ملک گیر ٹیکہ کاری مہم کے ایک حصے کے طور پر ، حکومت ہند کووڈ ویکسین کی خوراکیں بلا قیمت فراہم کرکے ریاستوں اور مرکز کے زیر انتظام علاقوں کی مدد کرتی رہی ہے۔اس کے علاوہ حکومت ہند ریاستوں/ مرکز کے زیرانتظام علاقوں کے لئے کووڈ ویکسین کی براہ راست خریداری کے لئے بھی سہولیات فراہم کرتی رہی ہے۔ ٹیکہ کاری عالمی وبا کی روک تھام اور اس کے مینجمنٹ کے لئے ہندوستانی حکومت کی جامع حکمت عملی کا ایک مضبوط ستون ہے۔اس کے ساتھ ساتھ جانچ، تشخیص، علاج اور کووڈ سے متعلق اپنائے جانے والے احتیاطی برتاؤ کی اہمیت بھی اپنی جگہ ہے۔

یکم مئی 2021 سے کووڈ-19 کی ٹیکہ کاری کے اصلاح شدہ اور تیز رفتار تیسرے مرحلے کی حکمت عملی پر عمل درآمد شروع کیاجاچکا ہے۔

اس حکمت عملی کے تحت ہندوستانی حکومت کے ذریعہ کسی بھی دوا ساز کمپنی کی سینٹرل ڈرگس لیباریٹری(سی ڈی ایل) کے ذریعہ منظور شدہ خوراکوں کے 50 فیصد کی خریداری کی جائے گی اور حکومت ریاستی حکومتوں کو ان خوراکوں کی مجموعی طور پر بلا قیمت فراہمی جاری رکھے گی، جیسا کہ اس سے پہلے کیا گیا ہے۔

اب تک ریاستوں/ مرکز کے زیرانتظام علاقوں کو 27.28 کروڑ سے زیادہ (27,28,31,900) ویکسین کی خوراکیں فراہم کرائی جاچکی ہیں۔یہ فراہمی حکومت ہند کے ذریعہ( بلا قیمت) اور براہ راست ریاستوں کے ذریعہ خریداری کی شکل میں بھی کی جارہی ہے۔

اس میں سے، مجموعی کھپت جس میں ضائع ہونے والی خوراکیں بھی شامل ہیں،25,10,03,417 خوراکیں ہے۔( آج صبح آٹھ بجے تک موصول ہونے والی تفصیلات کے مطابق)۔

ریاستوں/ مرکز کے زیرانتظام علاقوں کے پاس لوگوں کو دیئے جانے کے لئے 2.18 کروڑ سے زیادہ (2,18,28,483) کووڈ ویکسین کی خوراکیں اس وقت بھی دستیاب ہیں،جنہیں ریاستیں اور مرکز کے زیرانتظام علاقے اگلے تین دنوں کے اندر اندر حاصل کرلیں گے۔

مزید یہ کہ 56,70,350 سے زیادہ ویکسین کی خوراکیں پائپ لائن میں ہیں اور اگلے 3 دن کے اندر ریاستوں / مرکز کے زیر انتظام علاقوں کی طرف سے ان کو موصول کیا جائے گا۔

**************

U-5560

ش ح۔  ق ت ۔  ت ع۔