چیف لیبر کمشنر اور ڈی جی لیبر بیورو جناب  ڈی پی ایس نیگی نے ہماچل پردیش میں این ایچ پی سی اور بی آر او پروجیکٹس میں لیبر قوانین اور لیبر کوڈ کے سینسی ٹایزیشن  اور اس کے نفاذ کی صورتحال کا جائزہ لیا۔علحیدہ میٹنگوں میں،جناب نیگی نے ناگ وین میں این ایچ پی سی کے پاروتی -2اور پاروتی -3پروجیکٹوں میں مزدوروں کے مروجہ معاملات کے سلسلے میں پوچھ گچھ کی۔انہوں نے بہالی کے پاروتی پاور اسٹیشن میں جاری مختلف سرگرمیوں کا جائزہ بھی لیا۔

دونوں منصوبوں کے انچارج جی ایم نے سی ایل سی کم ڈی جی لیبر کو مختلف لیبر قوانین کی تعمیل کے بارے میں آگاہ کیا۔ جناب نیگی  نے این ایچ پی سی کے دونوں منصوبوں میں لیبر قوانین کی تعمیل کی حیثیت پر اطمینان کا اظہار کیا۔

چیف لیبر کمشنر اور ڈی جی ، لیبر بیورو نے اٹل سرنگ کا بھی دورہ کیا اور بارڈر روڈ آرگنائزیشن (بی آر او) کے سینئر عہدیداروں اور سرنگ کی مختلف سرگرمیوں میں مصروف ٹھیکیداروں سے ملاقات کی۔ میٹنگ میں ، بی آر او کے عہدیداروں ، جو سڑک کی تعمیر کا ایک ادارہ ہے ، جو 1960 میں وزارت دفاع کے تحت تشکیل دیا گیا تھا ، نے سرنگ کے کام اور اس سے متعلق دیگر پہلوؤں کی تفصیلی پیش کش کی۔ جناب  نیگی نے بی آر او اور ٹھیکیداروں کے عہدیداروں کو لیبر قوانین اور نئ لیبر کوڈز کے نفاذ کی اہمیت کے بارے میں وضاحت کی۔ انہوں نے واضح کیا کہ نئے لیبر کوڈز کی تعمیل ملازمین اور آجر دونوں کے لئے جیت کی صورتحال ہے۔

سرنگ ، نو کلومیٹر سے زیادہ کی لمبائی پر مشتمل ، بارڈر روڈ آرگنائزیشن کے ذریعہ روہتانگ پاس کے نیچے تعمیر کی گئی ہے۔ اس نے رابطے میں بہتری لائی ہے ، جس سے سفر کے وقت اور منالی اور کیلاونگ کے درمیان مجموعی طور پر فاصلہ کافی حد تک کم ہوتا ہے۔

 

ش ح ۔ا م۔ر ب۔

U:5745

(Release ID: 1729296) Visitor Counter : 163