ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ), മ്യാൻമർ ആരോഗ്യ, കായിക മന്ത്രാലയം, മെഡിക്കൽ റിസർച്ച് ഡിപ്പാർട്ട്‌മെന്റ് (ഡിഎംആർ) എന്നിവ തമ്മിൽ  2020 ഫെബ്രുവരിയിൽ ന്യൂഡൽഹിയിൽ  ഒപ്പുവച്ച ധാരണാപത്രത്തിന്    പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭായോഗം അംഗീകാരം നൽകി. 

പരസ്പര ഗവേഷണ വിഷയങ്ങളിൽ ആരോഗ്യകരമായ ഗവേഷണ ബന്ധം വളർത്തിയെടുക്കുക എന്നതാണ് ഈ ധാരണാപത്രത്തി ന്റെ ലക്ഷ്യം. പ്രധാന ലക്ഷ്യങ്ങൾ ഇവയാണ്:

എ. പകർച്ചവ്യാധികൾ ഇല്ലാതാക്കുക (പരസ്പരം തീരുമാനിക്കണം)
ബി. ഉയർന്നുവരുന്ന, വൈറൽ അണുബാധകളുടെ നെറ്റ്‌വർക്ക് പ്ലാറ്റ്‌ഫോമിന്റെ വികസനം
സി. ഗവേഷണ രീതിശാസ്ത്രം, മാനേജ്മെന്റ്, ക്ലിനിക്കൽ ട്രയലുകൾ, നൈതികത  മുതലായവയിൽ പരിശീലനം / ശേഷി വർദ്ധിപ്പിക്കൽ.
ഡി. നിയന്ത്രണ സംവിധാനങ്ങളുടെ  അനുരഞ്ജനം 

അതതു  ലഭ്യമായ ഫണ്ടുകൾ അനുസരിച്ച് ശില്പശാലകൾ  / മീറ്റിംഗുകൾ, ഗവേഷണ പ്രോജക്ടുകൾ എന്നിവയ്ക്കുള്ള ഫണ്ടുകളുടെ പ്രതിബദ്ധത സമയാസമയങ്ങളിൽ തീരുമാനിക്കും. ഓരോ സ്ഥാപനത്തിൽ  നിന്നുമുള്ള പ്രതിനിധികൾ ഉൾപ്പെടുന്ന ഒരു സംയുക്ത വർക്കിംഗ് ഗ്രൂപ്പ് (ജെഡബ്ല്യുജി)  സ്ഥാപിക്കും. ജെഡബ്ല്യുജി സെഷനുകൾ ഇന്ത്യയിലും മ്യാൻമറിലും  നടക്കും. വിസ പ്രവേശനം, താമസം,  ആരോഗ്യ ഇൻഷുറൻസ്,  ജെഡബ്ല്യുജി അംഗങ്ങളുടെ പ്രാദേശിക ഗതാഗതം എന്നിവയുൾപ്പെടെയുള്ള യാത്രയുമായി ബന്ധപ്പെട്ട ചെലവുകൾ അയയ്ക്കുന്ന കക്ഷി  വഹിക്കും, അതേസമയം ജെഡബ്ല്യുജി യോഗങ്ങളുടെ സംഘടനാ ചെലവുകൾ ആതിഥേയ രാജ്യം  വഹിക്കും.

****