కోవిడ్ టీకాల కార్యక్రమంలో ఇప్పటివరకు ఇచ్చిన టీకా డోసుల సంఖ్య 37.57  కోట్లు దాటి  సాయంత్రం 7 గంటలకల్లా 37,57,10,173కు చేరింది. జూన్ 21న  మొదలైన  కొత్త దశతో సార్వత్రిక టీకాల కార్యక్రమం మరింత పుంజుకుంది.  ఈ రోజు ఒక్క రోజే 34 లక్షలమందికి పైగా (34,01,696) టీకా డోసులు అందుకున్నట్టు సాయంత్రం 7 గంటలకు అందిన  సమాచారం చెబుతోంది.

ఈ రోజు 18-44 వయోవర్గంలో 15,72,451 మంది లబ్ధిదారులు టీకాలు తీసుకున్నారు. అదే వయోవర్గంలో 1,74,472 మంది రెండో డోస్ తీసుకున్నారు.  దీంతో మూడో దశ టీకాల కార్యక్రమంలో భాగంగా 37 రాష్ట్రాలు, కేంద్రపాలిత ప్రాంతాలకు చెందిన ఈ వయోవర్గం వారు ఇప్పటిదాకా  తీసుకున్న మొదటి డోసుల సంఖ్య 11,16,46,378 కు, రెండో డోసుల సంఖ్య 36,93,265 కు చేరింది.  ఇందులో ఎనిమిది రాష్ట్రాలు –బీహార్, గుజరాత్, కర్నాటక, మధ్యప్రదేశ్, మహారాష్ట్ర,  రాజస్థాన్, తమిళనాడు, ఉత్తరప్రదేశ్ మొదటి డోస్ కింద 18-44 వయోవర్గంలో 50 లక్షలకు పైగా టీకాలు ఇచ్చాయి. అదేవిధంగా  ఆంధ్రప్రదేశ్, అస్సాం, చత్తీస్ గఢ్, ఢిల్లీ, హర్యానా, హిమాచల్ ప్రదేశ్, జమ్మూ-కశ్మీర్, జార్ఖండ్, కేరళ, ఒడిశా, పంజాబ్, తెలంగాణ,  ఉత్తరాఖండ్, పశ్చిమ బెంగాల్ రాష్ట్రాలలో పదేసి లక్షలకు మించి ఈ లబ్ధిదారులు టీకాలు తీసుకున్నారు. ఆ వివరాలు రాష్ట్రాలవారీగా ఈ క్రింది పట్టికలో ఉన్నాయి: