نئی دہلی۔ 16  جولائی     وزیر صنعت و تجارت ، صارفین سے متعلق امور اور خوراک اور عوامی تقسیم ، اور ٹیکسٹائل جناب پیوش گوئل نے آج "خود انحصار ہندوستان کے دوسرے ایڈیشن – قابل تجدید توانائی کی پیداوار میں خود انحصاریت"کے اختتامی اجلاس سے خطاب کیا۔

وزیر موصوف نے کہا کہ ہمیں پورا اعتماد ہے کہ ہندوستان آنے والے سالوں میں قابل تجدید توانائی کے شعبے میں قائدانہ کردار ادا کرے گا۔ خطے میں ملک میں ہونے والی پیشرفت کے بارے میں بات کرتے ہوئے انہوں نے کہا کہ ابتدائی مراحل میں پن بجلی سے ، اب ہم پہلے ہی مستقبل کی طرف دیکھ رہے ہیں اور ہائیڈروجن ٹیکنالوجیوں میں کام شروع کردیا ہے۔ سبز توانائی ذرائع سے ہائیڈروجن پیدا کرنے کے لئے 2021-22میں ایک ہائیڈروجن انرجی مشن شروع کیا گیا ہے۔ انہوں نے کہا کہ ایل ای ڈی مشن وزیر اعظم جناب نریندر مودی کی سربراہی میں کامیابی کی ایک اور کہانی ہے۔ ایل ای ڈی لائٹس نے ملک کے بجلی کے بلوں میں اربوں ڈالر کی بچت کی ہے۔ انہوں نے مزید کہا کہ بحیثیت قوم ، اس نے ہمارے کاربن کے اخراج کو ہر سال ایک 120 ملین ٹن سے کم  کرتا ہے: انہوں نے کہا "ہم اسے بڑے پیمانے پر اور تیزی کے ساتھ پورے ملک میں تیزی سے نافذ کرنے میں کامیاب ہوگئے۔"

جناب گوئل نے کہا کہ ہم الیکٹرک کاروں کے آٹوموبائل صارفین کو قابل تجدید توانائی یا دن کے وقت شمسی توانائی کے استعمال سے اپنی بیٹریاں ریچارج کرنے کی ترغیب دیں گے ، جس کے لئے ہم پورے ملک میں گیس اسٹیشنوں پر بڑے پیمانے پر چارجنگ اسٹیشنوں کا آغاز کرنے کے بارے میں غور و خوض کر رہے ہیں۔

انہوں نے کہا کہ ہماری پائیداری مشن اور قابل تجدید توانائی کی مزید ترقی کے لیے بیٹری ٹیکنالوجیاں  بہت اہم ثابت ہو نے جا رہی ہیں ، اور ہم اب بیٹریوں پر بھاری سرمایہ کاری کر رہے ہیں۔

وزیر موصوف نے کہا کہ 2023-24تک ، ہماری پیٹرول مصنوعات میں 20فیصد ایتھنول کی آمیزش ہونے جا رہی ہے۔ انہوں نے کہا کہ ہمارا حتمی ہدف ایسی گاڑیاں بھی رکھنا ہے جو 100فیصد ایتھنول پر چل سکتے ہیں۔ "ہمارا خیال ہے کہ ہندوستان کو اپنی بجلی کی ضروریات کو زیادہ پائیدار انداز میں پورا کرنے اور بجلی کی لاگت کو اس طرح متوازن کرنے کے لیے شعور پیدا کرنا ہے کہ کہ ہمارے ترقیاتی اہداف متاثر نہ ہوں۔ 2022 تک 175 گیگا واٹ کے مجموعی قابل تجدید توانائی  کے ہدف سے ، ہندوستان اب 2030 تک 450 گیگاواٹ کی جانب بڑھ رہا ہے۔

قابل تجدید توانائی میں ملک کی پیشرفت کے بارے میں بات کرتے ہوئے ، وزیر موصوف نے کہا کہ کئی دہائیاں قبل ، ہندوستان پن بجلی کی پیداوار کو فروغ دینے  کی شروعات کرنے والے ممالک میں سے ایک تھا – پہلے چھوٹے پن بجلی گھر نے 1897 میں دارجلنگ میں کام کرنا شروع کر دیا تھا۔ انہوں نے کہا کہ بابا صاحب امبیڈکر جیسے دور اندیشوں نے پانی اور بجلی کی ترقی کے حوالے سے ایک کل ہند پالیسی کی بنیاد رکھی۔ اس کے بعد ہندوستان بڑے پیمانے پر ہوا سے بجلی پیدا کرنے کے لیے آگے بڑھا۔ ابتدا میں ہوا سے توانائی پیدا کرنے والے ساز و سامان در آمد کیے گئے تھے، تاہم جیسے حجم بڑھا ہم ہوا سے بجلی پیدا کرنے کے آلات کے سب سے بڑے مینوفیکچر بن گئے۔ جناب گوئل نے کہا کہ قابل تجدید توانائی کے ساتھ شمسی توانائی تیسری کوشش تھی۔ ابتدا میں ، قیمتیں بہت زیادہ تھیں اور زیادہ تر لوگ اس میں شریک ہونے پر راضی نہیں تھے۔ اس وقت کے گجرات کے وزیر اعلی کے طور پر وزیر اعظم جناب نریندر مودی ملک ان چند قائدین میں سے ایک تھے جنہوں نے اس کی صلاحیت  اور حقیقت کو تسلیم کیا کہ دنیا کو کاربن سے دور جانے کی ضرورت ہے۔ انہوں نے کہا کہ ہندوستان نے سوچ سمجھ کر زیادہ پیداوار کا فیصلہ کیا جس کے باعث بتدریج ہندوستان میں ساز و سامان تیار کیا گیا ۔ "چونکہ درآمد کے جزو میں کمی واقع ہوتی رہی ہے  اس لیے اس کی قیمتوں میں نمایاں گراوٹ ہوئی ۔ بہت بڑے پیمانے کی وجہ سے ، ہم ہندوستان میں دنیا کی بہترین کمپنیوں کو لانے میں ، ہندوستان میں سرمایہ کاری کرنے ، مسابقتی قیمتیں حاصل کرنے میں کامیاب ہوئے اور ہم نے درآمدات کو منظوری دی۔"

وزیر موصوف نے کہا کہ تاریخی اعتبار سے ہندوستانیوں نے قانون فطرت کا ہمیشہ احترام کیا ہے۔ ہمارے لئے ، ماحولیاتی نگہداشت اہم ہے کیونکہ یہ ہر ہندوستانی کے دل سے وابستہ ہے۔ انہوں نے کہا کہ ہماری ثقافت ، ہمارے روایتی رسم و رواج ، ہماری طرز زندگی اس شعور کی عکاسی کرتی ہے۔ بربادی ہندوستانی گھرانوں کے لئے ناقابل قبول ہے اور ری سائیکلنگ اور دوبارہ استعمال ہندوستانی گھرانے میں قدرتی طور پر ایک آتا ہے۔ وزیر موصوف نے کہا کہ ہمارا ملک بھی دریاؤں ، سورج کی روشنی ، ہوا، مانسون وغیرہ کے سلسلے میں قدرت کی نعمتوں سے مالا مال ہے۔   

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ج ا  (

U-6651