹੀ ਲਾਂਚ ਕਰ ਰਿਹਾ ਹੈ । ਉਹਨਾਂ ਨੇ ਕਾਮਿਆਂ ਨੂੰ ਉਹਨਾਂ ਦੇ ਹੱਕਾਂ ਬਾਰੇ ਜਾਣੂ ਕਰਵਾਇਆ ਅਤੇ ਭਰੋਸਾ ਦਿੱਤਾ ਕਿ ਸਰਕਾਰ ਉਹਨਾਂ ਦੇ ਕਲਿਆਣ ਅਤੇ ਸੁਰੱਖਿਆ ਲਈ ਹਮੇਸ਼ਾ ਸੰਵੇਦਨਸ਼ੀਲ ਹੈ । ਸ਼੍ਰੀ ਨੇਗੀ ਨੇ ਅਜਿਹੀਆਂ ਮੁਸ਼ਕਲ ਹਾਲਤਾਂ ਵਿੱਚ ਦੇਸ਼ ਦੀ ਸੇਵਾ ਕਰਦਿਆਂ ਕਾਮਿਆਂ ਵੱਲੋਂ ਰਾਸ਼ਟਰ ਉਸਾਰੀ ਵਿੱਚ ਆਪਣਾ ਵੱਡਾ ਯੋਗਦਾਨ ਪਾਉਣ ਲਈ ਸ਼ਲਾਘਾ ਕੀਤੀ । ਉਹਨਾਂ ਕਿਹਾ ਕਿ ਭਾਰਤ ਸਰਕਾਰ ਉਹਨਾਂ ਲਈ ਕਲਿਆਣਕਾਰੀ ਉਪਾਵਾਂ ਲਈ ਵਚਨਬੱਧ ਹੈ ਅਤੇ ਜੋ ਕੁਝ ਵੀ ਸੰਭਵ ਹੈ ਉਹ ਕਰ ਰਹੀ ਹੈ । ਉਹਨਾਂ ਨੇ ਭਰੋਸਾ ਦਿਵਾਇਆ ਕਿ ਸਾਰੇ ਅਧਿਕਾਰੀ ਅਤੇ ਸਟਾਫ, ਉਹਨਾਂ ਦੇ ਹੱਕ ਦਿਵਾਉਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡਣਗੇ । ਉਹਨਾਂ ਨੇ ਕਾਮਿਆਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਕਿਹਾ ਕਿ ਰਾਸ਼ਟਰ ਉਸਾਰੀ ਵਿੱਚ ਉਹਨਾਂ ਦੇ ਯੋਗਦਾਨ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ ।



ਮੁੱਖ ਕਿਰਤ ਕਮਿਸ਼ਨਰ ਨੇ ਕਿਰਤ ਕਾਨੂੰਨਾਂ ਅਤੇ ਨਵੇਂ ਕਿਰਤ ਕੋਡਜ਼ ਨੂੰ ਲਾਗੂ ਕਰਨ ਦੇ ਮਹੱਤਵ ਬਾਰੇ ਅਧਿਕਾਰੀਆਂ ਅਤੇ ਠੇਕੇਦਾਰਾਂ ਨੂੰ ਜਾਣਕਾਰੀ ਦਿੱਤੀ । ਉਹਨਾਂ ਨੇ ਇਹ ਵੀ ਵਿਸਥਾਰ ਨਾਲ ਦੱਸਿਆ ਕਿ ਨਵੇਂ ਕਿਰਤ ਕੋਡ ਦੋਨਾਂ ਮੁਲਾਜ਼ਮਾਂ ਅਤੇ ਮੁਲਾਜ਼ਮਤ ਦੇਣ ਵਾਸਤੇ ਕਿਵੇਂ ਜਿੱਤ ਦੀ ਸਥਿਤੀ ਹੈ ।
 

*********

ਐੱਮ ਜੇ ਪੀ ਐੱਸ / ਐੱਮ ਐੱਸ