نئی دہلی،8 جولائی 2021/ جل شکتی کے لئے نئے مقرر کردہ وزرائے مملکت جناب   پرہلاد سنگھ پٹیل  اور جناب بشویشور ٹوڈو نے  آج اپنے عہدوں کا  چارج لیا ۔ جل شکتی کےمرکزی وزیر  جناب  گجیندر سنگھ شیخاوت نے نئےمقرر کردہ   دونوں وزرائے مملکت کا   پرتپاک  استقبال کیا۔

مرکزی وزیر جناب شیخاوت نے  نو مقرر کردہ  وزیر مملکت، جناب پٹیل کی  تعریف کی اور کہا کہ  مل کر کام کرنے سے  وہ یقینی طور پر  وزارت جل شکتی  کو نئی طاقت  اور جوش دیں گے  اورا س مقصد  اورمشن کو حاصل کرنے  میں  مدد کریں گے جس کے ساتھ  وزیراعظم جناب نریندرمودی نے   اس وزارت کا قیام کیا تھا۔

جناب پٹیل مدھیہ پردیش کے ضلع نرسنگھ پور کے  گوٹے گاؤں میں 28 جون 1960 کو پیدا ہوئے تھے ۔  انکی  تعلیمی قابلیت میں  بی ایس سی، ایل ایل بی اور ایم اے(فلسفہ) شامل ہیں۔   جناب پٹیل کا ایک عمدہ  کیرئر رہا ہے  اور وہ  مدھیہ پردیش کے  داموہ سے   پانچ مرتبہ  رکن پارلیمان(لوک سبھا) چنے گئے ہیں۔ 2019 میں جناب پٹیل سترہویں لوک سبھا  (پانچویں میعاد)کے لئے منتخب ہوئے تھے۔ 30 مئی 2019 سے جناب پٹیل  وزارت ثقافت اور وزارت سیاحت میں وزیر مملکت  (آزادانہ چارج)  رہے۔

بعد میں جناب پٹیل نے مرکزی وزیر کو ان کی مہربانی اور سخاوت  کا شکریہ ادا کرنے کے لئے ٹوئٹ کیا۔  انہوں نے اس بات پر    اظہار تشکر کیا کہ اب انہیں وزیراعظم جناب نریندر مو دی  کے ویژن سووچھتا کے مشن کو پورا کرنے   اور مر کزی وزیر جل شکتی  کے ساتھ  ہر گھر جل مہیا کرنے کا  موقع ملا ہے۔

मै मा केन्द्रीय मंत्री @gssjodhpur जी का उनकी सहृदयता और उदारता के लिए आभार व्यक्त करता हूँ ।मुझे उनके साथ मा प्रधानमंत्री के संकल्प “घर घर जल और स्वच्छता “को पूरा का अवसर मिला है ।आज प्रातः १०.१५ बजे कार्यभार ग्रहण किया @PMOIndia @JPNadda #Govt4Growth @BJP4India @BJP4MP https://t.co/zMMPsQ6iSZ

— Prahlad Singh Patel (@prahladspatel) July 8, 2021

مرکزی وزیر جل شکتی  جناب گجیندر سنگھ شیخاوت نو منتخب   وزیر مملکت  جناب بشویشور ٹوڈو کو مبارک باد دیتے ہوئے کہاکہ  ان کےمزاج کی سادگی  توجہ   مبذول کرتی ہے اور اپنی صلاحیتوں سے انہوں نے ملک کی خدمت میں اپنا مقام   بنایا ہے۔  دونوں وزرا نے   آبی شعبے سے وابستہ    مفاد عامہ کے  امور پر   تبادلہ خیال کیا۔

جناب بشویشور ٹوڈو مئی 2019 میں اوڈیشہ سے میور بھنج سے سترہویں لوک سبھا کے لئے  منتخب کئے گئے تھے۔ وہ درج فہرست ذاتوں اور درج فہرست قبائل  سے متعلق  کمیٹی ،   کیمیکلز اور فرٹیلائزرس   سے متعلق  کمیٹی  ، قائمہ کمیٹی  اور ثقافت اور سیاحت  وزارتوں کی  مشاورتی   کمیٹی کے   رکن ہیں۔

جناب ٹوڈو نے  پرتپاک  خیر مقدم کرنے پر  مرکزی وزیر کا شکریہ اد ا کیا  اور وزیر اعظم  جناب نریندر مودی کو انہیں   اس ذمہ داری کو سونپنے کے لئے  شکریہ ادا کیا۔

Received warm welcome from the Hon'ble Union Minister shri Gajendra Singh Shekhawat ji for Jal Shakti and the Secretary, other senior officials of the ministry were also present. @gssjodhpur @PMOIndia @JPNadda @blsanthosh pic.twitter.com/6MRtAR9GC8

— Bishweswar Tudu (@BiswaswarTudu) July 8, 2021

ش ح۔ ش ت۔ج

Uno-6360