نئی دہلی، 13 جولائی : قبائلی مصنوعات کی پرُکشش اور وسیع رینج کے ساتھ ملبوسات اور نامیاتی جڑی بوٹیوں سےلےکردھاتوں کےنوادرات تک، قبائلی ہندوستان کے نام سے ایک نئی پہل کے تحت(فیزیکل آؤٹ لیٹس اورآن لائن ای کامرس پلیٹ فارم) دونوں طرح کے نیٹ ورک کے ذریعہ آپ  اپنےاہل خانہ اور دوستوں  کوایک مثالی 'ون اسٹاپ' یعنی ایک ہی جگہ   یہ تمام چیزیں فراہم کیے جانے کی کوششیں کی جا رہی ہیں۔ جہاں ایک ہی چھت کے نیچے ہر طرح کی مصنوعات اور ہاتھوں کے بنے تحائف ملیں گے۔

راکھی کے تہوار کے قریب آتے ہی 'ٹرائب انڈیا کیٹلاگ' میں ایک خاص قسم کی راکھی کی نمائش کی گئی ہے جسے ' راکھی کارنر'کانام دیا گیا ہے،جہاں سے ہندوستان کے مختلف قبائل کے ذریعہ ہاتھوں سے تیار کی جانے والی قسم قسم کی راکھیاں، پوجا میں استعمال کیے جانے والے ساز و سامان، سجاوٹ  میں استعمال کی جانے والی دھات اورتورین جیسی اشیاء مل سکتی ہیں۔ اس کے علاوہ مرد اور خواتین دونوں کے لئے رنگا رنگ کُرتے، شلوار، مختلف قسم کے ہاتھوں سے بنُے ہوئے کپڑے اور اسٹائلش جیکٹس نیز مہیشوری، چندیری، باغ، کانتھا، بھنڈارا، تسار، سنبھل پوری اور اکاٹ کی ثقافتی اورمختلف قسم کی ساڑیاں، کپڑے اور خوبصورت اسٹالز وغیرہ بھی قبائلی ہندوستان کی دکانوں  پر دستیاب ہوں گی اور اسے ویب سائٹ پر بھی اپلوڈ کیا جائے گا ۔

قبائلی پیداوار اورمصنوعات کومارکیٹنگ کے ذریعہ عام لوگوں تک پہنچانے نیز  ان کی معاش اور روزی روٹی کا انتظام کرنے اور ان کی بنائی ہوئی اشیاءکوفروغ دینےاورانہیں بااختیار بنانے کی اس نئی کوششوں کے سلسلے میں، ٹرائفڈ - قبائلی ہندوستان کے نیٹ ورک کے ذریعہ اپنی متنوع اور پرکشش مصنوعات کی فروخت کو وسعت دے رہا ہے۔اور ایک نئے بازار کا متلاشی ہے۔

تقریباً137 قبائلی بھارت کےآؤٹ لیٹس اور ای کامرس پلیٹ فارم (www.tribesindia.com) پر مختلف قسم کی ضروریات کو مدنظر رکھ کر اشیاء دستیاب کرائی جا رہی ہیں ۔ قدرتی اورقوت مدافعت بخش قبائلی پیداوار جیسے نامیاتی ہلدی، خشک آملہ، جنگلی شہد، کالی مرچ، راگی، تریفالا اور کئی طرح کی ملی ہوئی دالیں جیسے مونگ کی دال، اوڑد کی دال، سفید پھلیاں اور دلیہ جیسی کھانے کی اشیاء کے ساتھ ہی طرح طرح کی پینٹنگز، واریلی اسٹائل کی مصوری پتہ چتراز، ڈوکرہ انداز میں ہاتھوں کے ذریعہ تیارکردہ زیورات سے لے کر شمال کے وانچو اور کونیاک قبائل کے ذریعہ بنائے گئے خوبصورت ڈیزائن میں  گلے کے ہار بھی فروخت کے لیے رکھے جائیں گے۔

مشرقی فنون سے لیس اورجاذب نظر و شاندارٹیکسٹائل اور ریشم کی مصنوعات جس میں خاص طور پر رنگین کٹھ پتلیوں اور بچوں کے کھلونوں سے لے کر روایتی انداز سےبنے روز مرہ کے سازوسامان جیسے ڈونگریہ شال اور دھاگوں سے بنے بوڈو، بانس کی مصنوعات سے لے کردھاتوں پر کی جانے والی دستکاری، ہر قسم کے تحائف یہاں دستیاب ہیں۔ ضروریات  کے مطابق اور بجٹ کے لحاظ سے ان مصنوعات کو پرکشش اور کم لاگت میں پیکنگ کا انتظام بھی  کیا جا رہا ہے تاکہ یہ ہر کسی کے قوت خرید میں آجائے۔ ان تحائف کو مخصوص نامیاتی طریقوں، دوبارہ قابل استعمال ہونے والے،ریسائیکل، پائیدار پیکنگ میٹریل میں پیک کی گئی ہیں جنہیں مشہور ڈیزائنر محترمہ رینا ڈھاکہ نے خصوصی طورپر قبائلی ہندوستان کے لئے ڈیزائن کی ہیں، یہ کسی بھی موقع کے لئے مثالی تحفے کے طور پر کام آئیں گی۔

جب آپ محبت اور الفت والے اس تہوار (راکھی) کی تیاری کررہے  ہیں اور تحفے کےلیے نئی نئی اشیاء تلاش کر رہے ہیں تو اپنے قریب ترین قبائلی ہندوستان کی دکان پر جائیں یا ویب سائٹ کو چیک کریں۔

********

ش ح  -   س ک

U. NO. 6489